Satara News :  साताऱ्यातील सिव्हिल रुग्णालयातील हलगर्जीपणा चव्हाट्यावर आला आहे. मृत्यूनंतरही माणसाला सन्मान मिळत नाही, अशी संतापजनक आणि अस्वस्थ करणारी घटना समोर आली आहे. वाई तालुक्यातील सोनगरवाडी येथील 26 वर्षीय आनंद ओव्हाळ आणि आरळे येथील 51 वर्षीय सुरेश खोमणे या दोघांचाही उपचारादरम्यान मृत्यू झाला. पण त्यानंतर जे घडलं, ते अक्षरशः अंगावर शहारे आणणारं आहे. रुग्णालय प्रशासनाने नातेवाईकांना चेहरा न दाखवता मृतदेह ताब्यात दिले. मात्र कर्मचाऱ्यांच्या हलगर्जीपणामुळे मृतदेहांची थेट अदलाबदल झाल्याचा धक्कादायक प्रकार समोर आला आहे. 

कर्मचाऱ्यांच्या हलगर्जीपणामुळे मृतदेहांची थेट अदलाबदल

कर्मचाऱ्यांच्या हलगर्जीपणामुळे मृतदेहांची थेट अदलाबदल झाली आहे. इतकंच नव्हे, तर एका कुटुंबाने चुकीच्या मृतदेहावर अंत्यसंस्कारही उरकले. चिता पेटल्यानंतर हा धक्कादायक प्रकार उघडकीस आला आहे. मग पेटती चिता विझवण्याची वेळ नातेवाईकांवर आली. या घटनेमुळे कुटुंबीयांचा संताप अनावर झाला असून, रुग्णालय प्रशासनाविरोधात तीव्र नाराजी व्यक्त होत आहे. सिव्हिल हॉस्पिटलमध्ये गोंधळ निर्माण झाल्याने पोलीस घटनास्थळी दाखल झाले असून, नातेवाईकांची समजूत काढण्याचा प्रयत्न सुरु आहे. मात्र, मृत्यूनंतरही माणसाला सन्मान मिळणार नाही का? असा संतप्त सवाल उपस्थित केला जात आहे.

रुग्णालय प्रशासनाने आम्हाला बॉडी दाखवण्यास नकार दिला, नातेवाईकांचा आरोप

या सर्व घटनेमध्ये रुग्णालय प्रशासनाने आम्हाला बॉडी उघडून दाखवण्यास नकार दिला. आम्ही ती बॉडी घेऊन वाईला गेलो आणि तिथे गेल्यावर आम्हाला कळलं की हे आमचे बॉडी नाही.आमचा सरळ आरोप आहे या रुग्णालयातील लोकांनी लोकांनी आमच्या बॉडीचा मर्डर केला आहे. आम्हाला न्याय मिळाला पाहिजे असे नातेवाईक म्हणाले. सातारा जिल्हा रुग्णालयात सामान्य रुग्णाला न्याय मिळत नाही. आतापर्यंत ही दुसरी घटना आहे. बेजबाबदार पद्धतीने वरिष्ठ अधिकारी आणि या रुग्णालयाचे कर्मचारी काम करत आहे. पोलीस जिल्हा चलचित्रकांना वाचवण्याचं काम करतात का असा आमचा  सवाल आहे. जिल्हा शल्य चिकित्सकांनी जो भोंगळ कारभार केला आहे त्यानंतर आम्ही सिविल सर्जन हटाव हे ही आमची मागणी आहे. पहिली घटना घडली होती त्यामध्ये नातेवाईकांनी स्वतः आम्हाला चुकून दुसऱ्याची बॉडी घेऊन गेल्याचे घेऊन दिले होते. आत्ताची दुर्दैवी घटना घडली आहे त्यामध्ये पोस्टमार्टम करताना बॉडी वैद्यकीय अधिकाऱ्यांचे ताब्यात असते. त्यानंतर पोलिसांच्या ताब्यात बॉडी दिली जाते. त्यानंतर पोलीस नातेवाईकांच्या ताब्यात बॉडी देतात आणि सही घेतात. आमच्या रजिस्टर नुसार नातेवाईकांच्या सह्या आहेत. परंतु आम्ही या प्रकरणांमध्ये पोस्टमार्टम करणाऱ्या कर्मचाऱ्यांच्या निलंबनाचे आदेश दिले आहेत. तिथं काम करणाऱ्या कर्मचाऱ्यांनी आम्ही चेहरा दाखवला असेल तर आपण घेतले आहे असे सांगत आहे.

आणखी वाचा

Satara ZP Election Rada Shivsena: सातारा जिल्हा परिषदेच्या अध्यक्षपदाच्या निवडणुकीवेळी भाजपकडून पोलिसी बळाचा वापर करुन सत्ता हस्तगत करण्यात आल्याचे प्रकरण चांगलेच गाजले होते. या घटनेविरोधात शिवसेनेच्या मंत्री आणि आमदारांनी अधिवेशनात आक्रमक भूमिका घेत साताऱ्याचे पोलीस अधीक्षक तुषार दोशी (Tushar Doshi) यांच्याविरोधात कठोर कारवाई करण्याची मागणी केली होती. शंभुराज देसाई (Shambhuraj Desai) यांनी सभागृहात 10 पोलिसांनी आपल्याला कशाप्रकारे हातापायाला आणि कमरेला पकडून खेचले, याचा वृत्तांत सभागृहात सांगितला होता. यानंतर विधानपरिषदेच्या उपसभापति नीलम गोऱ्हे (Neelam Gorhe) यांनी थेट तुषार दोशी यांच्या निलंबनाचे निर्देश दिले होते. तसेच शिवसेनेच्या आमदारांनी विधिमंडळाच्या पायऱ्यांवर बसून तुषारी दोशी यांच्याविरोधात घोषणाबाजी केली होती. यामुळे मुख्यमंत्री देवेंद्र फडणवीस प्रचंड नाराज झाले होते. त्यांनी एकनाथ शिंदे (Eknath Shinde) यांच्याकडे ही नाराजी बोलून दाखवली होती. मात्र, एकनाथ शिंदे यांनीही खमकी भूमिका घेत जयकुमार गोरे आणि तुषार दोशी यांच्या कृतीवर नेमकेपणाने बोट ठेवले होते. (Maharashtra Politics)

सातारा अध्यक्ष पदाच्या निवडणुकीच्या दिवशी जे काही घडलं ते शंभूराज देसाई यांनी उपमुख्यमंत्री एकनाथ शिंदे यांच्या कानावर घालत यावर तातडीने पक्ष म्हणून महायुतीत हे पुन्हा होऊ नये यासाठी कठोर भूमिका घेण्यात यावी, असे सांगितले होते. सभागृहात शिवसेनेने रणनीती ठरवत सातारा पोलीस अधीक्षकांना या सगळ्या गोंधळानंतर निलंबनाची निर्देश उपसभापती नीलम गोऱ्हे यांनी सभागृहात दिले. त्यावर भाजपकडून नाराजी व्यक्त करण्यात आली. सभागृहात उपमुख्यमंत्री एकनाथ शिंदे यांनी हा विषय गंभीर असल्याचं मुख्यमंत्री देवेंद्र फडणवीस यांच्यासमोर सगळा प्रकार मांडला. मात्र मुख्यमंत्र्यांनी यावर चौकशी करूनच निर्णय घेतला जाईल असं सांगत निलंबनाची कुठलीही कारवाई होणार नाही हे एकप्रकारे स्पष्ट केले होते.

मुख्यमंत्र्यांची ही भूमिका पाहून पुन्हा एकदा एकनाथ शिंदें सोबत शिंदेंच्या मंत्र्यांची बैठक पार पडली. जर पोलिसांवर कारवाई होत नसेल आणि पोलिसांकडून मंत्र्यांना धक्काबुक्की केली जात असेल तर मंत्री म्हणून राहून काय फायदा? असा नाराजीचा सूर मंत्र्यांनी एकनाथ शिंदे यांच्यासमोर व्यक्त केला होता. या सगळ्यानंतर त्याच रात्री एकनाथ शिंदे आणि देवेंद्र फडणवीस यांची भेट झाली. एकनाथ शिंदे यांनी आपल्या मंत्र्यांची नाराजी देवेंद्र फडणवीस यांच्यासमोर बोलून दाखवली. जर असंच होत राहिलं तर सत्ताधारी नेते आणि मंत्री यांच्यावर अशीच पोलिसांची दडपशाही राहील. त्यामुळे यावर निर्णय घ्यावा आणि कारवाई करावी, अशी बाजू एकनाथ शिंदेंकडून मांडण्यात आली. शेवटच्या दिवशी तरी हा निर्णय सभापती देतील, अशी अपेक्षा शिवसेनेला होती. मात्र, सभापतींनी कायदेशीर सल्ला घेऊन निर्णय दिला जाईल, असं म्हणत निर्णय राखून ठेवला होता.

Shivsena Shinde Camp: तुषार दोशींवर कारवाई कशी झाली, सक्तीच्या रजेवर कसे गेले?
 
 अधिवेशन संपल्यानंतर एकनाथ शिंदे, शंभूराज देसाई, दादा भुसे यांनी मुख्यमंत्र्यांच्या दालनात जाऊन पुन्हा एकदा आपली नाराजी बोलून दाखवली होती. त्यावर नाराजी दूर करण्यासाठी मुख्यमंत्र्यांनी “लोकप्रतिनिधीचा मान सन्मान ठेवला जाईल”,असा निर्णय तीन-चार दिवसात घेतला जाईल, असं त्यांना सांगितले. शिंदे शिवसेनेची नाराजी मात्र अधिवेशनानंतर सुद्धा कायम राहिली आणि विरोधकांनी सुद्धा सत्ताधारी महायुतीतील नाराजी नाट्यावर बोलायला सुरुवात केली.

हा वाद पुन्हा वाढू नये यासाठी मुख्यमंत्री आणि उपमुख्यमंत्र्यांमध्ये फोनवर चर्चा झाली. मात्र, हा वाद शांत करण्यासाठी आणि आपल्या सत्ताधारी मित्र पक्षाची नाराजी दूर करण्यासाठी मुख्यमंत्री ज्यांच्याकडे गृह खात आहे त्यांना यावर तातडीने निर्णय घेणे आवश्यक होते.

कारण सातारा जिल्हा परिषद निवडणुकीवरून शिंदे शिवसेनेची खदखद वारंवार बाहेर येत होती. शिवाय आपल्या सत्ताधारी मित्रपक्षाकडून जबरदस्तीने पोलीस दबावाचा वापर करून भाजपने सत्ता स्थापन केल्याचा आरोप होत होता. फक्त शिवसेनाच नाही तर दुसरा सत्ताधारी पक्ष असलेल्या राष्ट्रवादीकडून सुद्धा आरोप केला जात होता. या विरोधात मोर्चा काढण्याचे नियोजन सुद्धा करण्यात आले होते. त्यामुळे भाजप पक्षाची प्रतिमा मलिन झाली. या सगळ्याचा विचार करता पोलीस अधीक्षक तुषार दोशी यांना चौकशी होईपर्यंत सक्तीच्या रजेवर पाठवण्याचा निर्णय घेण्यात आला. अध्यक्ष उपाध्यक्षांच्या निवडीनंतर सभापती व इतर निवडीमध्ये महायुती म्हणून दोन्ही पक्षांची साथ मिळावी आणि पुन्हा गोंधळ होऊ नये यासाठी सुद्धा भाजपकडून ही खेळी केल्याचे बोलले जात आहे.

आणखी वाचा

साध्या वेषातील 10 -10 पोलीस मला ओढत होते, मला जखम झाली; शंभुराज देसाईंनी सगळं सांगितलं, व्हीप तोडणाऱ्यांवर कारवाईचा इशारा

आणखी वाचा

Satara Chemical Factory Blast : सातारा जिल्ह्यातून एक मोठी बातमी समोर आली आहे. साताऱ्यातील तासवडे एमआयडीसीत केमिकल कंपनीत (Chemical Factory Blast) प्रचंड स्फोट झाल्याची घटना घडली आहे. हा स्फोट इतका भीषण होता कि या स्फोटानं दहा किलोमीटरचा परिसर हादरलाय. तर यात इमारतींच्या काचा देखील फुटल्याची माहिती आहे. स्फोट (Factory Blast)नेमका कशामुळे झाला याची माहिती अजून मिळाली नाही. मात्र स्फोट एवढा मोठा होता कि त्याने सर्वत्र भीतीचे वातावरण निर्माण झाला आहे. या स्फोटानंतर आग लागल्याची घटनाही घडली आहे.

Satara Chemical Factory Blast : स्फोटानंतर आगीच्या ज्वाला आणि परिसरात काळ्या धुराचे लोट

मिळालेल्या माहितीनुसार, घटनेची माहिती मिळताच पोलीस आणि अग्नीशामक दलाचे पथक घटनास्थळी दाखल झाले आहे. सध्या आगीवर नियंत्रण मिळवण्याचे कार्य सुरु आहे. अद्याप कुठलीही जीवितहानी झाली नसली तरी कंपनीचं मोठं नुकसान झाल्याचा अंदाज आहे. कंपनीत मोठ्या प्रमाणात केमिकल असल्याने आगीने अधिक पेट धरला. सध्या हे केमिकल नेमकं कोणतं, स्फोट होण्यामागील नेमकं कारण काय? या सगळ्याचा पोलीस तपास करत आहे. स्फोटानंतर आगीनं रौद्रधारण केलं. त्यांनतर परिसरात आगीच्या ज्वाला आणि काळ्या धुराचे लोट आकाशात दिसत होते. हा आवाज ऐकून स्थानिक नागरिक घराबाहेर धावले. सुरुवातीला भूकंपाचा धक्का बसला की काय, अशी भीती अनेकांच्या मनात निर्माण झाली होती. अशातच आता तपासाअंती या अपघाताचे कारण समजू शकणार आहे.

Parner News : पारनेरच्या सुपा घाणेगाव येथील कंपनीला भीषण आग

पारनेर तालुक्यातील सुपा घाणेगाव येथील कंपनीला भीषण आग लागल्याची घटना घडली आहे. सुपा औद्योगिक वसाहतीतील कंपनीला हि आग लागली आहे. व्यंकटेश पॉली असे या कंपनीचे नाव असून प्लास्टिकची ही कंपनी असल्याची माहिती आहे. सध्या अग्निशमन दलाच्या गाड्या घटनास्थळी दाखल झाले असून आग विझविण्याचे काम सुरू आहे. कोणतीही जीवितहानी नसून आग कशामुळे लागली या संदर्भात स्पष्टता नाही. सध्या आग विझवण्याचे काम सुरु आहे.

इतर महत्वाच्या बातम्या

आणखी वाचा