आरोपी मुलाने फोनवर सांगितले होते की, तो येत्या ३० एप्रिलला सलमान खानला मारणार आहे. सध्या याप्रकरणी आरोपीची चौकशी सुरू आहे. कारण आरोपी अल्पवयीन असून, त्याला अद्याप अटक करण्यात आलेली नाही. पोलीस आरोपीची चौकशी करत असून, त्याने हा फोन का केला असावा हे जाणून घेण्याचा प्रयत्न करत आहेत. विशेष म्हणजे मुंबई पोलिसांनी काल रात्रीच हे प्रकरण मुंबई गुन्हे शाखेकडे सोपवले होते. धमकीचा हा फोन आल्यानंतर अवघ्या १२ तासांच्या आतच पोलिसांनी धमकी देणाऱ्या व्यक्तीला पकडले आहे. आता या आरोपीला बाल न्यायालयात हजर करण्यात येणार आहे.

मीडिया रिपोर्टनुसार ‘बिग बॉस १६’च्या घरात एकमेकांसोबत भांडणारे अर्चना गौतम आणि शिव ठाकरे हे दोघे हर्ष लिंबाचिया आणि पुनित पाठक यांच्या शो ‘एंटरटेनमेंट की रात’मध्ये एकत्र येऊन चाहत्यांसाठी मनोरंजनाचा डोस दुप्पट करणार आहेत. मात्र, हे दोघेही या शोमध्ये कायमस्वरूपी सहभागी होणार नसून, केवळ पाहुणे म्हणून मंचावर हजर राहणार आहेत. अर्चना आणि शिव जेव्हा बिग बॉसच्या घरात होते, तेव्हा या दोघांनी एकत्र खेळावे, असे सगळ्याच चाहत्यांना वाटत होते. चाहत्यांनी अनेकदा दोघांना एकत्र खेळण्याचा सल्ला दिला होता. मात्र, ‘बिग बॉस’च्या घरात ज्याप्रकारे दोघांमध्ये भांडण झाले, त्यानंतर शो संपल्यानंतरही हे दोघे भेटतील असे कोणालाच वाटले नव्हते.

‘,महाराष्ट्र शाहीर’ या चित्रपटातील अनेक गाणी प्रेक्षकांच्या पसंतीस उतरली आहेत. या चित्रपटाची गाणी जितकी श्रवणीय आहेत, तितकेच या चित्रपटातील संवाद देखील दमदार असल्याचे या ट्रेलरवरून लक्षात आले आहे. ‘सह्याद्रीचा सिंह आहे, पिंजऱ्यात नाही अडकवू शकत आपण…’, ‘आम्ही कलाकार आहोत पण कुणाचे मिंधे नाहीत..’ असे दमदार संवाद या ट्रेलरमध्ये ऐकू येत आहेत. या चित्रपटातून ‘येळकोट येळकोट जय मल्हार’, ‘जेजुरीच्या खंडेराया जागराला या या’, ‘आगंगंगं इंचू चावला…’ अशी विविध प्रकारातील शाहिरांनी गायलेली गाणी पुन्हा एकदा प्रेक्षकांच्या भेटीला येणार आहेत. अजय-अतुल या संगीतकार जोडीने शाहिरांच्या संगीत कारकिर्दीला पूर्ण न्याय दिला आहे. त्यांची ही विविधांगी गाणी पडद्यावर रसिकांसाठी एक आगळी पर्वणीच ठरणार आहे.

सध्या सुहाना खान तिच्या आगामी’द आर्चीज’चित्रपटामुळे चर्चेत आहे. सुहाना खान चित्रपटांमध्ये आपला जलवा कधी दाखवणार याची चाहत्यांनाही बऱ्याच दिवसांपासून प्रतीक्षा आहे. तिच्या या पहिल्या चित्रपटाची बऱ्याच दिवसांपासून चर्चा सुरू आहे. या चित्रपटाचे दिग्दर्शन झोया अख्तर यांनी केले असून, या चित्रपटाने प्रदर्शित होण्यापूर्वीच आंतरराष्ट्रीय महोत्सवांमध्ये धुमाकूळ घातला आहे. या चित्रपटामध्ये सुहाना खानसोबतच बॉलिवूडचे अनेक स्टारकिड्स मोठ्या पडद्यावर पदार्पण करणार आहेत.

अंकुश चौधरी… मराठी सिनेसृष्टीचा सुपरस्टार. चाळीतील सांस्कृतिक कार्यक्रमांमधून अभिनयाचा श्रीगणेशा करत अंकुशने नाटक, मालिका आणि सिनेमा या तिन्ही माध्यमांमध्ये आपल्या अभिनयाची छाप उमटवली. म्हणता म्हणता प्रेक्षकांचा हा लाडका अभिनेता सुपरस्टार झाला. सध्या तो ‘मी होणार सुपरस्टार जल्लोष ज्युनियर्सचा’ या शोमध्ये परिक्षक म्हणून दिसत आहे. शोच्या आगामी भागात अंकुशला अश्रू अनावर होताना दिसणार आहेत.

सेलिनाच्या कामाविषयी बोलायचे झाले तर तिने ‘अपना सपना मनी-मनी’, ‘नो एंट्री’, ‘गोलमाल रिटर्न्स’, ‘जवानी-दीवानी’ या चित्रपटांमध्ये महत्त्वाची भूमिका साकारली. तिचे हे सर्व चित्रपट सुपरहिट ठरले होते.

कॅनरस प्रॅाडक्शन प्रस्तुत, डॉ. सुरेश नागपाल, आकाश नागपाल निर्मित या चित्रपटाचे लेखन, संकलन दाक्षिणात्य सिनेसृष्टीतील दिग्दर्शक अशोका के. एस. यांनी केलं असून रितिका श्रोत्री, अजिंक्य राऊत, पृथ्वी अंबर, मृणाल कुलकर्णी, संजय खापरे, पंकज विष्णू आणि केतकी कुलकर्णी यांच्या या चित्रपटात प्रमुख भूमिका आहेत.

सिनेसृष्टीतल्या कामाची आवड होती म्हणून पृथ्वीराजने पुणे ते मुंबई प्रवास गाठला. मुबईतल्या फिल्मसिटीमध्ये सेटवर होणाऱ्या हालचालींना पाहण्याची उत्सुकता, तिथे होणाऱ्या तांत्रिक घडामोडी, तिथला माहोल आणि अभिनयाची आवड हे सार काही शांत बसू देत नव्हतं, याबाबत बोलताना पृथ्वीराजने सांगितलेला किस्सा ऐकून विश्वास बसणार नाही. हा किस्सा सांगताना पृथ्वीराज म्हणाला की, ‘दोन चारदा कपिल शर्मा शोला प्रेक्षक म्हणून जाण्याचा मी प्रयत्न केला. मात्र, तिथवर पोहोचवणारं माझ्या ओळखीतल कुणी नसल्यानं, मला तिथून हाकलून देण्यात आलं. शेवटी एके दिवशी पुन्हा मी तो सेट गाठला आणि सेटवर काम करणाऱ्या एका काकांना खूप लांबून हा शो बघण्यासाठी आलोय असं सांगितलं. त्यांनाही माझी दया आली असावी, तेव्हा त्यांनी मला त्या शोच्या व्यवस्थापकापर्यंत पोहोचवलं आणि त्याच्या हातापाया पडून मी तो शो लाईव्ह पाहिलाच.’