Dombivli Press Conference: माझे व़डील संजय लेले यांच्या डोक्यात गोळी घातली. गोळ्या घातल्या तेव्हा माझा हात वडिलांच्या डोक्यावर होता. माझ्या हाताला काहीतरी जाणवलं. नंतर उठून पाहिलं तर वडिलांचं डोकं रक्ताने माखलेलं होतं हे सांगताना त्यांचा मुलगा हर्षल लेले याला अश्रू अनावर झाले होते. पहलगाम येथे दहशतवादी हल्ल्यात मारल्या गेलेल्या डोंबिवलीमधील संजय लेले, अतुल मोने आणि हेमंत जोशी यांच्या कुटुंबीयांनी आज पत्रकार परिषद घेत नेमकं काय घडलं याची सविस्तर माहिती दिली. 

संजय लेले यांचा मुलगा हर्षल लेले यानेही सगळा घटनाक्रम उलगडून सांगितला. ’21 तारखेला आम्ही रात्री तिथे पोहोचलो होतो. दुसऱ्या दिवशी सकाळी आम्ही तीन तास प्रवास करुन तिथे पोहोचलो होतो. आम्ही तिथे असताना गोळीबाराचा आवाज ऐकला. फार दुरून आवाज आल्याने आम्ही दुर्लक्ष केलं. नंतर तो आवाज जवळ येत होता. स्थानिकांनी आम्हाला गोळी लागू नये यासाठी खाली वाकण्यास सांगितलं,” अशी माहिती त्याने दिली. 

‘हिंदूंना वेगळं करुन…’, डोंबिवलीमधील मृतांच्या कुटुंबीयांनी सांगितला भयानक घटनाक्रम; ‘दहशतवादी म्हणाले तुम्ही लोकांनी येथे…’

पुढे त्याने सांगितलं की, “दहशतवाद्यांनी हिंदू मुस्लिमांना वेगळं होण्यास सांगितलं. अतुल मोने यांनी दोघींना (पत्नी, मुलगी) मिठी मारुन, यांना सोडून द्या सांगितलं. त्यावर त्याने बाजूला व्हा नाही तर सगळ्यांना मारु असं म्हटलं. यानंतर त्याने पोटात गोळी घातली”.

“माझे व़डील संजय यांच्या डोक्यावर गोळी घातली. गोळ्या घातल्या तेव्हा माझा हात वडिलांच्या डोक्यावर होता. माझ्या हाताला काहीतरी जाणवलं. नंतर उठून पाहिलं तर वडिलांचं डोकं रक्ताने माखलेलं होत. जेव्हा मी हे सर्व पाहिलं तेव्हा स्थानिकांनी जीव वाचवून निघून जा असं सांगितलं,” असा खुलासा त्यांनी केला. 

“तिथे घोड्याने जायला 3 तास लागतात. तिथे नेणाऱ्यांनी जमेल तसा घोडा दिला होता. सगळे खाली उतरत होते. आम्ही आईला काही वेळ उचललं होतं. घोडेवाल्याने नंतर आईला पाठीवर उचलून घेतलं. मी आणि माझा भाऊ 4 तास चालत होते. आईला आधीच रुग्णालयात चेकअपसाठी नेलं होतं. 2 ते 2.30 च्या सुमारास गोळीबार झाला होता. आम्ही 7 च्या आसपास खाली पोहोचलो. मला तिघांचा मृत्यू झाल्याचं समजलं होतं. पण अधिकाऱ्यांनी कोणाला सांगू नका अंसं सांगितलं होतं. माझ्या काकांनी आय़पीएस अधिकाऱ्याशी बोलून त्यांच्या मित्राच्या घरी राहण्याची व्यवस्था केली होती. मी त्यांचा आभारी आहे,” असंही त्याने सांगितलं. 

अनुष्का मोने यांनी यावेळी सांगितलं की, “हिंदू कोण आहे विचारलं असता जिजूंनी हात वर केला, तर त्यांना गोळ्या घातल्या. आमच्यासमोर आमच्या तिघांना गोळ्या घालण्यात आल्या. हे सर्वजण आमच्या घरातील कर्ते पुरुषच होते. अशा बऱ्याच जणांना त्यांनी मारलं आहे. दहशतवादी गेल्यानंतर आम्ही त्यांना उठवण्याचा प्रयत्न केला. पण आम्हाला काही करता आलं नाही. अनेकांनी आम्हाला तुम्ही तुमचा जीव वाचवून जा असं सांगितलं”.

“तुम्ही लोकांनी येथे दहशत निर्माण करुन ठेवली आहे असं दहशतवादी बोलत होते. असं बोलताना ते फायरिंग करत होते. पर्यटक फक्त फिरायला येतात त्यांचा काय गुन्हा आहे? सरकारने यावर कारवाई करत आम्हाला न्याय मिळवून द्यावा,” अशी मागणीही त्यांनी केली आहे. 

Pahalgam terror attack : एआयएमआयएमचे प्रमुख असदुद्दीन ओवैसी (Asaduddin Owaisi) यांनी जम्मू-काश्मीरमधील पहलगाम येथे झालेल्या दहशतवादी हल्ल्यावर अनेक प्रश्न विचारले आहेत. ज्या ठिकाणी इतके पर्यटक होते, तिथे एकही पोलिस किंवा सीआरपीएफ कॅम्प का नव्हता? रॅपिड रिस्पॉन्स टीमला घटनास्थळी पोहोचण्यास एक तासापेक्षा जास्त वेळ लागला. त्यांनी लोकांना त्यांचा धर्म विचारल्यानंतर गोळ्या घातल्या. ते पाकिस्तानातून आले होते आणि पाकिस्तान त्यांना पाठिंबा देतो. त्यांनी सीमा कशी ओलांडली? याला जबाबदार कोण? पहलगामला पोहोचले असेल तर ते श्रीनगरलाही पोहोचू शकले असते. उत्तरदायित्व निश्चित झाले तरच न्याय मिळेल. दहशतवादी हल्ल्याचा आम्ही निषेध करतो.

7th Pay Commission: केंद्र सरकारी कर्मचाऱ्यांसाठी पगाराचे भत्ते आणि विविध वेतन आयोग हे अतिशय जिव्हाळ्याचे विषय. याच सरकारी कर्मचाऱ्यांसाठी एक महत्त्वाची बातमी नुकतीच समोर आली आहे. या बातमीमुळं शासकीय अख्तयारित येणाऱ्या विभागांमध्ये सेवेत असणाऱ्या अनेक कर्मचाऱ्यांची निराशा होऊ शकते. कारण, आहे ते म्हणजे पगाराच्या आकड्यात होणारी घट. 

मागील काही दिवसांपासून महागाई भत्ता (DA) आणि DR मध्ये किमान 2 टक्क्यांनी वाढ होणार असल्याची घोषणा करण्यात आली होती, ज्यानंतर हा आकडा 55 टक्क्यांवर पोहोचला. पण, आता 2025 मधील पहिल्या तीन महिन्यांतील महागाई दरात झालेली घट पाहता पुढील महागाई भत्तेवाढीचा आकडा 2 टक्के किंवा त्याहून कमीसुद्धा असू शकतो. ज्यामुळं जुलै- डिसेंबर 2025 दरम्यान चांगल्या महागाई भत्तेवाढीची अपेक्षा बाळगणाऱ्या अनेक सरकारी कर्मचाऱ्यांची निराशा होणार आहे. 

महत्त्वाची बाब म्हणजे ही चालू वेतन आयोगाची अर्थात सातव्या वेतन आयोगाली अखेरची महागाई भत्तेवाढ असून या आयोगाचा 10 वर्षांचा कार्यकाळ 31 डिसेंबर 2025 रोजी पूर्ण होत आहे. ज्यानंतर नव्यानं गठित करण्यात आलेल्या आठव्या वेतन आयोगाला केंद्राची मंजुरी मिळाली असून, त्यानुसार कर्मचाऱ्यांच्या पगारवाढीची शिफारस केली जाईल. 

डीएमध्ये घट का झाली?

2025 मधील पहिल्या दोन महिन्यांमध्ये  AICPI-IW  च्या आकडेवारीमध्ये घट झाल्याची बाब समोर आली. ज्या कारणास्तव जुलै- डिसेंबर 2025 दरम्यानच्या कालावधीसाठी डीएच्या आकड्यांमध्ये घट पाहायला मिळू शकते. AICPI-IW हा महागाई भत्ता निर्धारित करण्यासाठीचा एक महत्त्वाचा निकष असून कामगार मंत्रालयाच्या माहितीनुसार फेब्रुवारीमध्ये AICPI-IW 0.4 घट होत तो 142.8 वर पोहोचला. तर, जानेवारीमध्ये ही आकजेवारी 143.2 इतकी असल्याचं लक्षात आलं.

हा एक सूचकांक असून प्रत्येक महिन्याला कामगार मंत्रालयाकडून त्याबबातची आकडेवारी जारी केली जाते. त्यामुळं सूचकांकात घट झाल्यास डीए हाईक अर्थात महागाई भत्त्यात फारशी वाढ होत नाही. त्यामुळं सलग चार महिन्यांसाठी  AICPI-IW च्या आकडेवारीमध्ये घट आढळली तर, कर्मचाऱ्यांना 2 टक्के किंवा त्याहून कमी भत्तेवाढ लागू होते. परिणामी पूर्णत्वाच्या मार्गावर असणाऱ्या सातव्या वेतन आयोगातून अपेक्षित वाढ झाली नाही, तर मात्र सरकारी कर्मचाऱ्यांच्या पगारवाढीच्या सर्वच अपेक्षा आठव्या वेतन आयोगाकडून असतील असं सांगण्यात येत आहे. 

पहलगाम दहशतवादी हल्ल्यानंतर भारताची कठोर राजनैतिक कारवाई ‘सिंधू स्ट्राईक’ची पाकिस्तानात आधीच अत्यंत वाईट अवस्था झाली आहे. जागतिक बँकेच्या एका नव्या अहवालानुसार या आर्थिक वर्षात पाकिस्तानातील सुमारे एक कोटी लोकांना गंभीर अन्न संकटाचा सामना करावा लागू शकतो. भारत सरकारने १९६० मध्ये पाकिस्तानसोबतचा सिंधू नदी करार यापूर्वीच स्थगित केला आहे. जोपर्यंत पाकिस्तान दहशतवाद्यांना पाठिंबा देणे बंद करत नाही, तोपर्यंत ही कारवाई सुरूच राहणार असल्याचे भारताने म्हटले आहे.