पतीविरोधातील क्रूरतेच्या आधारे त्याची घटस्फोट याचिका स्विकारणाऱ्या कौटुंबिक न्यायालयाच्या निर्णयाला आव्हान देणारी याचिका मध्यप्रदेश हायकोर्टाने फेटाळली आहे. न्यायमूर्ती विवेक रुसिया आणि गजेंद्र सिंग यांनी पतीने केलेल्या आरोपांची दखल घेतली. पत्नी आपल्या पुरुष मित्रांशी लैंगिक आयुष्यावर गप्पा मारत असल्याचं पतीने सांगितलं होतं. लग्नानंतर पत्नी किंवा पती त्यांच्या मित्रांसोबत अश्लील संभाषण करू शकत नाहीत, असं निरीक्षण न्यायालयाने नोंदवलं आहे.

“कोणत्याही पतीला त्याची पत्नी अशा प्रकारच्या अश्लील चॅटिंगद्वारे मोबाईलवरून संभाषण करत आहे हे सहन होणार नाही. लग्नानंतर पती-पत्नी दोघांनाही मोबाईल, चॅटिंग आणि इतर माध्यमातून मित्रांसोबत संभाषण करण्याचे स्वातंत्र्य आहे. परंतु संभाषणाची पातळी सभ्य आणि प्रतिष्ठित असली पाहिजे, विशेषतः जेव्हा ते विरुद्ध व्यक्तीसोबत असेल, जे जोडीदाराला आक्षेपार्ह नसावे,” असं कोर्टाने म्हटलं आहे. जर आक्षेप असतानाही पती किंवा पत्नीने असे कृत्य सुरू ठेवले तर ते निश्चितच मानसिक क्रूरतेला कारणीभूत ठरेल असं कोर्टाने म्हटलं आहे. 

2018 मध्ये या जोडप्याचं लग्न झालं होतं. पतीला अंशत: बहिरेपण असून, त्याने ही गोष्ट पत्नीला लग्नाच्या आधीच सांगितली होती. पतीने केलेल्या आरोपानुसार, लग्नानंतर पत्नीने त्याच्या आईसह गैरवर्तन करण्यास सुरुवात केली आणि दीड महिन्याने तिने घर सोडलं. आरोपानुसार, पत्नी लग्नानंतर आपल्या माजी प्रियकरांशी फोनवरुन बोलत असे. पतीच्या दाव्यानुसार, व्हॉट्असअपवरुन होणारं हे संभाषण अश्लिल होतं. 

No husband can tolerate wife’s vulgar chatting with other men: Madhya Pradesh High Courthttps://t.co/Pgj2UlDVJU

— Bar and Bench (@barandbench) March 14, 2025

उलटपक्षी, पत्नीने तिचा संबंधित पुरुषांशी असा कोणताही संबंध नसल्याचं म्हटलं आहे. तिने असाही दावा केला की पतीने तिचा मोबाईल फोन हॅक केला होता आणि तिच्याविरुद्ध पुरावे तयार करण्यासाठी ते मेसेज त्या दोघांना पाठवले होते. पतीने फोनवरून चॅट्स मिळवल्याने गोपनीयतेच्या अधिकाराचे उल्लंघन झाले आहे असाही युक्तिवाद तिने केला. तिने पतीवर मारहाण करण्याचा आणि 25 लाखांचा हुंडा मागण्याचा आरोप केला आहे.

पण महिलेच्या वडिलांनी स्वतः त्यांच्या मुलीला पुरुष मित्रांशी बोलण्याची सवय असल्याचं मान्य केल्याच उच्च न्यायालयाला आढळून आलं. कुटुंब न्यायालयाने असं निरीक्षण नोंदवलं आहे की अपीलकर्त्याचे वडील एक वकील आहेत आणि त्यांनी 40-50 वर्षं कोर्टात काम केलं आहे. परंतु त्यांनी पोलिसांना दिलेल्या त्यांच्या जबाबाचे खंडन केलं नाही. प्रतिवादीविरुद्ध एफआयआर किंवा घरगुती हिंसाचाराच्या तक्रारी इत्यादीद्वारे कोणतंही प्रत्युत्तर नाही, जे प्रतिवादीने पत्नीविरुद्ध केलेले आरोप बरोबर आहेत हे सिद्ध करते,” असं कोर्टाने म्हटलं आहे.

या सर्व निरीक्षणानंतर हायकोर्टाने कौटुंबिक न्यायालयाचा पतीला घटस्फोट मिळवून देण्याचा निर्णय योग्य ठरवला. “प्रतिवादीने पुराव्यांवरून हे सिद्ध केले आहे की अपीलकर्त्याने त्याच्यावर मानसिक क्रूरता केली आहे. अपीलकर्त्याचे विद्वान वकील कौटुंबिक न्यायालयाने नोंदवलेल्या निष्कर्षांमध्ये कोणतीही त्रुट दाखविण्यात अयशस्वी ठरले आहेत, म्हणून अपील फेटाळले जात आहे,” असं हायकोर्टाने सांगितलं. 

No match is being played.

गुजरातच्या वडोदरा येथे 5 जणांना भरधाव कारने उडवलं आहे. यामधील एका महिलेचा मृत्यू झाला असून, इतर जण गंभीर जखमी झाले आहेत. 20 वर्षीय तरुण ही कार चालवत होता. दरम्यान आपण मद्यपान केलं नव्हतं असा दावा तरुणाने केला आहे. तसंच इमर्जन्सी एअरबॅगमुळे आपण नीट पाहू शकलो नाही असंही त्याचं म्हणणं आहे. आपण वेगात कार चालवत असल्याचा दावाही त्याने फेटाळून लावला आहे. 

रक्षित चौरसिया असं या तरुणाचं नाव असून, त्याने शनिवारी प्रसारमाध्यमांशी संवाद साधला. “मी गाडी चालवत असलेल्या रस्त्यावरून जाणाऱ्या चौकाजवळ एक खड्डा आहे. त्यामुळे मी खड्डा चुकवून बाजूने जाण्याचा प्रयत्न केला. पण खड्ड्यामुळे माझी गाडी समोरून चालणाऱ्या स्कूटरला धडकली. त्यावेळी आपत्कालीन एअरबॅग बाहेर आली, ज्यामुळे मी समोरचं पाहू शकलो नाही आणि धडक झाली”.

‘अजून एक राऊंड मारु का?,’ ड्रंक ड्रायव्हरचा महिलेला चिरडल्यानंतर सवाल, मित्र कारमधून उतरत म्हणाला ‘हा साला…’, VIDEO व्हायरल

वडोदरा शहराच्या करेलीबाग येथे वर्दळीच्या ठिकाणी हा अपघात झाला आहे. सीसीटीव्हीत दिसत आहे त्यानुसार, काळ्या रंगाची कार भरधाव वेगात धावत होती. या कारने दोन दुचाकींना धडक दिली. तसंच तिथे उभ्या काही नागरिकांनाही उडवलं. धडक इतकी जोरदार होती की, एका महिलेचा जागीच मृत्यू झाला. अपघातानंतर चालक मद्यावस्थेत आपल्या कारमधून बाहेर आला. व्हिडीओत दिसत आहे त्यानुसार, चालकाने काळ्या रंगाचं टी-शर्ट घातलं असून त्याला अजिबात शुद्ध नव्हती आणि आरडाओरड करत होता. तो वारंवार, ‘आणखी एक राऊंड हवा आहे का?’, ‘ओम नम; शिवाय’ असं ओरडत होता. 

Trigger warning : Horrible accident in Vadodara. A young boy has run over three people. The car is registered in the name of Deon Technology Pvt Ltd. https://t.co/2bJK4F1qGI

— Mohammed Zubair (@zoo_bear) March 13, 2025

रक्षित चौरसियाने दावा केला आहे की, “कारचा वेग फक्त ताशी 50 किमी होता. मला माझ्यासमोर फक्त स्कूटर आणि कार दिसत होती. मला रस्त्याच्या शेजारी चालणारे लोक दिसलेच नाहीत”. अपघाताच्या रात्री पार्टी किंवा मद्यपान केलं होतं का? असं विचारण्यात आलं असता विद्यार्थ्याने आपण मद्याच्या प्रभावाखाली नसून होळी साजरी केल्यानंतर घऱी परतत होतो असा दावा केला आहे. “मा ना दारु प्यायला होतो, ना ड्रग्ज घेतले होते,” असं त्याने म्हटलं आहे. 

गुरुवारी रात्री उशिरा 12.30 वाजता करेलीबाग परिसरात हा अपघात झाला. त्यानंतर रक्षित चौरसियाला अटक करण्यात आली. तो उत्तर प्रदेशातील वाराणसीचा रहिवासी आहे आणि वडोदरा येथील एका विद्यापीठात कायद्याचे शिक्षण घेत आहे. या प्रकरणातील दुसरा आरोपी, जो कारचा मालक आहे आणि अपघाताच्या वेळी चौरसियासोबत प्रवास करत होता, त्यालाही अटक करण्यात आली. त्याचे नाव मित चौहान असे आहे, जो वडोदरा येथे राहतो आणि एका खासगी विद्यापीठात विद्यार्थी आहे.

#Vadodara: Drunk youth hits 7 on Holi night, 1 dies
Accident near #Karelibagh Amrapali Complex, CCTV of the incident surfaced, condition of two persons is critical. This video contains potentially disturbing situation that may be harmful to some viewers. #Accident #Gujarat pic.twitter.com/AHFGyI3MFO

— Namaskar Gujarat Australia (@NamaskarGujarat) March 13, 2025

मिळालेल्या माहितीनुसार, चौरसिया ताशी 120 किमी वेगाने कार चालवत होता. व्हिडिओत दिसत आहे त्यानुसार, त्याने दोन स्कूटर्सना धडक देत त्यांना खाली पाडलं आणि फरफटत नेलं. त्याने गाडीने चार जणांना धडक दिली, ज्यात त्यावेळी तिच्या स्कूटरवरून जाणाऱ्या एका महिलेचा समावेश होता. हेमानी पटेल अशी या महिलेची ओळख पटली आहे, ती तिच्या अल्पवयीन मुलीसोबत होळीचे रंग खरेदी करण्यासाठी बाहेर पडली होती आणि जागीच तिचा मृत्यू झाला.

अपघातस्थळावरून रक्षित चौरसियाला अटक केल्यानंतर पोलिसांनी सांगितलं की तो खरोखरच मद्यधुंद अवस्थेत होता आणि वेगाने गाडी चालवत होता. “कार वेगाने जात होती आणि करेलीबाग परिसरात अनेक लोकांना धडकली. या अपघातात एका महिलेचा मृत्यू झाला आणि इतर चार जणांवर सध्या उपचार सुरू आहेत. आम्ही एफआयआर दाखल करू आणि या मद्यपान करून गाडी चालवल्याच्या प्रकरणातील सीसीटीव्ही फुटेजचे विश्लेषण करत आहोत. या प्रकरणाचा तपास सुरू आहे,” असं वरिष्ठ पोलिस अधिकारी पन्ना मोमाया यांनी सांगितलं आहे. 

घटनेच्या काही तासांनंतर अटक करण्यात आलेल्या चौहानची वैद्यकीय चाचणी करण्यात आली जेणेकरून तोही मद्यधुंद होता की नाही हे पोलिसांना कळू शकेल. त्याचा अहवाल अद्याप समोर आलेला नाही.

Richest Temples in India:  भारतात  श्रद्धा आणि आस्थेला फार महत्व आहे. भारतात हजारो मंदिर आहे. अनेक मंदिरं ही जगप्रसिद्ध आहेत. मंदिरांना मिळणारी देणगी, देवाला अर्पण केले जाणारे सोन्या चांदीचे दागिने तसेच दान पेटीत जमा होणारी रक्कम यातून ही मंदिरं   रेकॉर्डब्रेक कमाई करतात. यामुळे इंथ देवालाही टॅक्स भरावा लागतो. जाणून घेऊया भारतातील सर्वात श्रीमंत मंदिरं कोणती? कोणती मंदिरं संस्थान किती टॅक्स भरतात. 

मंदिरांचे उत्पन्न आणि त्यावरील कराबाबत देशाच्या राजकारणात मोठा वाद सुरू आहे. भाजप सरकार मंदिरांना जीएसटी थकबाकीसाठी नोटिसा पाठवत असल्याचा आरोप काँग्रेसने केला आहे. त्याच वेळी काँग्रेस वस्तुस्थिती विकृत पद्धतीने सादर करत असल्याचा आरोप भाजपने  केला आहे. या राजकीय वादविवादाच्या दरम्यान, देशातील सर्वात श्रीमंत मंदिर कोणते आहे, ते किती कमाई करते आणि ते किती कर भरते हे जाणून घेऊया.  

तिरुमला तिरुपती मंदिर हे  भारतातील सर्वात श्रीमंत मंदिरांच्या यादीत अव्वल स्थानावर आहे. तिरुमला तिरुपती मंदिर देवस्थानम ट्रस्ट (टीटीएस) हा सर्वात श्रीमंत मंदिर ट्रस्ट आहे. एका अहवालानुसार 2025 च्या आर्थिक वर्षात या मंदिराचे उत्पन्न 4,774 कोटी रुपये इतके होते. मंदिराच्या व्यवस्थापन आणि प्रशासनाची जबाबदारी टीटीडी ट्रस्ट सांभाळते. तिरुपती बालाजी मंदिर ट्रस्टकडे 75 ठिकाणी 7,636 एकर स्थावर मालमत्ता आणि ३०७ ठिकाणी लग्नस्थळे आहेत. तिरुपती मंदिर देवस्थानम ट्रस्टच्या माध्यमातून  देशभरातील 71 मंदिरांचे व्यवस्थापन करते.  

मंदिर ट्रस्टच्या उत्पन्नात देवाला दिले जाणारे प्रसाद, प्रसाद, दर्शन तिकिटे आणि मंदिराच्या मालमत्तेवरील व्याज यांचा समावेश आहे. याशिवाय, तिरुपती मंदिर केस विकून देखील पैसे कमवतात. प्रसाद विक्रीच्या माध्यमातून मंदिराला 600 कोटी रुपयांचा नफा मिळतो. देवाच्या दर्शन पासमधून मंदिर ट्रस्ट 338 कोटी तर, प्रसादातून 1611 कोटी रुपयांचे उत्पन्न मिळते. तिरुपती बालाजी मंदिर ट्रस्टकडे 11,329 किलो सोने आहे. याची किंमत 8,496 कोटींपेक्षा जास्त आहे. याशिवाय, मंदिराला मंदिर परिसरातील दुकाने, व्यवसाय, जमीन, शेती इत्यादींमधूनही उत्पन्न मिळते.  

मंदिरही त्याच्या वार्षिक उत्पन्नावर कर भरते. मंदिरांवरील कर नियमांनुसार, आध्यात्मिक कार्यांवर कोणताही कर आकारला जात नाही. मात्र, व्यावसायिक कार्यांवर कर आकारला जातो. संसदेत दिलेल्या माहितीनुसार, तिरुपती मंदिराने 2017 आर्थिक वर्षात 14.7 कोटी रुपये, 2022 आर्थिक वर्षात 15.58 कोटी तर 2023 आर्थिक वर्षात 32.15 कोटी रुपये जीएसटी भरला होता. 2024 च्या आर्थिक वर्षात 32.95 कोटी रुपयांचा जीएसटी भरला.