Viral Video of Hostel Girl In Suitcase: हरियाणामधील सोनीपतमधील ओपी जिंदल युनिव्हर्सिटी सध्या भारतभरात चर्चेत आहे ती या शैक्षणिक संस्थेमधील व्हायरल झालेल्या एका व्हिडीओमुळे. या व्हिडीओमध्ये एक तरुणी हॉस्टेलच्या पॅजेसमध्ये एका सूटकेसमधून बाहेर पडताना दिसत आहे. एक तरुण आपल्या प्रेयसीला मुलांच्या हॉस्टेलमध्ये लपून घेऊन जात असताना त्याला रंगेहाथ पकडण्यात आल्याचा दावा या व्हायरल व्हिडीओसंदर्भात करण्यात आला. मात्र आता या प्रकरणावर शैक्षणिक संस्थेनं आपली बाजू मांडताना सत्य समोर आणलं आहे. 

काय म्हटलं आहे शैक्षणिक संस्थेनं याबद्दल?

हा व्हिडीओ व्हायरल झाल्यानंतर कॉलेज प्रशासनाने स्पष्टीकरण देताना हा संपूर्ण प्रकार म्हणजे एक प्रँक होता असं म्हटलं आहे. “मुलींच्या हॉस्टेलमध्येच काही विद्यार्थिनींनी जाणूनबुजून हा प्रँक गंमत म्हणून केलेला,” असं कॉलेजने म्हटलं आहे. मात्र हे प्रकरण कॉलेज प्रशासनाने गांभीर्याने घेतलं असून या प्रकरणामध्ये सहभागी असलेल्या विद्यार्थिनींना कारणे दाखवा नोटीस पाठवण्यात आली आहे. तसेच या विद्यार्थिनींना शिस्तपालन समितीसमोर हजर राहण्याचे आदेश देण्यात आल्याचं कॉलेजने स्पष्ट केलं आहे. 

व्हिडीओत काय आहे?

विद्यार्थ्यांची सुरक्षा ही विद्यापीठासाठी अत्यंत महत्त्वाचा विषय असल्याचं प्रवक्त्यांनी रविवारी म्हटलं आहे. “या प्रकरणामध्ये आम्ही तातडीने आणि परिमाणकारक कारवाई केली आहे,” असंही प्रवक्त्यांनी सांगितलं. शुक्रवारी ओ. पी. जिंदाल ग्लोबल युनिव्हर्सिटीमधील एक व्हिडीओ व्हायरल झाला होता. ज्यामध्ये महिला सुरक्षारक्षक हॉस्टेलच्या पॅसेजमध्ये एक सूटकेस उघडून तपासणी करत असताना त्या सूटकेसमधून चक्क एक तरुणी बाहेर पडताना दिसली. हा व्हिडीओ सोशल मीडियावर तुफान व्हायरल झाल्यानंतर आता शिक्षण संस्थेनं यासंदर्भात स्पष्टीकरण दिलं आहे. 

सोशल मीडियावरील दावे…

हा व्हिडीओ व्हायरल झाल्यानंतर अनेक प्रश्न उपस्थित करण्यात आले. मुलांच्या हॉस्टेलमध्ये एकाने आपल्या प्रेयसीला बॅगमध्ये लपवून आणलं होतं असा दावा करण्यात आलेला. हा व्हिडीओ व्हायरल झाल्यानंतर शिक्षण संस्थेतील सुरक्षेसंदर्भात अनेकांनी प्रश्नचिन्ह उपस्थित केले. त्यामुळेच आता या संस्थेनं स्पष्टीकरण देताना हा सारा व्हिडीओ मुलींच्या हॉस्टेलमध्येच काही विद्यार्थिनींनी गंमत म्हणून शूट करुन व्हायरल केल्याचं सांगितलं. सोशल मीडियावर व्हायरल होणारे दावे खोटे असल्याचं या विद्यापीठाने म्हटलं आहे. 

ਗਰਲਫ੍ਰੈਂਡ ਨੂੰ Suitcase ‘ਚ ਪਾ ਕੇ ਕਰਾ ਰਿਹਾ ਸੀ ਬੋਇਸ ਹੋਸਟਲ ‘ਚ ਦਾਖਲ ਵੀਡੀਓ ਸੋਸ਼ਲ ਮੀਡੀਆ ‘ਤੇ ਵਾਇਰਲ#latestnews #sonipat #zeephh pic.twitter.com/cm4Cef3L0N

— Zee PHH (@ZeePunjabHH) April 12, 2025

त्या विद्यार्थिनींना नोटीस

बॅगमध्ये बसून या विद्यार्थिनी आपल्या मैत्रिणीला फिरवत होत्या. त्यानंतर त्या सर्वजणी ही सूटकेस घेऊन हॉस्टेलच्या कॉरिडोअरमध्ये गेल्या. हा भाग सीसीटीव्ही क्षेत्राअंतर्गत येतो. सुरक्षारक्षकांना या बॅगेतून मुलीचा आवाज आल्यानंतर त्यांनी ही बॅग उघडून तपासली आणि त्यामधून एक तरुणी बाहेर पडली. या व्हिडीओवरुन टीका होऊ लागल्यानंतर विद्यापीठ प्रशासनाने, “मुलींच्या हॉस्टेलमध्येच गंमत म्हणून हा सारा प्रकार विद्यार्थिनींनी केला. मात्र हे सारं सार्वजनिक पॅसेजमध्ये घडलं. या प्रकरणातील सर्व विद्यार्थिनींना नोटीस पाठवम्यात आली असून त्याच्यावर शिस्तपालन समितीकडून कारवाई केली जाणार आहे. विद्यापीठासाठी विद्यार्थ्यांची सुरक्षा अत्यंत महत्त्वाची आहे,” असं अधोरेखित केलं आहे.

Rs 13850 Crore Scam Fugitive Arrested In Belgium: भारताचा सर्वात मोठा शत्रू आणि मुंबईवर झालेल्या 26/11 या भ्याड दहशतवादी हल्ल्यामागचा खरा सूत्रधार तहव्वूर राणाला अमेरिकेमधून भारतात आणल्यानंतर आता भारत सरकारच्या गळाला लवकरच आणखीन एक मोठा मासा लागणार आहे. मागील सात वर्षांपासून देशातून फरार असलेला आणि तब्बल 13 हजार 850 कोटींच्या घोटाळ्याच्या प्रकरणात वॉन्टेंड असलेल्या आरोपीला परदेशात अटक करण्यात आली आहे. विशेष म्हणजे भारताने प्रत्यार्पणाची विनंती केल्यानंतर या आरोपीला बेल्जियममध्ये अटक करण्यात आली आहे. ज्या आरोपीबद्दल आपण बोलत आहोत त्याचं नाव आहे, मेहुल चोक्सी! त्याला बेल्जियम पोलिसांनी अटक केली आहे. 

सीबीआयच्या विनंतीवरुन कारवाई

पंजाब नॅशनल बँकेतील 13850 कोटी रुपयांच्या कर्ज घोटाळ्यात सहभागी असल्याच्या आरोपाखाली हवा असलेला मेहुल चोक्सी त्याची पत्नी प्रीती चोक्सीसह बेल्जियममधील अँटवर्पमध्ये राहत आहे. मेहुलला अटक करण्यात आल्याचा दावा एका वृत्तात करण्यात आला असून सूत्रांनी या वृत्ताला दुजोरा दिला आहे. भारतीय केंद्रीय अन्वेषण विभागाच्या (सीबीआय) विनंतीवरून 65 वर्षीय मेहुल चोक्सीला शनिवारी अटक करण्यात आली आणि तो सध्या तुरुंगात आहे, असे ‘इकॉनॉमिक टाईम्स’ने दिलेल्या वृत्तात म्हटलं आहे. 

जामीनासाठी प्रयत्न करण्याची शक्यता

पोलिसांनी चोक्सीला अटक करताना मुंबई न्यायालयाने जारी केलेल्या दोन ओपन-एंडेड अटक वॉरंटचा संदर्भ दिला आहे. ही वॉरंट 23 मे 2018 आणि 15 जून 2021 रोजी जारी करण्यात आली असल्याचं वृत्तात म्हटलं आहे. मात्र आता भारताच्या मागणीनुसार बेल्जियममध्ये अटक झाल्यानंतर चोक्सी प्रकृती अस्वस्थ्य असण्याचं कारण देत किंवा इतर कारणांमुळे जामीन आणि तात्काळ सुटकेची मागणी करेल अशी शक्यता व्यक्त केली जात आहे.

आता तो या छोट्याश्या देशाचा आहे नागरिक

पंजाब नॅशनल बँकेतील 13850 कोटी रुपयांच्या कर्ज घोटाळ्यात सहभागी असल्याच्या आरोपाखाली हवा असलेला चोक्सी आता अँटिग्वा आणि बारर्म्युडा नागरिक आहे. छोटं बेटवजा राष्ट्र असलेल्या अँटिग्वा आणि बारर्म्युडावरुन चोक्सी वैद्यकीय उपचारांसाठी हा देश सोडून बेल्जियममध्ये गेला असल्याची माहिती समोर येत आहे. चोक्सीचा पुतण्या नीरव मोदी हा पंजाब नॅशनल बँक घोटाळा प्रकरणात सह-आरोपी आहे. नीरव मोदी सध्या लंडनमधून प्रत्यार्पणाच्या प्रतिक्षेत असल्याची माहिती समोर येत आहे. 

घोटाळा समोर येण्याच्या काही आठवडे आधीच पळाला

देशातील दुसऱ्या क्रमांकाच्या सर्वात मोठ्या बँकेत म्हणजेच पंजाब नॅशनल बँकमध्ये या काका-पुतण्याने केलेला घोटाळा उघडकीस येण्याच्या काही आठवड्यांपूर्वी म्हणजेच जानेवारी 2018 मध्ये दोघांनी भारतातून पळ काढला होता. त्यानंतर पहिल्यांदाच चोक्सीला अटक करण्यात आली आहे. हे भारतासाठी मोठं यश असल्याचं मानलं जात आहे. 

मुंबई : राज्यात उन्हाचा ताप कायम आहे. तर, दुसरीकडे पावसाला पोषक वातावरणही निर्माण झाले आहे. अनेक भागात पावसाचा इशारा हवामान विभागाने दिला आहे. त्याचबरोबर मुंबईतही पावसाळी वातावरण निर्माण होऊन पुढील एक दोन दिवस पावसाची शक्यता वर्तविण्यात आली आहे.