सातारा : महेंद्र खंदारे केंद्र सरकारने इंधन आयात कमी करण्यासाठी इथेनॉल उत्पादनाला प्रोत्साहन देण्याचा निर्णय घेतला आहे. त्याची अंमलबजावणीही प्रभावीपणे सुरू आहे. इथेनॉल उत्पादनात महाराष्ट्राने आघाडी घेतली आहे. इथेनॉलचे नवीन प्रकल्प सुरू करणे व सध्याच्या प्रकल्पाचा विस्तार करण्यासाठी महाराष्ट्रातील कारखान्यांनी प्रस्ताव सादर केले होते. त्यातील 52 कारखाने व कंपन्यांना केंद्राने 5 हजार 176.17 कोटींचा निधी कर्ज स्वरूपात मंजूर केला आहे. त्यामुळे पुढील हंगामात इथेनॉल उत्पादनात मोठी वाढ होण्याची शक्यता आहे.

देशात मोठ्या प्रमाणात खनिजतेल आयात करावे लागते. यासाठी मोठया प्रमाणात परकीय गंगाजळी खर्च होत असते. त्यामुळे यावर उपाय म्हणून सरकारने इथेनॉल उत्पादन वाढवण्याचा निर्णय घेतला आहे. त्यानुसार 2025 पर्यंत पेट्रोलमध्ये 25 टक्के इथेनॉल मिश्रण करण्याचे ध्येय सरकारने ठेवले आहे. यापूर्वीची उद्दिष्टे वेळेपूर्वीच पूर्ण झाल्याने वर्ष सरेल तसे उद्दिष्ट वाढवले जात आहे. यामध्ये सरकारला यशही येत आहे. इथेनॉलमुळे शिल्लक साखरेचा प्रश्न मिटला आहे. त्यामुळे अनेक साखर कारखान्यांनी साखर उत्पादनाऐवजी इथेनॉल उत्पादन वाढवले आहे.

बहुतांश कारखान्यांकडे इथेनॉलचे प्रकल्प नाहीत. तर अनेकांचे प्रकल्प कमी क्षमतेचे आहे. यासाठी कारखान्यांनी केंद्राकडे हे प्रकल्प सुरू करण्यासाठी कर्ज मागितले आहे. यासाठीचे प्रस्ताव कारखान्यांकडून केंद्राकडे गेले आहे. 13 फेब्रुवारीअखेरपर्यंत राज्यातील 52 कारखाने व कंपन्यांना तब्बल 5 हजार 176 कोटी 17 लाखांचे कर्ज मंजूर झाले आहे. हे कर्ज इथेनॉल उत्पादनासाठी वापरले जाणार आहे. त्यामुळे पुढील हंगामात साखर उत्पादन घटून इथेनॉल निर्मिती वाढण्याची शक्यता निर्माण झाली आहे.

दरम्यान, देशातील 299 कारखान्यांना हे कर्ज मंजूर झाले आहे. यामध्ये सहकारी व खासगी कारखाने आणि कंपन्यांचाही समावेश आहे. यामध्ये उसापासून व धान्यापासून इथेनॉल निर्मिती केली जाणार आहे.

देशात महाराष्ट्र आघाडीवर

इथेनॉल उत्पादनात देशात महाराष्ट्र आघाडीवर असून त्यानंतर उत्तर प्रदेश, कर्नाटक, गुजरात, तामिळनाडू या राज्यांमध्ये इथेनॉल उत्पादन केले जात आहे.

पाचगणी : आळंदी व पंढरपूर या दोन महत्त्वाच्या धार्मिक स्थळांना जोडणार्‍या श्री संत ज्ञानेश्वर महाराज पालखी मार्गाची शनिवारी (दि. 11) केंद्रीय वाहतूक व दळणवळण मंत्री नितीन गडकरी यांनी खासदार रणजितसिंह नाईक निंबाळकर, अधिकारी यांच्यासह पाहणी केली. श्री संत ज्ञानेश्वर महाराज पालखी मार्ग (राष्ट्रीय महामार्ग – 965) हा 234 किमी लांबीचा असून हडपसर (पुणे) – सासवड – जेजुरी – निरा – लोणंद – फलटण – नातेपुते – माळशिरस – बोंडले – वाखरी – पंढरपूर असा आहे. या चौपदरी रस्त्याच्या दोन्ही बाजूला वारकर्‍यांच्या सोयीसाठी स्वतंत्र पालखी मार्ग समाविष्ट करण्यात आला आहे.

या मार्गावर एकूण 12 पालखी स्थळे आहेत. पालखी मार्गावर रस्त्याच्या दोन्ही बाजूस वृक्षारोपण करण्याबरोबरच आवश्यक त्या ठिकाणी महाराष्ट्रातील संत महात्म्यांची शिल्पे, भित्तीचित्रे, अभंगवाणी आदी बाबींवर आधारित काम करण्यात येणार आहे. सद्यस्थितीत रस्त्याच्या मध्यात 57,200 व दोन्ही बाजूस मिळून 18,840 वृक्षांची लागवड करण्यात आली आहे.

पाचगणी, इम्तियाज मुजावर : आळंदी व पंढरपूर या दोन महत्त्वाच्या धार्मिक स्थळांना जोडणाऱ्या श्री संत ज्ञानेश्वर महाराज पालखी मार्ग हडपसर (पुणे) – सासवड – जेजुरी – निरा – लोणंद – फलटण – नातेपुते – माळशिरस – बोंडले – वाखरी – पंढरपूर असा २३४ किलोमीटर लांबीचा आहे. या चौपदरी मार्गाची आज (दि.११) केंद्रीय वाहतूक व दळणवळण मंत्री नितीन गडकरी यांनी खासदार रणजीतसिंह नाईक निंबाळकर, अधिकारी यांच्यासह पाहणी केली.

श्री संत ज्ञानेश्वर महाराज पालखी मार्ग (राष्ट्रीय महामार्ग – ९६५) हा २३४ किमी लांबीचा मार्ग हडपसर (पुणे) – सासवड – जेजुरी – निरा – लोणंद – फलटण – नातेपुते – माळशिरस – बोंडले – वाखरी – पंढरपूर असा आहे. या चौपदरी रस्त्याच्या दोन्ही बाजूला वारकऱ्यांच्या सोयीसाठी स्वतंत्र पालखी मार्ग समाविष्ट करण्यात आला आहे. या मार्गावर एकूण १२ पालखी स्थळे असून याठिकाणी वारकऱ्यांसाठी आवश्यक त्या सुविधा पुरविण्यात येतील.

सदर पालखी मार्गावर रस्त्याच्या दोन्ही बाजूंस वृक्षारोपण करण्याबरोबरच आवश्यक त्या ठिकाणी महाराष्ट्रातील संत महात्म्यांची शिल्पे, भित्तीचित्रे, अभंगवाणी आदी बाबींवर आधारित काम करण्यात येईल. यामुळे मार्गाच्या सौंदर्यात भर पडेल तसेच वारकऱ्यांना वारीच्या दरम्यान या सुविधांचा फायदा होईल.

पालखी मार्गावर विशिष्ट प्रकारच्या वृक्षांची लागवड करण्यात येणार असून यामध्ये विशेषतः चंदन, तुळशी, इतर सुगंधित वृक्षांबरोबरच वड, कडुनिंब, पिंपळ, चिंच या सावली देणाऱ्या वनौषधी वृक्षांची लागवड करण्यात येत आहे. सद्यस्थितीत रस्त्याच्या मध्यात ५७,२०० व दोन्ही बाजूस मिळून १८,८४० वृक्षांची लागवड करण्यात आली आहे.

हेही वाचा 

उंडाळे ; पुढारी वृत्तसेवा कराड ते कोथरूड जाणाऱ्या रोडवर येणपे तालुका कराड गावच्या हद्दीत रिक्षा व ट्रॅक्टर यांच्यामध्ये भीषण अपघात झाला. या अपघातात एकाच कुटुंबातील तीनजण जागीच ठार झाले. तर एकजण गंभीर जखमी झाला. हा अपघात आज (शनिवार) सकाळी दहा वाजण्याच्या सुमारास झाला.

महारूगडे कुटुंबीय हे मुळचे शाहुवाडी तालुक्‍यातील आहेत. सध्या ते पुण्यात असतात. दरम्‍यान पणुंद्रे तालुका शाहूवाडी जिल्हा कोल्हापूर येथे गावच्या यात्रेसाठी ते पुण्याहून रिक्षाने पणुंद्रेकडे जात होते. यावेळी काळाने या कुटुंबावर घाला घातला. यावेळी रिक्षा आणि ट्रॅक्‍टर यांच्यात भीषण अपघात झाला. यामध्ये सुवर्ण सुरेश महारुगडे, सुरेश सखाराम महारुगडे, समीक्षा सुरेश महारुगडे (सर्व राहणार पनुंद्रे तालुका शाहुवाडी जिल्हा कोल्हापूर) अशी अपघातात ठार झालेल्यांची नावे आहेत.

तर मुलगा समर्थ सुरेश महारुगडे हा गंभीर जखमी झाला असून, ग्रामस्थांनी त्याला उपचारासाठी रुग्णालयात हलवले आहे. अपघाताची माहिती मिळताच पोलीस घटनास्थळी दाखल झाले आहेत.

हेही वाचा :