Atul Subhash like Suicide Case:​  टीसीएसमध्ये मॅनेजर म्हणून काम करणाऱ्या एक तरुणाने  लाइव्ह व्हिडीओ बनवून स्वतःचे आयुष्य संपवले आहे. व्हिडीओमध्ये मृत मानव शर्माने आई आणि वडिलांना सॉरी म्हटले आहे. ‘मी माझ्या पत्नीच्या छळाला कंटाळलो आहे. पुरुषांबद्दल काही बोलू नका.’ असेही या व्हिडीओमध्ये ऐकायला मिळत आहे. सुमारे 7 मिनिटांचा हा व्हिडीओ आहे. या तरुणाने पत्नी आणि तिच्या माहेरच्या कुटुंबाला जबाबदार धरले आहे. व्हिडीओमध्ये पत्नीच्या छळाला कंटाळल्याचे तरुणाने सांगितले.

गळफास लावून रडतानाचा व्हिडीओ

आत्महत्या करण्यापूर्वी तरुणाने गळफास लावून रडतानाचा व्हिडीओ बनवला आहे. व्हिडीओमध्ये बोलले आहे की, कृपया कोणीतरी पुरुषांबद्दल बोला, ते खूप एकटे पडतात. मिळालेल्या माहितीनुसार, मृत मानव शर्मा असे या तरुणाचे नाव आहे आणि तो सदर भागातील डिफेन्स कॉलनी येथील रहिवासी होता. त्याने 24 फेब्रुवारी रोजी पहाटे त्यांनी राहत्या घरी गळफास घेऊन आत्महत्या केली. याप्रकरणी मयताच्या वडिलांनी सदर पोलीस ठाण्यात तक्रार नोंदवली आहे.  तसेच सीएम पोर्टलवर तक्रार पत्रही लिहिले आहे. ज्यामध्ये त्यांची सून आणि तिच्या माहेरच्या कुटुंबाला जबाबदार धरण्यात आले आहे.

काय म्हणाले वडील? 

वडिलांचे म्हणणे आहे की, ‘मुलाचे लग्न 30 जानेवारी 2024 रोजी झाले होते. सून मुलासह मुंबईला शिफ्ट झाली. मात्र काही दिवसांनी त्यांच्यात वाद सुरु झाले. सून नेहमी  कुटुंबाला खोट्या प्रकरणात अडकवण्याची धमकी द्यायची.’ वडिलांच्या म्हणण्यानुसार, सून तिच्या प्रियकरासोबत राहण्याबाबत नेहमी बोलायची. यामुळे त्यांच्या मुलाने सगळ्या गोष्टींना कंटाळून मृत्यूला कवटाळले. हा प्रकार घरच्यांना कळताच त्यांनी मुलाला रुग्णालयात नेले. जिथे डॉक्टरांनी त्याला मृत घोषित केले.

व्हिडीओमध्ये काय म्हणाला मानव शर्मा? 

मानव शर्माने मृत्यूपूर्वी व्हिडीओ बनवला. ज्यात तो बोलताना दिसत आहे की, “माफ करा आई आणि बाबा. मी तर जाईन. पण कृपया पुरुषांचा विचार करा. त्यांच्याबद्दल कोणी बोलत नाही, बिचारे खूप एकटे पडतात. मी निघून गेल्यावर सर्व काही ठीक होईल.” त्या आधीही मानवने आत्महत्येचा प्रयत्न केल्याचे मानवने सांगितले. सुमारे 7 मिनिटांच्या व्हिडीओमध्ये तो रडताना दिसत आहे.

Disclaimer: जीवन अनमोल आहे. त्याचा पूर्ण आदर करा. प्रत्येक क्षणाचा आनंद घ्या. जर तुम्ही एखाद्या समस्येमुळे किंवा घटनेमुळे व्यथित असाल तर जीवनाचा त्याग करण्याची गरज नाही. चांगले आणि वाईट काळ येतच राहतात. परंतु जेव्हाही काही कारणास्तव तुम्हाला तीव्र निराशा, नैराश्य, ताण वाटेल तेव्हा सरकारने दिलेल्या ९१५२९८७८२१ या हेल्पलाइन क्रमांकावर संपर्क साधा.

मध्य प्रदेशात एका पाच वर्षाच्या चिमुरडीवर बलात्कार करण्यात आल्याने खळबळ उडाली आहे. चिमुरडी सध्या मृत्यूशी संघर्ष देत आहे. धक्कादायक बाब म्हणजे, चिमुरडीवर लैंगिक अत्याचार करणारा आरोपी अल्पवयीन असून फक्त 17 वर्षांचा आहे. आरोपी अत्यंत हिंसकपणे अत्याचार केला असून, सीमाच गाठल्या आहेत. ग्वालियरच्या कमला राजा रुग्णालयात मुलीला दाखल करण्यात आलं आहे. तेथील डॉक्टरांनी दिलेल्या माहितीनुसार, तिच्या गुप्तांगाला 28 टाके मारण्यात आले आहेत. तसंच कोलोस्टोमीसाठी शस्त्रक्रिया करण्यात आली. पोलिसांनी आरोपीला ताब्यात घेतलं असून, त्याला बालसुधारगृहात पाठवण्यात आलं आहे. 

पोलिसांनी दिलेल्या माहितीनुसार, अत्याचार केले तेव्हा आरोपी दारुच्या नशेत होता. त्याने अनेक वेळा चिमुरडीचं डोकं भिंतीवर आपटलं आणि त्यानंतर तिच्यावर अत्याचार केले. मुलीच्या डोक्याला गंभीर इजा झाल्या आहेत. याशिवाय तिचं शरीर, गुप्तांग येथे अनेक ओरखडे आणि चावा घेतल्याचा खुणा आहेत.

मुलीला रुग्णालयात दाखल करण्यात आल्यानंतर तिची प्रकृती स्थिर करण्यासाठी डॉक्टरांना दोन तास ऑपरेशन करावं लागलं. यानंतरही तिची प्रकृती नाजूक आहे. मुलगी शुद्धीत आली असली तरी तिने या घटनेनंतर एकही शब्द उच्चारलेला नाही. या घटनेला आता पाच दिवस झाले आहेत. पण अद्यापही मुलगी मानसिक धक्क्यात आहे.
  
चिमुरडी शिवपुरी येथे वास्तव्यास आहे. 23 फेब्रुवारीला मुलगी बेपत्ता झाली होती. जवळपास दोन तासांनी मुलगी शेजारी एका गच्चीवर आढळली होती. यावेळी ती बेशुद्ध आणि रक्ताच्या थारोळ्यात होती. 

या घटनेनंतर मुलीच्या कुटुंबीयांमध्ये संताप असून त्यांनी आरोपीला मृत्यूदंडाची शिक्षा देण्याची मागणी केली आहे. त्याला रस्त्यावर सर्वांदेखत गोळ्या घालाव्यात अशी मागणी तिच्या आईने केली आहे. 

या घटनेनंतर परिसरात संतापाची लाट आहे. स्थानिक आणि राजकीय पक्षांनी येथे आंदोलनही केलं आहे. काँग्रेस आणि भाजपच्या नेत्यांनी फास्ट ट्रॅक कोर्टात खटला चालवण्याची आणि आरोपींना मृत्युदंडाची शिक्षा देण्याची मागणी केली आहे. नेत्यांनी जिल्हा प्रशासनाला निवेदन सादर केलं आहे.

मध्य प्रदेशातील शिवपुरीमध्ये एका ५ वर्षाच्या मुलीसोबत क्रूरतेच्या सर्व सीमा ओलांडल्याचा धक्कादायक प्रकार समोर आला आहे. ५ वर्षाच्या चिमुकलीवर केलेल्या अत्याचारात या निष्पाप मुलीच्या गुप्तांगाला २८ टाके पडले आहेत, तिचे डोके भिंतीवर आपटेले गेले. इतके करूनही नराधमाचे मन भरले नाही. त्याने मुलीच्या संपूर्ण शरीराचा चावा घेत तिला गंभीर जखमी केले. शिवपुरीत रक्ताने माखलेल्या अवस्थेत सापडलेली पाच वर्षांची निष्पाप मुलगी सध्या ग्वाल्हेरच्या कमला राजा हॉस्पिटलच्या अतिदक्षता विभागात (आयसीयू) मृत्यूशी झुंज देत आहे.