सातारा; पुढारी वृत्तसेवा :  सातार्‍यात मान्सूनने एंट्री केली असली तरी दुसर्‍या दिवशी सकाळी कोसळलेल्या सरी दुपारनंतर गायब झाल्या. अधूनमधून भुरभुर राहिली. दरम्यान, शेतकरी दमदार पावसाची चातकासारखी वाट पाहत असून ढगांनी अच्छादलेले आभाळ धो धो कोसळेल व पाण्याची चिंता मिटेल, अशी आशा शेतकरी बाळगून आहे.

सुमारे महिनाभर ओढ दिलेल्या पावसाने शनिवारी दुपारपासूनच जिल्ह्यात सर्वत्र हजेरी लावली. काही ठिकाणी पावसाच्या जोरदार सरी कोसळल्या तर काही ठिकाणी तुरळक सरी कोसळल्या. या पावसामुळे कमाल तापमानात घट झाली होती. रविवारी सकाळपासूनच ढगाळ वातावरण कायम होते. दुपारी पावसाच्या मध्यम ते जोरदार स्वरूपाच्या सरी कोसळत होत्या. त्यानंतर मात्र मोठ्या सरी आल्याच नाहीत. मात्र बाजाराचा दिवस असल्याने अधूनमधून पडणार्‍या पावसामुळे व्यापार्‍यासह नागरिकांची तारांबळ उडाली. जिल्ह्याच्या सातारा, पाटण, वाई, महाबळेश्वर, जावली तालुक्याच्या पश्चिम भागात पावसाची रिमझिम सुरू होती. धरण क्षेत्रात पावसाची रिपरिप होती.

महाबळेश्वरला जोर

महाबळेश्वरमध्ये पावसाचा काहीसा जोर पाहायला मिळाला. जिल्ह्यात रविवारी सकाळी 10 वाजेपर्यंत पडलेल्या 24 तासांत महाबळेश्वरमध्ये सर्वाधिक 60.1 मि.मी. पावसाची नोंद झाली आहे. उर्वरित आकडेवारी पुढीलप्रमाणे सातारा 20.9 मि.मी., जावली 26.9 मि.मी., पाटण 14.3 मि.मी., कराड 5.1 मि.मी., कोरेगाव 25.8 मि.मी. खटाव 13.0 मि.मी., माण 24.1 मि.मी., फलटण 11.8 मि.मी., खंडाळा 19.5 मि.मी., वाई 17.1 मि.मी., अशी पावसाची नोंद झाली आहे.

विठ्ठल हेंद्रे

सातारा :  अल्पवयीन मुले व गुन्हेगारी प्रवृत्तीचे युवक ‘बांटा’ ही गांजाची गोळी सेवन करत असल्याचा धक्कादायक प्रकार समोर आला आहे. या गोळीमुळे गुन्हेगारी प्रवृत्तीला खतपाणी मिळत असून जीव घेण्यापर्यंत नशेबाजांची मजल जात असल्याने ही बाब चिंतेची आहे. 100 रु. पासून या गोळ्यांची किंमत असून त्या सातार्‍यासह अन्यत्रही चोरीचुपके उपलब्ध होत आहे.

सातार्‍यासह अनेक ठिकाणी छुप्या पध्दतीने गांजाची सर्रास विक्री होत असते. गुन्हेगारांकडून अमली पदार्थाचे सेवन केले जात असून गुन्हेगारी कृत्य करण्यासाठी लागणारे डेअरिंग अमली पदार्थाचे सेवन केल्यावर येत असल्याचे अनेकदा स्पष्ट झाले आहे. व्हाईटनर, दारू यापेक्षा गांजाची ‘बांटा’ गोळी खाल्ल्यानंतर अधिक डेअरिंग येते, असा समज युवकांमध्ये वाढत आहे. त्यामुळे गांजाची बांटा गोळी सध्या सातार्‍यात तेजीत असल्याचे वास्तव आहे. ही गोळी खाल्यानंतर सुमारे तासाभरात संबंधिताची मती गुंग होते. ही गोळी खाणार्‍याला आपण काय करतो हे कळत नाही. गोळी खाल्ल्यानंतर येणार्‍या नशेतून गुन्हेगारीकडे कल वाढत असल्याचे समोर आले आहे.
गांजाची गोळी ऐवजी बांटा गोळी हा कोडवर्ड म्हणून वापरण्यास गुन्हेगारांना सोयीचा असल्याची चर्चा आहे. या गोळीबाबत अधिकृत काहीही माहिती उपलब्ध होत नसल्यामुळे पोलिस यंत्रणेपुढेही आव्हान उभे राहिले आहे.

पोलिस तपासातही ‘मोडस’ ओपन..

सातारा शहरातील वाढत्या गुन्हेगारीला बांटा गोळीचा हातभार लागला आहे. गुन्हेगारी घटना घडल्यानंतर पोलिस बदमाशांना पकडत आहेत. संशयितांकडे प्राथमिक चौकशी केल्यानंतर बांटा गोळीच्या नशेमध्ये असल्याने त्यातून कृत्य केल्याची कबुली दिली जात आहे. नशेबाबत पोलिसांनी अधिक माहिती घेतल्यानंतर गांजाची बांटा गोळी घेतली गेली जात असल्याचेही समोर आले आहे. ही गोळी खाल्ल्यानंतर किमान 48 तास नशेचा प्रभाव राहत असल्याचे पोलिसांचे म्हणणे आहे. दरम्यान, बांटा गोळीची बिहार, मध्यप्रदेश, उत्तरप्रदेश येथे क्रेझ असल्याची चर्चा आहे.

गांजापासून तयार होतेय गोळी…

बांटा गोळी ही केमिकल विरहीत असल्याचे गुन्हेगारी क्षेत्रातून सांगण्यात येतेे. ओल्या गांजाच्या पुडीपासून त्याचे मिश्रण बनवून बांटा गोळी तयार केली जात आहे. ही गोळी पाणी, दूध, ज्युस यामध्ये मिक्स करून तसेच जिभेच्या टाळ्याखाली ठेवूनही थेट घेतली जात आहे. या गोळ्या टपर्‍यांसह गुन्हेगारी वर्तुळात असणार्‍यांकडे उपलब्ध होत असल्याची माहिती मिळत आहे.

कराड; पुढारी वृत्तसेवा :  रशियाचे राष्ट्राध्यक्ष पुतीन यांच्यावर त्यांचे भाडोत्री वॅगनर सैन्य उलटले आहे. त्याचप्रमाणे राज्यात मुख्यमंत्री एकनाथ शिंदे यांच्यासह त्यांचे सहकारी म्हणजे भाजपचे भाडोत्री सैन्य आहे. भाडोत्री सैन्य कोणाचेच नसते. त्यामुळे हे भाडोत्री सैन्य भाजपवरच उलटल्याशिवाय राहणार नाही, असा इशारा खासदार संजय राऊत यांनी रविवारी पत्रकार परिषदेत आणि त्यानंतर गुढे येथे झालेल्या कार्यकर्त्यांच्या मेळाव्यात दिला.

आमचे शिवसैनिक बालकमंत्री म्हणून हिणवत असलेले सातार्‍याचे पालकमंत्री मालकमंत्र्यांप्रमाणे वागत आहेत. मीच मालक, मी म्हणेल तसेच होईल, अशी हुकूमशाही दिल्लीत चालली नाही, त्याचप्रमाणे गल्लीतही चालणार नाही, असे राऊत म्हणाले. शंभूराज देसाई हे आगामी विधानसभा निवडणुकीत निश्चितपणे पराभूत होतील, असे भाकित त्यांनी केले.

जनतेच्या मनातील मुख्यमंत्री उद्धव ठाकरे हेच विधानसभा निवडणुकीनंतर पुन्हा मुख्यमंत्री होतील असा विश्वास राऊत यांनी व्यक्त केला. 40 गद्दार आमदारांपैकी एकही विधानसभा निवडणुकीत विजयी होणार नाही, असा इशारा त्यांनी दिला.

जेसीबी देतो, औरंग्याची कबर उखडणार का?

हिंदुत्वाचे रखवालदार असणारे मुख्यमंत्री आणि उपमुख्यमंत्री यापूर्वी औरंग्याची कबर उखडून टाकतो असे म्हणाले होते. आता आम्ही जेसीबी देतो, औरंग्याची कबर उखडणार का? असा सवाल त्यांनी केला. औरंग्यासमोर कोणीही गुडघे टेकू नयेत, ही आमची भूमिका असल्याचे त्यांनी सांगितले.

सातारा; पुढारी वृत्तसेवा : औद्योगिक वसाहत येथील समर्थनगर परिसरात मैत्रिणीला बंदूक दाखवताना बंदूक अचानक मिस फायर झाली. भरदिवसा घडलेल्‍या घटनेनंतर परिसर हादरुन गेला.

या प्रकरणी पोलिसांनी संशयिताला ताब्यात घेतले आहे. पोलिसांनी त्‍याच्याकडून बंदूक व ४ जिवंत काडतुसे जप्‍त केली आहेत. दरम्‍यान, सुदैवाने यात कोणीही जखमी झाले नाही. याप्ररणी शहर पोलिसांनी प्रतापसिंहनगर येथील संशयिताला ताब्यात घेतले आहे. नेताजी तानाजी बोकेफोडे (वय २५, रा.प्रतापसिंहनगर) असे ताब्यात घेतलेल्‍या संशयित आरोपीचे नाव आहे.

हेही वाचा;