Viral News: उत्तर प्रदेशातील झाशी येथील एसएसपी कार्यालयासमोर पोलीस इन्स्पेक्टर आणि पोलीस शिपाई यांच्यातील हाणामारीचा व्हिडिओ सोशल मीडियावर व्हायरल झाला आहे. या व्हिडिओत दोघेही पोलीस कर्मचारी एकमेकांच्या अंगावर धावून जात असल्याचे दिसत आहे. एसएसपी कार्यालयात तैनात असलेल्या सहकारी कर्मचाऱ्यांनी हस्तक्षेप करून दोघांमधील वाद मिटवला. यावेळी घटनास्थळी उपस्थित असलेल्या लोकांनी हा संपूर्ण प्रकार आपल्या मोबाईलमध्ये रेकॉर्ड केला.

भारतात एका गावातून दुसऱ्या गावाला एसटी बसने जोडलं आहे. त्यानंतर भारतात रेल्वेचे जाळे पसरलंय. ज्यामुळे आरामदायी, जलद आणि स्वस्त प्रवास म्हणून भारतीयांची रेल्वेला पसंती आहे. भारतात प्रत्येक राज्यात आणि शहरात रेल्वे स्टेशन आहे. पण तुम्हाला जाणून आश्चर्य वाटेल की, भारतातील एका राज्य आजही रेल्वे स्टेशन नाही. आज आपण सामान्य ज्ञानमध्ये याच राज्याबद्दल जाणून घेणार आहोत. स्पर्धा परीक्षांमध्ये अशाप्रकारचे प्रश्न विचारले जातात. भारतातील हे राज्य आहे जिथे एकही रेल्वे स्टेशन त्याचं नाव सिक्कीम आहे. सुंदर लँडस्केप आणि वाढती लोकसंख्या आणि पर्यटकांची सर्वात अधिक पसंती असून या राज्यात एकही रेल्वे स्टेशन नाही. यामागील कारण जाणून घेऊयात. 

भारतीय रेल्वे प्रणाली ही जगातील चौथ्या क्रमांकाची आणि आशियातील सर्वात मोठी आहे. मीडिया रिपोर्ट्सनुसार, संपूर्ण रेल्वे नेटवर्क अंदाजे 70,000 किलोमीटर असून 7,000 हून अधिक स्थानकं आहेत. दररोज 13,000 हून अधिक प्रवासी गाड्या आणि 8,000 हून अधिक मालवाहू गाड्या इथे धावतात. ज्यामुळे ते भारताच्या वाहतूक नेटवर्कचा एक महत्त्वाचा भाग बनते. (The only state in India without a single railway station Sikkim Know why)

सिक्कीम हे भारतातील एकमेव राज्य आहे ज्याच्या सीमेवर कोणतेही रेल्वे स्टेशन नाही. हे राज्य हिमालयाच्या कठीण प्रदेशात वसलेले असल्याने, खडकाळ टेकड्या आणि आव्हानात्मक लँडस्केप, रेल्वे संपर्क टिकवून ठेवणे रेल्वे अधिकाऱ्यांसाठी कठीण काम झालंय. असे असूनही, सिक्कीम रस्ते आणि हवाई मार्गाने चांगले जोडलेले असून जवळची रेल्वे स्थानके शेजारच्या पश्चिम बंगालमध्ये आहेत. सिक्कीमच्या जवळ दोन रेल्वे स्टेशन आहेत. एक सिलीगुडी रेल्वे स्टेशन आणि न्यू जलपाईगुडी रेल्वे स्टेशन आहेत. सिक्कीमपासून सुमारे 114 किलोमीटर अंतरावर असलेले, सिलीगुडी हे या प्रदेशासाठी एक प्रमुख वाहतूक केंद्र आहे. त्यानंतर सुमारे 125 किलोमीटर अंतरावर असलेले, न्यू जलपाईगुडी हे सिक्कीमला रस्त्याने प्रवेश देणारे दुसरे प्रमुख स्थानक आहे.

सिक्कीममध्ये सध्या रंगपो नावाच्या रेल्वे स्टेशनचे बांधकाम सुरू आहे. पूर्ण झाल्यानंतर, हे स्टेशन रंगपो शहर आणि सिक्कीमच्या तीन जिल्ह्यांना जोडेल. यामुळे राज्यातील वाहतूक आणि कनेक्टिव्हिटी सुधारेल आणि उर्वरित भारताला एक महत्त्वाचा दुवा मिळेल अशी अपेक्षा व्यक्त करण्यात येत आहे. 

तर भारताच्या ईशान्य भागात असलेल्या मिझोराममध्ये एकच रेल्वे स्टेशन असून त्याच नाव बैराबी आहे. हे स्टेशन कोलासिब जिल्ह्यात आहे. मर्यादित रेल्वे सुविधा असूनही, मिझोराम हे रस्ते आणि हवाई नेटवर्कद्वारे उर्वरित भारताशी चांगले जोडलेले आहे. मिझोरामनंतर दुसरे ईशान्येकडील राज्य मेघालयमध्ये मेंडीपठार हे एकमेव रेल्वे स्टेशन आहे. हे पूर्व गारो हिल्स जिल्ह्यात वसलेले आहे. राज्यात रेल्वे मर्यादित असली तरी रस्ते वाहतूक हे संपर्काचे प्राथमिक साधन राहिलंय. 

केरळमध्ये एका 24 वर्षीय तरुणीला कोर्टाने मृत्यूदंडाची शिक्षा सुनावली आहे. तरुणीने दोन वर्षांपूर्वी आपल्या प्रियकराची निर्घृणपणे हत्या केली होती. ग्रीष्मा असं या तरुणीचं नाव आहे. नात्यातून सुटका करण्यासाठी तिने आपला 23 वर्षीय प्रियकर शरॉन राज याची विष पाजून हत्या केली होती.  

गेल्या आठवड्यात ग्रीष्मा आणि तिच्या काकाला हत्येसाठी दोषी ठरवणाऱ्या स्थानिक न्यायालयाने गुन्ह्याच्या गांभीर्यापेक्षा आरोपीचे वय विचारात घेण्याची गरज नाही असं निरीक्षण नोंदवलं. आरोपीने तिच्या शैक्षणिक कामगिरी, पूर्वीचा गुन्हेगारी इतिहास नसणे आणि ती तिच्या पालकांची एकुलती एक मुलगी आहे हे कारण देत शिक्षेत सौम्यता मागितली होती.

गुन्हा सिद्ध करण्यासाठी सरकारी वकिलांनी परिस्थितीजन्य, डिजिटल आणि वैज्ञानिक पुराव्यांवर अवलंबून असल्याचं न्यायालयाने म्हटलं आहे. केरळमध्ये फाशीची शिक्षा भोगणारी ग्रीष्मा ही सर्वात तरुण महिला ठरली आहे. पीडितेच्या वकिलाने निकालानंतर न्यायालय पुरावे स्वीकारेल असा विश्वास व्यक्त केला आहे. 

“मी कोर्टासमोर युक्तिवदा करत असताना, कोर्ट आम्ही दिलेले पुरावे स्विकारेल असा विश्वास होता. हे दुर्मिळातील दुर्मिळ प्रकरण असल्याचा युक्तिवाद मी केला. तसंच याप्रकरणी फाशीची शिक्षा द्यावी अशी मागणी केली होती. हा आदर्श निर्णय आहे,” असं विशेष सरकारी वकील व्ही एस विनीत कुमार यांनी प्रसारमाध्यमांशी संवाद साधताना सांगितलं.

2022 मध्ये ग्रीष्माने प्रियकराला पॅराक्वॅट या तणनाशकाने बनलेले आयुर्वेदिक टॉनिक देऊन विषप्रयोग केला होता. 11 दिवसांनी सर्व अवयव निकामी झाल्याने त्याचा मृत्यू झाल होता. तामिळनाडूमधील एका लष्कर जवानाशी लग्न ठरल्यानंतरही राज नातं संपवण्यास तयार नसल्याने ग्रीष्माने हत्येचा कट आखला होता. अधिकाऱ्यांनी दिलेल्या माहितीनुसार, ग्रीष्माने याआधी पळांच्या ज्यूसमध्ये पॅरासिटोमॉल टॅब्लेट मिसळून राजची हत्या करण्याचा प्रयत्न केला होता. पण चव खराब असल्याचं सांगत त्याने पिण्यास नकार दिला होता. 

तिरुअनंतपुरम जिल्ह्यातील पारासला येथील रहिवासी असलेला राज हा बीएससी रेडिओलॉजीचा विद्यार्थी होता. ग्रीष्माला भारतीय दंड संहितेच्या (आयपीसी) विविध कलमांखाली दोषी ठरवण्यात आले, ज्यामध्ये खून देखील समाविष्ट आहे. तिचे काका निर्मलाकुमारन नायर यांना पुरावे नष्ट केल्याबद्दल दोषी ठरवण्यात आले. आरोपीच्या आईलाही ताब्यात घेण्यात आले होते, परंतु पुराव्याअभावी तिला निर्दोष सोडण्यात आलं.