मुंबई : भारतातील महिला आज प्रत्येक क्षेत्रात आपला झेंडा फडकवत आहेत. देश-विदेशातील भारतीय महिलांची क्षमता ओळखून त्यांना सन्माननीय पदांची जबाबदारी दिली जात आहे. आजच्या महिला सर्व काही करू शकतात. स्त्रिया आकाशात विमान उडवण्यापासून ते रुळांवरून ट्रेन चालवण्यास सक्षम आहेत. अशा यशस्वी महिलांमध्ये सातारा जिल्ह्यातील सुरेखा यादव ( Surekha Yadav) यांचाही समावेश आहे. सुरेखा यादव या भारतातीलच नव्हे तर संपूर्ण आशियातील पहिल्या लोको पायलट (Loco Pilot ) ठरल्या आहेत.

आशियातील पहिल्या महिला लोको पायलट सुरेखा यादव यांनी आज सोलापूर ते सीएसएमटी ही वंदे भारत एक्सप्रेस ट्रेन (vande bharat express) चालवली. यावेळी सुरेखा यादव यांनी मध्य रेल्वेच्या शिरपेचात एक महिला वंदे भारत एक्सप्रेस लोको पायलट म्हणून नाव कोरले आहे. 

या कामगिरीबद्दल सुरेखा यादव यांचा छत्रपती शिवाजी महाराज टर्मिनस येथील फलाट क्रमांक आठवर सत्कार करण्यात आला. त्यावेळी  सुरेखा यादव म्हणाल्या, “नवीन काळातील अत्याधुनिक तंत्रज्ञान वंदे भारत ट्रेनचे पायलट करण्याची संधी दिल्याबद्दल कृतज्ञ आहे.  गाडी योग्य वेळी सोलापूरहून निघाली आणि वेळेच्या पाच मिनिटे आधीच सीएसएमटीला पोहोचली. ट्रेन चालविणे शिकण्याच्या प्रक्रियेमध्ये सिग्नल पाहणे, नवीन उपकरणे वापरणे, इतर क्रू मेंबर्ससोबत समन्वय, ट्रेन चालवण्यासाठी सर्व पॅरामीटर्स पाळणे यांचा समावेश होतो.”

अभिमानाची गोष्ट!

A proud moment for all of us!
https://t.co/IV7cET52YB

— Shivaji M Sutar (@ShivajiIRTS) March 13, 2023

सुरेखा यादव मूळच्या सातारा जिल्हातील

आशियातील पहिल्या महिला लोको पायलट सुरेखा यादव यांचा जन्म 2 सप्टेंबर 1965 रोजी सातारा येथे झाला. त्यांचे सुरुवातीचे शिक्षण सेंट पॉल कॉन्व्हेंट हायस्कूल सातारा येथून झाले. पुढील अभ्यासासाठी त्यांनी व्यावसायिक प्रशिक्षण अभ्यासक्रम केला आणि नंतर इलेक्ट्रिकल अभियांत्रिकीचा डिप्लोमा मिळवला. 1988 मध्ये त्या भारतातील पहिली महिला लोको पायलट बनल्या. त्यांच्या या कामगिरीसाठी त्यांना राज्य आणि राष्ट्रीय स्तरावर अनेक पुरस्कारांनी सन्मानित करण्यात आले आहे. 

महत्वाच्या बातम्या 

Sheetal Mhatre Viral Video :  शितल म्हात्रेंच्या ओरिजिनल व्हिडीओचा शोध घ्या; ठाकरे गटाच्या आमदारांची मागणी  

वाई; पुढारी वृत्तसेवा :  संपूर्ण राज्यात वैशिष्ट्यपूर्ण मानली जाणारी बावधन (ता. वाई) येथील ऐतिहासिक व पारंपरिक बगाड यात्रा रविवारी ‘काशीनाथाच्या नावानं चांगभलं’ च्या गजरात लाखो भाविकांच्या उपस्थितीत उत्साहात पार पडली. कोरोनानंतर प्रथमच अपूर्व उत्साहात ही यात्रा साजरी झाली.

बगाडाचा प्रारंभ भाजपचे खा. श्री. छ. उदयनराजे भोसले यांच्या हस्ते सकाळी 11 वाजता करण्यात आला. कोरोनामुळे दोन वर्षांच्या विश्रांतीनंतर भाविकांनी बगाडाच्या दर्शनासाठी प्रचंड गर्दी केली होती. गावाच्या पूर्वेस सुमारे पाच किलोमीटर अंतरावरील कृष्णा नदीवर सोनेश्वर याठिकाणी सकाळी आठच्या सुमारास बगाड पोहोचले. त्यानंतर बगाड्या दिलीप शंकर दाभाडे यांना कृष्णा नदीत विधीवत स्नान घालण्यात आले. त्यानंतर देवदेवतांची विधिवत पूजा-आरती करण्यात आली. बगाड्याला वाजत-गाजत बगाडाजवळ नेवून त्याला पारंपरिक पद्धतीचा पोषाख घालून बगाडास टांगण्यात आले. यावेळी भाविकांनी नोटांची व नारळाची तोरणे, झेंडे, नवसाचे गोंडे बगाडास बांधले होते.
बगाडाचा गाडा ओढण्यास सकाळी साडेआकराच्या सुमारास सुरुवात झाली. त्यानंतर ठिकठिकाणी विसावा घेऊन बैल बदलण्यात आले. बगाडाबरोबर वाघजाईदेवी, भैरवनाथ आणि जोतिबाच्या पालख्यांचेही भाविकांनी दर्शन घेतले.

बगाड वाई-पाचवड रस्त्यावर दुपारी चार वाजले तरीही आलेले नव्हते. बावधन फाटयावर पाचच्या सुमारास पोहोचले.
बगाड गाड्यास शेतातून जाताना एकावेळी 12 बैल जुंपले होते. कच्च्या रस्त्यावर आल्यानंतर 4 बैल जुंपून बगाड ओढण्यात आले. गाडा गावाच्या दिशेने जात असताना ठिकठिकाणी शिडाच्या पाच फेर्‍या काढण्यात आल्या. बगाड परिसरात मुंबईच्या व स्थानिक विविध संस्था, मंडळांनी भाविकांच्या सोईसाठी पिण्याच्या पाण्याची सोय केली होती. वाई व बावधन प्राथमिक आरोग्य केंद्राचे पथक व 108 अ‍ॅम्ब्युलन्स तैनात करण्यात आली होती. वाई विभागचे महावितरणचे उपअभियंता पंकज गोंजारी आपल्या टीम समवेत जातीने लक्ष ठेवून हजर होते.

वाई नगरपरिषदेचे अग्निशमक बंब बावधन हायस्कूल येथे सज्ज ठेवण्यात आले होते. सायंकाळी आठ वाजण्याच्या सुमारास बगाड गावात पोहचले. यावेळी वाद्यांचा गजर करण्यात आला. बगाड यात्रेवर नियंत्रण ठेवण्यासाठी बगाड गाडयाच्या पुढे व पाठीमागे ट्रॅक्टरवर लाऊडस्पीकरची सोय करून कृषीभूषण शशिकांत पिसाळ, माजी सभापती दिलीप पिसाळ, राजू कदम, पोलिस पाटील अशोक भोसले, मदन भोसले, विलास पिसाळ, प्रतापराजे भोसले, विक्रम पिसाळ, आदी मान्यवर ध्वनीक्षेपकावरून बगाडाबाबत सुचना देत होते.

अनेक भाविकांनी दिलेल्या देणग्यांचा पुकारा यावेळी करण्यात येत होता. तसेच कोणताही अनुचित प्रकार होऊ नये म्हणून भाविकांनाही सुचना देण्यात येत होत्या. पोलिस उपअधीक्षक डॉ. शीतल जानवे खराडे, वाईचे पोलिस निरीक्षक बाळासाहेब भरणे, उपनिरीक्षक कृष्णराज पवार, आशिष कांबळे, यांच्या मार्गदर्शनाखाली 3 पीएसआय व 60 पोलिस कर्मचारी, एक जलद कृतीदलाची तुकडी तैनात होती.

खा. उदयनराजेेंचे ‘काशिनाथा’ला साकडं

खा. श्री. छ. उदयनराजे भोसले यांनी बगाडाचे मनोभावे दर्शन घेतले. बावधनचे ग्रामदैवत ‘काशिनाथा’ला त्यांनी साकडं देखील घातलं. ते म्हणाले, या गावात यात्रेसाठी गावकरी एकत्र येतात. ही एकी कायम रहावी, लोकांचे भले होवो, उत्कर्ष होवो व सर्वजण सुखा-समाधानाने, आनंदाने राहोत.