अमरावती : शहरातील पंचवटी येथील सिग्नलवर दोन कलाकारांची नृत्य करतानाची चित्रफित समाज माध्यमांवर प्रसारीत झाल्यानंतर तिखट प्रतिक्रिया उमटली आणि त्यांच्यावर गुन्हा दाखल करण्यात आला. नंतर दोघांनी माफीही मागितली. पण, या प्रकारामुळे ‘लाईक’ आणि ‘व्ह्यूज’ मिळवण्याच्या नादात मर्यादा ओलांडली जात आहे का, हा प्रश्न चर्चेत आला आहे. जिल्ह्यातील अनेक ‘इन्फ्लूएन्सर्स’चे ‘फॉलोअर्स’ लाखांमध्ये आहेत. ‘रीलस्टार्स’ मधील स्पर्धा ही आता वेगळ्याच वळणावर पोहचली आहे.

‘रीलस्टार’ देविदास इंगोले हे वाहनचालक म्हणून काम करतात. ते सांगतात, मी गोव्यात गेलो, त्यावेळी सहजपणे विदेशी पर्यटकांसोबत ‘रील’ तयार केली, ती चांगलीच गाजली, त्यानंतर मित्रांनी प्रोत्साहन दिले. पण पंचवटी येथे वाहतूक नियमांचे उल्लंघन करून ‘रील’ तयार करणे, ही माझी सर्वात मोठी चूक होती, ती आता पुन्हा करणार नाही. देविदास इंगोले यांच्यासोबत नृत्य करणाऱ्या राणी राठोड यांनी देखील क्षमायाचना केली आहे.

२०२२ मध्ये पुष्पा-१ प्रदर्शित झाल्यानंतर ‘श्रीवल्ली’ या गाण्याच्या स्टाईलने अनेकांना भूरळ पाडली होती. या गाण्याचे मराठी व्हर्जन अमरावतीत जिल्ह्यातील तिवसा तालुक्यातील निंभोरा येथे राहणाऱ्या विजय खंडारे या तरूणाने तयार केले. ते चांगलेच व्हायरल झाले होते. विजयने त्याच्या पत्नीसोबत काढलेल्या अनेक ‘रील’ गाजल्या.

अमरावती जिल्ह्यात अनेक ‘रीलस्टार्स’चे लाखांवर फॉलोअर्स असून कमाई देखील लाखांमध्ये आहे. अमरावतीच्या राठीनगरातील शशांक उडाखे, मोर्शी तालुक्यातील बिपीन माहुरे आणि त्याची सहकारी तन्वी काकड, रवी वानखडे, प्रज्ञा राऊत, सारंग सोनवणे, अश्विन वाकोडे यांच्यासह अनेक कलावंतांनी समाज माध्यमांवर स्वत:ची स्वतंत्र ओळख निर्माण केली आहे. त्यांचा मोठा चाहता वर्ग आहे.

चाहत्यांची संख्या महत्वाची असते. त्याचा उपयोग जाहिरात किंवा प्रमोशनसाठी होतो. त्या मोबदल्यात त्यांचे अर्थार्जन देखील होते. फॉलोअर्सची संख्या, हिट/व्ह्यूज अशा गोष्टी या कलाकारांना आर्थिक पाठबळ देणाऱ्या ठरतात. त्यावरच त्यांची आर्थिक घडी बसते. अनेक कलावंत हे सामान्य ते गरीब कुटुंबातील आहेत. त्यांनी संघर्ष देखील केला आहे.

हे कलाकार समाजातील विविध मुद्यांवर भाष्य करतात. ठाम बाजू मांडतात. तुमच्या अंगभूत कला समाज माध्यमांच्या मंचावर वापरा, दुसऱ्यांचे बघून या क्षेत्रात येऊ नका. कुणाला कॉपी करू नका, समाज माध्यमांवर देखील स्पर्धा आहे. संघर्ष करूनच यश मिळवावे लागते. येथे कुठेही शॉर्टकट नाही. कंटेट प्रभावी आणि रंजक पद्धतीने मांडता यायला हवी, असे या कलाकारांचे म्हणणे आहे.

Source link

Source link

Source link

मुंबई : महानगरपालिका प्रशासनाने पालिकेच्या शाळांमध्ये विशेष स्वछता मोहीम राबविण्यास सुरुवात केली आहे. महापालिकेच्या घनकचरा विभागाने केवळ चार दिवसांत या मोहिमेच्या माध्यमातून १२२ शाळांमध्ये स्वच्छता करून तब्बल ६९ टन कचऱ्याचे संकलन केले. तसेच, सुमारे ३६ टन राडारोड्याचे संकलन करून त्याची विल्हेवाट लावण्यात आली. तीन हजार मनुष्यबळाच्या साहाय्याने चार दिवसांत ३७ टन टाकाऊ वस्तूही गोळा करण्यात आल्या. शाळांमध्ये सुरू असलेली ही स्वच्छता मोहीम आणखी ११ दिवस राबविण्यात येणार आहे.

महानगरपालिका आयुक्त तसेच प्रशासक भूषण गगराणी आणि अतिरिक्त महानगरपालिका आयुक्त डॉ. अश्विनी जोशी यांच्या मार्गदर्शनाखाली आणि उप आयुक्त किरण दिघावकर यांच्या नेतृत्वाखाली महानगरपालिकेच्या विविध शाळांमध्ये स्वच्छता मोहीम राबविण्यात येत आहे. स्वच्छतेची सातत्याने अंमलबजावणी, कचऱ्याचे योग्य व्यवस्थापन आणि नागरिकांमध्ये स्वच्छतेसंबंधित जनजागृती करण्याच्या हेतूने महानगरपालिका सातत्याने स्वच्छता मोहीम राबवत आहे.

या मोहिमेला व्यापक स्वरूप देत यापूर्वी पूर्व व पश्चिम द्रुतगती महामार्ग, महानगरपालिकेची रुग्णालये, क्रीडांगणे आदीची स्वच्छता करण्यात आली आहे. त्याचाच एक भाग म्हणून महापालिकेच्या विविध शाळांमध्ये ७ एप्रिलपासून विशेष स्वच्छता मोहीम राबविण्यात येत आहे. एकूण १५ दिवस शनिवार, रविवार वगळता ही मोहीम सुरू ठेवण्याचा निर्णय पालिकेने घेतला आहे. त्यानुसार ७ एप्रिल ते १० एप्रिलदरम्यान मुंबईतील महापालिकेच्या १२२ शाळांमध्ये स्वच्छता मोहीम राबविण्यात आली.

या मोहिमेतून एकूण ३६.६२ टन राडारोडा आणि ६९.९ टन कचरा गोळा करण्यात आला आहे. तसेच, ३७.८ टन टाकाऊ वस्तूंचे संकलन करून त्यांची योग्य विल्हेवाट लावण्यात आली. शेकडो अद्ययावत यंत्रांच्या साहाय्याने ३ हजार ८३२ कामगार, कर्मचाऱ्यांनी स्वच्छता मोहीम राबविली. स्वच्छता मोहिमेच्या पहिल्या दिवशी म्हणजेच ७ एप्रिल रोजी २९ शाळांमध्ये केलेल्या स्वच्छतेतून २०.१ टन कचरा गोळा करण्यात आला.

शाळांमध्ये दररोज सकाळी ९ ते दुपारी १२ पर्यंत ही मोहीम राबविण्यात ये. या मोहिमेत सामाजिक संस्था, राष्ट्रीय सेवा योजना, शालेय विद्यार्थी (इयत्ता ८ वी पुढील), स्वयंसहायता गट, गृहनिर्माण संस्था आणि सामाजिकदृष्ट्या सक्रिय नागरिक आदीं सहभागी होत आहेत.

महापालिकेच्या घनकचरा व्यवस्थापन विभागाने त्यापूर्वी मुंबईतील आझाद मैदान, क्रॉस मैदान, ओव्हल मैदान, छत्रपती शिवाजी महाराज मैदान, सोमय्या मैदान, अंधेरी क्रीडा संकुल, बोरिवलीतील कोरा केंद्र, मुलुंड क्रीडा संकुल आदी विविध क्रीडांगणांमध्ये स्वच्छता मोहीम राबवली होती.

Source link