No match is being played.

नोएडा सेक्टर-१५ मध्ये पत्नीचा गळा चिरून आणि हातोड्याने वार करून तिची हत्या करणाऱ्या नूरुल्लाहने आता नवा दावा केला आहे. पत्नीच्या टोमण्यांना कंटाळून त्याने असे पाऊल उचलल्याचे त्याने पोलिस चौकशीत सांगितले. याशिवाय त्याला पत्नीवरही संशय होता. नोएडा फेज-१ पोलिसांनी आरोपी पतीला अटक करून शनिवारी न्यायालयात हजर केले. त्याला १४ दिवसांची न्यायालयीन कोठडी सुनावण्यात आली आहे.

Viral Video: सेल्स, मार्केटिंग कंपनी म्हटलं की, तिथे नेहमीच कर्मचाऱ्यांच्या डोक्यावर टार्गेटची टांगती तलवार असते. प्रत्येक नोकरीमध्ये कर्मचाऱ्यांना आपण दिल्या जाणाऱ्या पगारास पात्र आहोत हे सिद्ध करण्यासाठी काही ना काही लक्ष्य गाठावं लागतं. अनेकदा कर्मचारी हे टार्गेट पूर्ण करण्यात अपयशी ठरतात. अशावेळी नोकरीवर गदा येणं साहजिक असतं. पण केरळमध्ये एक अमानवीय प्रकार समोर आला आहे. केरळच्या कोच्ची येथे एका खासगी मार्केटिंग कंपनीत टार्गेट पूर्ण न करणाऱ्या कर्मचाऱ्यांना गळ्यात साखळी घातलेल्या श्वानाप्रमाणे चालायला लावल्याचं समोर आलं आहे. 

पोलिसांनी दिलेल्या माहितीनुसार, एका माजी व्यवस्थापकाचे कंपनी मालकाशी वाद होते आणि त्याने नवीन प्रशिक्षणार्थींसोबत हा व्हिडिओ शूट केला होता. हा प्रशिक्षणाचा एक भाग असल्याचा दावा करण्यात आला होता. पण , पोलिसांनी हा प्रकार अमानवीय असल्याचं म्हटलं आहे. 

व्हायरल व्हिडिओमध्ये एका व्यक्तीच्या गळ्यात पट्टा बांधलेला दिसत आहे. यावेळी एक माणूस त्याला कुत्र्यासारखे गुडघ्यावर चालायला लावत आहे. ही चार महिन्यांपूर्वीची घटना असून, व्हिडीओ आता समोर आला आहे. संबंधित मॅनेजर आता कंपनी सोडून गेला आहे. दरम्यान दुसऱ्या एका व्हिडीओत कर्मचाऱ्यांना शिक्षा म्हणून कपडे काढण्यास भाग पाडल्याचं दिसत आहे. 

Employees at Hindustan Power Links claim they are punished for missing sales targets..allege they were forced to crawl, lick spit & bark like dogs

They earn just Rs 6000 to Rs 8000 a month. #Kerala govt orders probepic.twitter.com/34eGaw3hGJ

— Urban Secrets  (@stiwari1510) April 5, 2025

व्हिडीओ व्हायरल झाल्यानंतर राज्य कमगार विभागाने कामाच्या ठिकाणी होणाऱ्या या कथित अमानवीय अत्याचार प्रकरणी चौकशीचे आदेश दिले असून, अहवाल मागवला आहे. पोलिसांनी व्हायरल व्हिडीओत दिसणाऱ्या कर्मचाऱ्यांचे जबाबही नोंदवले आहेत. त्यांनी माजी व्यवस्थापकाला यासाठी जबाबदार धरलं आहे. 

या कंपनीत कामाला असणाऱ्या काही कर्मचाऱ्यांनी स्थानिक टीव्ही चॅनेलला सांगितलं की, जे कर्मचारी टार्गेट पूर्ण करण्यास अपयशी ठरतात त्यांनी व्यवस्थापनाकडून अशी शिक्षा दिली जाते. 

पोलिसांनी दिलेल्या माहितीनुसार, ही घटना कथितपणे कलूर येथील एका खासगी मार्केटिंग कंपनीत घडली होती आणि हा गुन्हा जवळच्या पेरुम्बवूर येथे घडला होता. यामध्ये ट्विस्ट म्हणजे, व्हिडीओत छळ होताना दिसणाऱ्या कर्मचाऱ्याने माध्यमांना कामाच्या ठिकाणी कोणताही छळ झाला नसल्याचं सांगितलं आहे. 

“मी अजूनही कंपनीत काम करत आहे. हे दृश्य काही महिन्यांपूर्वीचे होते आणि त्या वेळी संस्थेच्या व्यवस्थापक म्हणून काम करणाऱ्या एका व्यक्तीने जबरदस्तीने करुन घेतलं होतं. नंतर व्यवस्थापनाने त्याला कामावरून काढून टाकण्यास सांगितलं आणि आता तो कंपनीच्या मालकाला बदनाम करण्यासाठी या व्हिडीओचा वापर करत आहे,” असा दावा त्याने केला आहे. त्यांनी पोलिस आणि कामगार विभागाच्या अधिकाऱ्यांनाही असंच निवेदन दिल्याचं समजत आहे.

राज्याचे कामगार मंत्री व्ही. शिवनकुट्टी यांनी हे व्हिडीओ फार धक्कादायक आणि अस्वस्थ करणारे असल्याचं म्हटलं आहे. केरळसारख्या राज्यात कोणत्याही परिस्थितीत ते स्वीकारले जाऊ शकत नाही असंही त्यांनी म्हटलं आहे. “मी या घटनेच्या चौकशीचे आदेश दिले आहेत आणि जिल्हा कामगार अधिकाऱ्यांना चौकशी करून घटनेचा अहवाल सादर करण्याचे निर्देश दिले आहेत,” असं त्यांनी माध्यमांना सांगितलं. उच्च न्यायालयाचे वकील कुलथूर जयसिंग यांच्या तक्रारीवरून राज्य मानवाधिकार आयोगाने या घटनेप्रकरणी गुन्हा दाखल केला आहे.

दरम्यान, केरळ राज्य युवा आयोगानेही हस्तक्षेप केला आणि कथित छळाच्या घटनेत स्वतःहून गुन्हा दाखल केला. कमिटीने जिल्हा पोलिस प्रमुखांना या संदर्भात अहवाल सादर करण्याचे निर्देश दिले आहेत.  एका निवेदनात, आयोगाचे अध्यक्ष एम. शजर म्हणाले की, सुसंस्कृत आणि लोकशाही समाजात अस्वीकार्य असलेल्या अशा प्रथांवर कायदेशीर कारवाई केली पाहिजे.