पाचगणी, पुढारी वृत्तसेवा : पंजाबच्या बठिंडा जिल्ह्यातील सैन्य तळावर १२ एप्रिल बुधवारी गोळीबाराचा प्रकार घडला यात दुर्दैवाने चार जवानांना प्राण गमवावे लागले यातच जावळी तालुक्यातील करंदोशी ता.जावळी येथील जवान तेजस मानकर याचा या गोळीबारात संशयास्पद मृत्यू झाला असल्याची माहिती समोर येत आहे.

सैन्य दलाचे अधिकारी मेजर भट्टाचार्य यांनी जावळी तालुक्याचे तहसीलदार राजेंद्र पोळ यांना केलेल्या मेलनुसार, जवान तेजस मानकर यांचे पार्थिव शनिवारी संध्याकाळी किंवा रविवारी दुपारपर्यंत गावी आणण्यात येणार असल्याचे त्यांच्या निकटवर्तीय यांनी सांगितले आहे.
सैन्य दलातील परस्परातील मतभेदामुळे गोळीबार झाल्याचा पंजाब पोलिसांचा व सैन्य दलातील पोलिसांचा संशय आहे. एशियन न्यूज वृत्तसंस्थेच्या माहितीनुसार प्रसिद्ध झालेल्या वृत्तानुसार संबंधित गोळीबार हा दहशतवादी घटना नसल्याचे स्थानिक पोलिसांनी स्पष्ट केले. सध्या या घटनेवर हेलिकॉप्टर आणि ड्रोन च्या मदतीने निगराणी केली जात आहे.

याप्रकरणी काही संशयीतांना देखील पोलिसांनी ताब्यात घेतले असल्याचे सांगितले जात आहे. संबंधित सैन्य तळावर बाहेरून आलेल्या व्यक्तीने हा हल्ला केला असल्याचे बोलले जात आहे. परस्परांमधील मतभेदामुळे जवान मरण पावले असल्याचे काही वृत्तामध्ये प्रसिद्ध झाले आहे. याप्रकरणी काही संशयीतांना पोलिसांनी ताब्यात देखील घेतली आहे.  याबाबत अतिरिक्त पोलीस महानिर्देशक एडीजी सुरेंद्र पाल सिंह परमार यांनी कोणताही अतिरेकी हमला नसल्याचा दुजोरा दिला आहे.

हेही वाचंलत का?

सातारा : इम्तियाज मुजावर महाबळेश्वर तालुक्यात महाबळेश्वर व पाचगणीत अवकाळी पावसाने गुरूवारी धुमाकूळ घातला. महाबळेश्वर मध्ये गारपीट पडल्याने जमिनीवर गारांचा खच पडल्‍याचे दिसून आले.

गेल्या दोन दिवसांपासून महाबळेश्वर परिसरातील वातावरण ढगाळ असून, सोसाट्यांचा वारा विजांचा कडकडाट ढगांचा मोठमोठाला आवाज यामुळे संपूर्ण वातावरण ढवळून निघाले होते.

यातच गुरूवारी दुपारी अचानक वातावरणात बदल होऊन मुसळधार पाऊस पडला. या पावसाबरोबरच गारपीट मोठ्या प्रमाणात झाली. या गारपिटीने स्ट्रॉबेरी पिकाचं नुकसान झालं, तर महाबळेश्वर मध्ये अशा पद्धतीने गारांचा खच दिसून आला.

हेही वाचा : 

कुपवाड; पुढारी वृत्तसेवा :  कुपवाड एमआयडीसीतील सूक्ष्म लघुउद्योजकांनी २५ ते १०० अश्वशक्तीच्या वाढीव विजेची मागणी महावितरणकडे केली आहे. मात्र यासाठी आर्थिक तरतूद नसल्याचे कारण सांगून महावितरण टाळाटाळ करीत आहे. शेजारील राज्यांपेक्षा महाराष्ट्रात विजेचे दर भरमसाठ आहेत. त्यामुळे काही उद्योग परराज्यात गेले आहेत. महावितरणने उद्योगांना वाढीव विजेचा पुरवठा न केल्यास काही उद्योग परराज्यात जाण्याच्या तयारीत आहेत.

कुपवाड एमआयडीसीतील सूक्ष्म व लघुउद्योजकांना वाढीव विजेचा पुरवठा करण्यात यावा, अशी मागणी कृष्णा व्हॅली चेंबरच्यावतीने ऊर्जामंत्री तथा उपमुख्यमंत्री देवेंद्र फडणवीस, पालकमंत्री सुरेश खाडे विरोधी पक्षनेते अजित पवार यांच्याकडे निवेदनाद्वारे केली आहे.

राज्य शासनाने उद्योजकांना २१० अश्वशक्तीपर्यंत विजेचा पुरवठा करण्याचे धोरण अवलंबले आहे. यानुसार कुपवाड एमआयडीसीतील अनेक उद्योजकांनी महावितरणकडे वाढीव विजेची मागणी केली आहे. मात्र महावितरणने आर्थिक तरतूद नसल्याने वाढीव विजेस नकार दिला आहे. वाढीव वीज हवी असल्यास त्या-त्या उद्योजकांनी नवीन रोहित्र संच उभारणीचा खर्च करून घ्यावा. त्यानंतर वीज जोडणी करून देण्याचा विचार करणार असल्याचे महावितरण अधिकाऱ्यांकडून सांगण्यात येते.

कुपवाड एमआयडीसीतील उद्योजकांची वाढीव विजेच्या मागणीचा विचार करून कृष्णा व्हॅली चेंबरचे अध्यक्ष सतीश मालू व इतर संचालकांनी कुपवाड एमआयडीसीत नवीन सबस्टेशनसाठी शासनाकडे भूखंडांची मागणी केली होती. एमआयडीसीने भूखंड देण्यास सहमती दर्शविली आहे. परंतु, महावितरणने योग्य त्या कागदपत्रांची पूर्तता केलेली नाही. महावितरण कंपनीने भूखंड ताब्यात घेतल्यास कुपवाड एमआयडीसीत नवीन सब स्टेशन उभे राहील व सूक्ष्म व लघु उद्योजकांना वाढीव विजेचा पुरवठा होईल, अशी प्रतिक्रिया व्यक्त होत आहे.

अन्य राज्यापेक्षा महाराष्ट्रात वीज दर भरमसाठ

एमआयडीसीतील उद्योजकांच्या वीज बिलातून वीज वहन गळतीची वसुली महावितरण कंपनी करीत आहे. वीज वहन गळतीची रक्कम फार मोठी आहे. तसेच १ एप्रिलपासून वीज दरवाढ झाली आहे. शेजारील राज्यांपेक्षा महाराष्ट्रातील विजेचे दर भरमसाठ असूनही उद्योजक केवळ उद्योग टिकावेत यासाठी प्रयत्न करीत आहेत. महावितरण कंपनीने वाढीव विजेचा पुरवठा करण्यास नकार दिल्यास भविष्यात कुपवाड एमआयडीसीतील काही उद्योग परराज्यात जाण्याच्या तयारीत असल्याचा इशारा उद्योजकांनी दिला आहे.