Priyansh Arya Fastest Century in IPL 2025 PBKS vs GT: पंजाब किंग्सचा सलामीवीर प्रियांश आर्याने आयपीएल कारकिर्दीतील पहिलं शतक झळकावलं आहे. प्रियांश आर्याने चेन्नई सुपर किंग्सविरूद्ध ३९ चेंडूत आपलं पहिलं आयपीएलमधील शतक पूर्ण केले. अश्विन, पथिराना अशा उत्कृष्ट गोलंदाजांची धुलाई करत त्याने आपली शतकी खेळी पूर्ण केली. प्रियांश आर्याने बाद होण्यापूर्वी ४२ चेंडूत ७ चौकार आणि ९ चौकारांसह २४५ च्या स्ट्राईक रेटने १०३ धावांची खेळी केली.

Maharashtra Goa Border : महाराष्ट्राच्या बॉर्डरवर असलेले भारतातील सर्वात जगप्रसिद्ध राज्य आहे. फक्त भारतच नाही तर जगभरातून पर्यटक येथे फिरायला येता. या राज्यात फक्त दोनच जिल्हे आहेत. भारतातील लहान राज्यांच्या यादीत राज्याचे नाव आहे. जाणून घेऊया हे राज्य कोणते. 

फक्त दोनच जिल्हे असलेले हे राज्य फक्त भारतातच नाही तर संपूर्ण जगात प्रसिद्ध आहे. हे राज्य म्हणजे महाराष्ट्राच्या बॉर्डरवर असलेले गोवा राज्य. गोवा हे एक लोकप्रिय टूरीस्ट डेस्टिनेशन आहे. पर्यटक मोठ्या संख्याने  गोव्यात फिरायला येतात.
गर्दीपासून अलिप्त असलेले अथांग समुद्र किनारे, प्राचीन मंदिरे, चर्च, किल्ले येथील पर्यटकांना आकर्षित करतात.  क्रूज तसेच नाईट पार्टीसाठी गोवा खूपच लोकप्रिय आहे. 

गोव्यातील प्रसिद्ध पर्यटन स्थळे

रेइस मॅगोस किल्ला: पंजीममधील हा किल्ला 16 व्या शतकातील पोर्तुगीज किल्ला आहे. हा गोव्यातील सर्वात जुन्या किल्ल्यांपैकी एक आहे. 

कोल्वा बीच : कोलवा बीच हे गोव्यातील एक लोकप्रिय पर्यटन स्थळ आहे. येथे मोठ्या संख्येने बार आणि नाइटक्लब आहेत. पोर्तुगीज घरे आणि व्हिला देखील आहेत. यासह येथे पॅराग्लायडिंग, जेट स्कीइंग, स्नॉर्कलिंग, स्पीड बोट राइड, वॉटर स्कूटरिंग, पॅरासेलिंग आणि बनाना बोट राइड यांसारख्या काही रोमांचक जलक्रीडांचा देखील अनुभव घेता येतो. 
अरामबोल बीच:  उत्तर गोव्यातील सर्वात छान समुद्रकिनाऱ्यांपैकी हा एक आहे. हे गोव्यातील सर्वात सुंदर आणि शांत ठिकाणांपैकी एक आहे.

बागा बीच : बागा बीचे हे नाईटलाइफ अनुभवण्यासाठी गोव्यातील हे सर्वोत्तम ठिकाण आहे. 

अंजुना बीच हे गोव्यातील सर्वात प्रसिद्ध ठिकाणांपैकी एक आहे. अंजुना बीच हा गोल्डन बीच म्हणून ओळखला जातो. 

बटरफ्लाय बीच गोव्याच्या कानाकोना जिल्ह्यात पालोलेमच्या दक्षिणेला आहे. गोव्यातील ही सर्वात रोमँटिक प्लेस मानली जाते. यामुळेच याला हनीमून बीच असेही म्हटले जाते. 

दूधसागर धबधबा: 310 मीटर उंचीवरुन कोसळणारा दूधसागर धबधबा हा देशातील सर्वात उंच धबधबा गोव्यातच आहे.

Anand Mahindra Lifestyle: महिंद्रा अँड महिंद्रा ही कंपनी  वाहनासाठी लोकप्रिय आहे. या कंपनीचे मालक आनंद महिंद्रादेखील तितकेच प्रसिद्ध आहेत. ट्विटरवर त्यांचा एक मोठा चाहतावर्ग आहे. देशासह जगभरात घडणाऱ्या विविध गोष्टींवर ते व्यक्त होत असतात. त्यामुळे लोक आनंद महिंद्रांच्या सोशल मीडियावरील पोस्टची वाट पाहत असतात. आनंद महिंद्रा त्यांच्या ट्विट्स आणि सोशल मीडियाद्वारे लोकांशी जोडलेले राहतात. कोट्यवधींची मालमत्ता असलेले आनंद महिंद्रा खूपच साधे जीवन जगतात. आनंद महिंद्रा यांच्याकडे इतके पैसे आहेत की ते हवे तर सहजपणे बंगला किंवा राजवाडाही बांधू शकतात. साधेपणाने वागणारे आनंद महिंद्रा अनेक वर्षे जुन्या घरात राहतात.

महिंद्रा अँड महिंद्राचे अध्यक्ष आनंद महिंद्रा यांच्याकडे 3,13,03,00,00,000 रुपयांची अफाट संपत्ती आहे. अफाट संपत्तीचे मालक असलेले आनंद महिंद्रा यांनी ठरवलं तर ते आलिशान बंगल्यात किंवा बहुमजली इमारतीत राहू शकतील. पण ते एका वर्षानुवर्षे जुन्या घरात राहतात. मुंबईतील नेपियन सी रोडवर बांधलेल्या या तीन मजली घरात महिंद्रा वर्षानुवर्षे राहत आहे. यामागचं कारणंही तसंच आहे. हे घर त्याच्या हृदयाच्या फार जवळ आहे. त्यांनी तोच बंगला विकत घेतला जिथे ते आधी भाडेकरू म्हणून राहायचे. आता ते वर्षानुवर्षे त्यांच्या कुटुंबासह त्याच बंगल्यात राहतायत.त्या बंगल्यात असे काय आहे? जे महिंद्रा यांनी जुने घर मागितलेली किंमत देऊन विकत घेतले. 

 270 कोटी रुपये देऊन विकत घेतले

खरंतर नेपियन्सी सी रोडवरील या तीन मजली घरात आनंद महिंद्रा यांनी त्यांचे बालपण घालवले होते. आनंद महिंद्रांचे आजोबा केसी महिंद्रा मुंबईत आल्यानंतर पहिल्यांदा या घरात स्थायिक झाले. या घराचा मालक येथे त्याच्या गाड्या पार्क करायचा. नंतर त्याने ते घर भाड्याने दिले. केसी महिंद्रा त्यांच्या कुटुंबासह येथे भाडेकरू म्हणून राहू लागले होते. त्या घरात स्थलांतरित झाले तेव्हा आनंद महिंद्रांचा जन्मही झाला नव्हता. पण त्यांचे बालपण त्याच घरात गेले. ते कुटुंबासह वर्षानुवर्षे एकाच घरात राहत होते.नंतर महिंद्राचे कुटुंब येथून स्थलांतरित झाले. ते घरही दुसऱ्या कोणीतरी विकत घेतले होते. पण घराच्या नवीन मालकाने नूतनीकरणाच्या नावाखाली ते पाडण्याचा निर्णय घेतलाय असे आनंद महिंद्रांना कळले. ही बातमी आनंद महिंद्रा यांना कळताच ते अस्वस्थ झाले. वेळ वाया न घालवता त्यांनी 270 कोटी रुपये देऊन ते जुने घर विकत घेतले.  13 हजार एकरमध्ये बांधलेल्या या घराचे नाव त्यांनी ‘गुलिस्तान’ ठेवले.

 घराचे नाव गुलिस्तान

आनंद महिंद्रा यांच्या या घराचे नाव गुलिस्तान आहे. ज्याचा अर्थ फुलांचा गुच्छ असा होतो. तेव्हापासून आनंद महिंद्रा या घरात राहतात. विलासी जीवन जगण्याऐवजी त्यांनी जुन्या आठवणीत जगणे पसंत केले. या तीन मजली इमारतीचे नूतनीकरण केल्यानंतर, तो आता त्याच्या कुटुंबासह येथे राहतो.  आनंद महिंद्रा यांच्या दोन्ही मुली परदेशात राहतात.

मुलींना आईच्या कामात रस

आनंद महिंद्रा यांच्या पत्नी पत्रकारिता क्षेत्राशी संबंधित आहेत. अनुराधा यांनी मुंबईतील सोफिया कॉलेजमधून मानसशास्त्रात पदवी पूर्ण केली. त्या व्हर्व्ह आणि द इंडियन क्वार्टरलीच्या मुख्य संपादक आहेत. त्यांच्या दोन्ही मुली आलिका आणि दिव्या चित्रपट आणि डिझाइन क्षेत्रात नाव कमवत आहेत. तसेच त्या आईला व्यवसायातही मदत करतात.  आनंद महिंद्रांच्या दोन्ही मुली परदेशात राहत असून त्यांनी परदेशी मुलांशीच लग्न केलंय. दोन्ही मुलींना महिंद्राच्या व्यवसायात रस नाही. त्या आईला मासिकाच्या निर्मितीत मदत करतात. मुलींना जे करायचे ते करण्यापासून रोखत मी नाही, असे आनंद महिंद्रांनी एका मुलाखतीदरम्यान सांगितले होते.

आईसाठी तिच्या मुलीच्या लग्नापेक्षा मोठा सोहळा दुसरा कोणताही नाही. मुलगी जन्माला येताच आई तिच्या लग्नाची तयारी सुरू करते. लग्नादरम्यान मुलीला कोणतीही अडचण येऊ नये म्हणून दागिन्यांपासून ते प्रत्येक पैशाची बचत केली जाते. पण आता कलियुग आले आहे. आता आपण या जगात अशा माता पाहू लागलो आहोत ज्या स्वतःच्या हातांनी आपल्या मुलीचे घर उद्ध्वस्त करत आहेत. अशीच एक कलियुग आई अलीगढमधून उदयास आली आहे.

अलीगडच्या मद्रक पोलीस ठाण्यात राहणारी एक महिला तिच्या होणार्‍या जावयासह पळून गेली. तिच्या मुलीचे लग्न नऊ दिवसांनी होते. पण होणारा नवरा त्याच्या होणाऱ्या सासूच्या प्रेमात पडला होता. अशा परिस्थितीत दोघांनीही एक योजना आखली आणि पळून गेले. पळून जाण्यापूर्वी, महिलेने तिच्या मुलीच्या लग्नासाठी बनवलेले दागिने आणि तिने वाचवलेले पैसेही चोरले. आता कुटुंबातील सदस्यांनी पोलिस ठाण्यात तक्रार दाखल केली आहे.

त्यांच्या नाकाखाली प्रेमसंबंध होता सुरु

असे सांगितले जात आहे की महिलेने स्वतः तिच्या मुलीचे लग्न निश्चित केले होते. यानंतर, भावी जावई घरी येऊ लागला. सर्वांना वाटले की, जावई आणि सासू लग्नाची तयारी करत आहेत पण इथे वेगळाच खेळ सुरू होता. जावयाने काही दिवसांपूर्वी त्याच्या सासूला मोबाईल फोनही भेट दिला होता. सगळेजण या गोष्टी अतिशय सामान्य असल्याचं मानत होते पण इथे वेगळाच खेळ सुरू होता. सासू आणि जावईचे प्रेमसंबंध सर्वांच्या नाकाखाली सुरू आहेत हे कोणालाही कळले नाही.

मुलीचा संसार मोडला 

मुलीचे लग्न 16 एप्रिल रोजी होणार होते. लग्नाच्या पत्रिका सर्वत्र वाटल्या गेल्या. दरम्यान, मुलगा घरी आला आणि सासूसोबत खरेदीला जात असल्याचे सांगून बाहेर गेला. दोघेही एकत्र गेले. काही वेळाने, दोघांचेही फोन बंद झाले. मुलीच्या वडिलांना संशय आल्यावर त्यांनी कपाट तपासले. लग्नातील दागिने आणि रोख रक्कम गायब असल्याचे पाहिले. तेव्हाच मला संपूर्ण प्रकरण समजले. आता पोलिसांनी दोघांचाही शोध सुरू केला आहे. दोघांचेही फोन लोकेशन ट्रॅक केले जात आहे.

Prince Yakub Habeebuddin Tucy :  वक्फ विधेयकानरुन संपूर्ण देशात आणि औरंगजेबच्या कबरीवरुन महाराष्ट्रात मोठा वाद पेटला आहे. औरंगजेबाच्या कबरीचं सरंक्षण करण्याच्या मागणीसाठी मुघल वंशज प्रिन्स याकूब हबीबुद्दीन टुसी यांच्या नव्या दाव्यामुळे आता खळबळ उडाली आहे. ताजमहल, बाबरी आणि लाल किल्ल्याचे मालक आम्हीच असा दावा  प्रिन्स याकूब हबीबुद्दीन टुसी यांनी केला आहे. मुघल वंशज असल्याचे सिद्ध करण्यासाठी प्रिन्स याकूब हबीबुद्दीन DNA रिपोर्टच कोर्टात सादर केला. 

मुघल साम्राज्याच्या सम्राटांनी जवळपास 350  वर्षे भारतावर राज्य केले. बहादूर शाह जफर हा शेवटचा मुघल सम्राट होता. 1857 च्या स्वातंत्र्य लढ्यात भाग घेतला म्हणून ब्रिटिशांनी त्याला अटक केली होती. त्याच्यासोबतच मुघल साम्राज्याचा अंत झाला. असे असले तरी स्वतःला मुघलांचे वंशज असल्याचा दावा करणारे लोक वेळोवेळी दिसून येत राहतात. त्यापैकी एक म्हणजे प्रिन्स याकूब हबीबुद्दीन टुसी. 

मुघल सम्राट बहादूर शाह जफरचा पणतू असल्याचा दावा प्रिन्स याकूब हबीबुद्दीन टुसी करतो. प्रिन्स तुसी यांचा दावा आहे की उझबेकिस्तानसह अनेक देशांनी त्यांना मुघल वंशज म्हणून स्वीकारले आहे. डीएनए चाचण्यांमध्येही त्यांच्या दाव्याची पुष्टी झाली आहे. विशेष म्हणजे प्रिन्स याकूब हबीबुद्दीन टुसी  मुघल सम्राटांसारखेच पोशाख घालून फिरतो. यामुळे प्रिन्स याकूब हबीबुद्दीन टुसी  नेहमीच चर्चेत असतो.

प्रिन्स याकूब हबीबुद्दीन टुसी याने कोर्टात DNA चे पुरावे सादर करत आपण मुघलांचे वंशज असल्याचा दावा केला आहे. इतकचं नाही तर मुघलांनी बांधलेला ताजमहाल, दिल्लीतील लाल किल्ला आणि अयोध्येतील बाबरी मस्जिद जमीन आमच्याच मालकीचा असल्याचा दावा केला आहे. 

दरम्यान, काही दिवसांपूर्वीच औरंगजेबाच्या कबरीचं सरंक्षण करण्याच्या मागणीसाठी प्रिन्स याकूब हबीबुद्दीन टुसी यांनी राष्ट्रपतींना पत्र पाठवून साकडं घातलंय. पत्रातून त्यांनी कबरीच्या संरक्षणाची मागणी केलीय… प्रिन्स याकूब हबीबुद्दीन टुसी यांनी हे पत्र भारताचे राष्ट्रपती, पंतप्रधान, सुप्रीम कोर्टाचे सरन्यायाधीश, महाराष्ट्र राज्यपाल, आणि स्थानिक पोलीस यंत्रणासह  महत्वाच्या लोकांना पाठवलंय. प्रिन्स याकूब हबीबुद्दीन हे मुघल कुटुंबांचे उत्तरधिकारी असल्याचे त्यांनी या पत्रात म्हंटले आहे.