तर, यावर बोलताना सूरज पांचोलीचे वकील प्रशांत पाटील म्हणाले की, ‘आम्ही या प्रकरणातील अंतिम युक्तिवाद पूर्ण केला आहे. हे प्रकरण सूरज पांचोली विरुद्ध सीबीआयचे होते. सुप्रीम कोर्टाने दिलेल्या अनेक ऐतिहासिक निकालांच्या प्रतीही आम्ही सोबत जोडल्या आहेत. यात त्याने आत्महत्येस प्रवृत्त केल्याचे सिद्ध होत नाहीये. आता या प्रकरणाचा अंतिम निर्णय २८ एप्रिलला येणार आहे. तब्बल १० वर्षांनंतर आता सूरज पांचोलीला यातून सुटका मिळणार का? याकडे सगळ्यांचे लक्ष लागून राहिले आहे.

अभिनेत्रीला क्रिसान परेराला अडकवण्यासाठी अँथनीने त्याचा मित्र राजेश याची टॅलेंट कन्सल्टंट म्हणून ओळख करून दिली. राजेशने क्रिसनला शारजाहमध्ये होणाऱ्या ऑडिशनबद्दल सांगितले आणि तिला या ऑडिशनसाठी राजी करून घेतले. क्रिसानने शारजाहला जाण्यास होकार दिला, तेव्हा राजेशने तिला ट्रॉफी दिली आणि वेब सीरिजच्या ऑडिशनमध्ये ही ट्रॉफी उपयुक्त ठरणार असल्याचे सांगितले होते. राजेशच्या सांगण्यावरूनच क्रिसान ट्रॉफी घेऊन शारजाहमध्ये गेली होती. या ट्रॉफीमध्ये ड्रग्ज लपवले आहेत, याची तिला पुसटशी कल्पना देखील नव्हती. अभिनेत्री दुबईतील विमानतळावर उतरताच राजेशने विमानतळावरील प्रशासनाला ही बातमी सांगून तिला अडकवले. दोन्ही आरोपींना मुंबईत अटक केल्यानंतर आता मुंबई क्राइम ब्रँचची टीम परराष्ट्र मंत्रालयाच्या अधिकाऱ्यांशी संपर्क साधून अभिनेत्री क्रिसान परेरा हिच्या प्रकरणाचा तपास करणार आहे.

टांझानियन सोशल मीडिया स्टार किली पॉल आणि त्यांची बहीण निमा पॉल हे सोशल मीडियावर प्रचंड सक्रिय असतात. टांझानियातील एका आदिवासी भागातील भावाबहिणीची ही जोडी प्रत्येक ट्रेंडवर व्हिडीओ बनवताना दिसते. हिंदीचं नव्हे तर, मराठी गाण्यांवरचं त्यांचं प्रेम देखील अनेकदा नेटकऱ्यांनी पाहिलं आहे. आता ‘महाराष्ट्र शाहीर’ या चित्रपटातील ‘बहरला हा मधुमास नवा’ या गाण्यावरील व्हायरल रील पाहून किली आणि निमाला देखील यावर व्हिडीओ करायचा मोह आवरला नाहीये. त्यांनी देखील यावर व्हिडीओ तयार केला आहे.

काही दिवसांपूर्वी सुंबुल तौकीर खान, शिव ठाकरे आणि अब्दू रोजिक नुकतेच एका कार्यक्रमादरम्यान एकत्र दिसले होते. यादरम्यान, मीडियाला मुलाखत देताना, अब्दू यांनी आता ‘मंडली गँग’ची मैत्री संपल्याची पुष्टी केली होती. इतकेच नाही, तर त्याने यामागचे कारणही सांगितले होते. काही मीडिया रिपोर्ट्समध्ये असा दावा करण्यात आला होता की, एमसी स्टॅन आणि अब्दू रोजिक एक गाणे रेकॉर्ड करणार होते. मात्र, या गाण्यावरून दोघांमध्ये वाद झाला होता. गाणे रेकॉर्ड न होऊ शकल्याने अब्दू एमसी स्टेनवर नाराज झाला असल्याचे बोलले गेले होते.

अभिनेते फिरोज खान यांनी आपल्या चित्रपट कारकिर्दीत चॉकलेट हिरोपासून ते भयानक खलनायकापर्यंतच्या सगळ्याच भूमिका साकारल्या होत्या. एकीकडे भारतासह जगभरात त्यांचे चित्रपट गाजत होते. मात्र, या दरम्यान पाकिस्तानात त्यांच्यावर बंदी घालण्यात आली होती. २००६मध्ये अभिनेते फिरोज खान ‘ताजमहाल’ चित्रपटाच्या प्रमोशनसाठी पाकिस्तानात गेले होते. मात्र, पाकिस्तानचे तत्कालीन पंतप्रधान परवेझ मुशर्रफ यांनी त्यांना ब्लॅक टाकल्याचे म्हटले जाते. फिरोज खान यांनी एका पाकिस्तानी गायकावर टीका करण्यासोबतच, पाकिस्तानलाही खडे बोल सुनावले होते. मला भारतीय असल्याचा अभिमान आहे, असे म्हणत अभिनेते फिरोज खान यांनी पाकिस्तानवर जोरदार टीका केली होती. त्यामुळे पाकिस्तानात त्यांच्यावर बंदी घालण्यात आली होती.

अनेक चित्रपटांतून आपल्या अभिनयाची जादू दाखवल्यानंतर १९७१मध्ये त्यांनी गीतांजली यांच्याशी लग्न केले. विनोद खन्ना प्रत्येक बाबतीत यशस्वी ठरले होते. त्यांच्याकडे संपत्ती, प्रसिद्धी, कुटुंब, सर्व काही होते. पण, या सगळ्यातही त्यांना रितेपणा जाणवत होता. स्वतःला जाणून घेण्यासाठी ते अस्वस्थ झाले होते. त्याचवेळी त्यांच्या आईचे निधन झाले. आईच्या मृत्यूमुळे ते पूर्णपणे खचून गेले होते.

‘नवरा-बायकोचा घटस्फोट होतो. मात्र, आई-वडिलांचा कधीच घटस्फोट होऊ शकत नाही’, असा म्हणून अश्विनी विद्युतला समजावण्याचा प्रयत्न करत आहे. पती-पत्नीच्या नात्यात अहंकार बाजूला ठेवून, आपल्या मुलांसाठी त्यांनी नेहमी एकत्र राहीलं पाहिजे, हेच अश्विनी विद्युतला समजावत आहे. आता अश्विनीचा हा पर्यटन सफल ठरणार की, विफल हे मालिकेच्या येत्या भागामध्ये कळणार आहे.