फलटण, पुढारी वृत्तसेवा : आ. रामराजे ना. निंबाळकर यांनी जे आतापर्यंत राजकारण केले ते फक्त आणि फक्त खोटे बोलूनच केले आहे. रामराजे व धोम-बलकवडी, नीरा-देवधर अगदी ज्या महामंडळाचे हे स्वत:ला जनक म्हणवून घेतात त्या कृष्णा खोरे महामंडळाचासुध्दा त्यांचा काडीमात्र संबंध नाही, अशी टीका खा. रणजितसिंह ना. निंबाळकर यांनी आ. रामराजेंवर पत्रकार परिषदेत केली.

खा. रणजितसिंह म्हणाले, कृष्णा खोरे महामंडळाचा पहिला प्रस्ताव रामराजे राजकारणात येण्याआधीचा आहे. स्व. बाळासाहेब ठाकरे, स्व. गोपीनाथ मुंडे यांच्यामुळे हे महामंडळ स्थापन झाले. त्यानंतर भाजप व सेना युतीत धोम-बलकवडी प्रकल्प मार्गी लागला. यामध्ये रामराजे यांनी 30 वर्षे ज्यावर तालुक्याचे राजकारण केले त्या धोम-बलकवडी प्रकल्प व रामराजेेंचा काडीमात्र संबंध नाही. आगामी काळात हा प्रकल्प बारमाही करणार आहे.

आता आठमाही करण्याचे टेंडर प्रकाशित करण्यात आले आहे. काहीच महिन्यात नीरा-देवधरचे झिरो वॉटर धोम-बलकवडीद्वारे फलटण तालुक्यात पाणी आणणार आहे. धोम-बलकवडीची जेव्हा आखणी झाली होती. तेव्हाच हे करायचे ठरले होते. फक्त अडगळीत पडलेले प्रश्न मी मार्गी लावत आहे. नीरा-देवधर व धोम-बलकवडीच्या जोड कालव्यास स्वराज हिंद नाव देण्यात येणार आहे.

फलटण ते बारामती रेल्वेचे टेंडर प्रसिध्द झाले आहे. भविष्यात फलटण तालुक्याला याचा फायदा होणार आहे. फलटण येथे जिल्हा न्यायालयाला मंजुरी मिळाली आहे. तसेच फलटण येथे काही महिन्यात जिल्हास्तरीय सर्व कार्यालये सुरू करणार असल्याचेही खा. रणजितसिंह म्हणाले.

कोरेगाव / वरकुटे – मलवडी, पुढारी वृत्तसेवा : आषाढी एकादशीनिमित्त पंढरपूरला निघालेल्या वारकर्‍यांच्या गाडीला लोधवडे (ता. माण) येथे गुरुवारी सकाळी भीषण अपघात झाला. पुढे जाणार्‍या वाहनाला ओव्हरटेक करताना बोलेरो उलटल्याने हा अपघात झाला. या अपघातात चालक ठार झाला असून 7 जण जखमी झाले आहेत. सर्व भाविक कोरेगाव तालुक्यातील आहेत. या घटनेची नोंद दहिवडी पोलिस ठाण्यात करण्यात आली आहे.

कल्याण भोसले (रा. गुजरवाडी, ता. कोरेगाव) असे मृत्यू झालेल्या चालकाचे नाव आहे. तर अण्णा गाढवे (वय 42), पप्पू भिसे (वय 40), दादासाहेब थोरात (वय 42), सागर भोसले, विजय माने (वय 45), श्रीमंत पवार (वय 50) व रूद्र भोसले (13, सर्व रा. गुजरवाडी, ता. कोरेगाव) अशी जखमींची नावे आहेत.

आषाढी एकादशीनिमित्त गुजरवाडी, ता. कोरेगाव येथील प्रगतशील शेतकरी कल्याण भोसले हे बोलेरो (क्रमांक एम. एच. 11. बी. एच. 0896) घेऊन पंढरपूरला विठ्ठल दर्शनासाठी निघाले होते. या गाडीत त्यांच्यासह 8 जण वारकरी होते. गुरूवारी सकाळी 8 वाजता बोलेरो गोंदवले खुर्द, लोधवडे फाट्यानजीक आली असता दुसर्‍या गाडीला ओव्हरटेक करताना बोलेरो उलटली. ती चार वेळा पलटी होऊन रानात जाऊन पडली.

अपघाताची माहिती समजताच लोधवडे, संभाजीनगर येथील रहिवाशांनी घटनास्थळी धाव घेऊन जखमींना गाडीतून बाहेर काढले. मात्र, या अपघातात कल्याण भोसले यांचा जागेवरच मृत्यू झाला. तर उर्वरित जखमींना गोंदवले खुर्द येथील ग्रामीण रुग्णालयात दाखल करण्यात आले होते. पुढील उपचारासाठी सातारा येथील हॉस्पिटलमध्ये दाखल करण्यात आले आहे.

कण्हेर : पुढारी वृत्तसेवा : जून महिन्याच्या अखेरीस मान्सूनच्या पावसाने दमदार हजेरी लावल्याने कण्हेर परिसरात पेरणीसह मशागतींच्या कामांना वेग आला आहे. गेल्या चार दिवसापासून सकाळ व संध्याकाळ मान्सूनच्या रिमझिम सरी बरसू लागल्याने शेतकरी वर्ग सुखावला असून खरिपाच्या हंगामाची लगबग सुरू झाली आहे. परिसरातील शेतांमध्ये शेतकऱ्यांची शेतातील अंतर्गत मशागतींसह पेरणीची लगबग दिसून येत आहे.

जून महिना संपत आला तरी मान्सून न बरसल्याने शेतकरी वर्गामध्ये मोठे चिंतेचे वातावरण पसरले होते. मात्र गेल्या चार दिवसापासून दमदार पाऊस पडल्याने संपूर्ण चित्र बदलले आहे. पावसामुळे बळीराजा सुखावला आहे. शेतातील जमीन भुसभुशीत होऊन मशागत व पेरणी करणे सोपे जाऊ लागले आहे. शेतकऱ्यांनी पेरणीपूर्व मशागतींबरोबर पेरणीच्या कामाला जोमात सुरुवात केली आहे. तर मान्सूनच्या आशेवर अडसाली ऊस लागणीलाही सुरुवात झाली आहे.

या परिसरात मुख्य पीक असलेल्या सोयाबीन पिकांची टोकणी व पेरणीवर भर दिला जात आहे. भात, भुईमूग, घेवडा, मुग, उडीद यांचीही पेरणी केली जात आहे. बहुतांश ठिकाणी शेतीच्या नांगरणी व पेरणीसाठी बैलांचे औत व ट्रॅक्टरच्या साह्याने शेती केली जात आहे. जलसिंचन योजनेच्या आधारे लावलेल्या भाताच्या तरव्यांना पावसाने चांगले जीवदान दिले आहे. पेरणी योग्य पाऊस बरसला असला तरी शेतकरी दमदार पावसाची अजूनही प्रतीक्षा करत आहे.

हेही वाचा : 

सातारा; पुढारी वृत्तसेवा : सातारा तालुक्यातील निसर्गरम्य पर्यटकांचे आकर्षण असलेला ठोसेघर धबधबा काल बुधवार (दि. २८) रोजीपासून वाहू लागला आहे. डोंगर दरामध्ये पावसाची रिपरिप सुरू झाल्याने परिसर पर्यटकांना साद घालू लागल्याचे चित्र याठिकाणी दिसत आहे.

‘डोंगरदरी कपारीतून, जलधार लागली झरू, शुभ प्रभात घालीमोह, मन लागे भिरभिरू’ या काव्यपंक्तीप्रमाणे हा परिसर दिसू लागला आहे.

ठोसेघर धबधब्यावर यावर्षी ठोसेघर गॅलरी आणि ज्या ठिकाणी धबधब्याचा पाण्याचा प्रवाह पडतो त्या ठिकाणी गुहा करण्यात आली आहे. यामुले धबधब्याच्या पाण्यात जाळीच्या कडेला उभे राहून भिजण्याचा आनंद पर्यटकांना लुटता येणार आहे. यावर्षी धबधबा व्यवस्थापनाने वेगवेगळ्या ठिकाणी थांबण्यासाठी अडोशे तयार केले आहेत. तसेच निसर्गाची माहिती सांगणारे फलक बसण्यासाठी बाकडी अशी व्यवस्था केल्याने पर्यटकांना अधिक सुविधा उपलब्ध झाल्या आहेत. पावसात भिजल्यावर उभे राहण्यासाठी नैसर्गिक कुटी ही उभारण्यात आली आहे.

हेही वाचा : 

सातारा; पुढारी वृत्तसेवा : लोधवडे फाटा (ता. माण) येथील सातारा-पंढरपूर रस्त्यावर पंढरपूरला देवदर्शनासाठी निघालेल्या बोलेरो गाडी आज सकाळी आठ वाजता पलटी होऊन झालेल्या अपघातात सात जण जखमी झाले आहेत. सर्व जखमी कोरेगाव तालुक्यातील गुजरवाडी येथील आहेत.

चालक कल्याण भोसले (वय 45), आण्णा गाढवे (वय 42), पप्पू भिसे (वय 40), दादासो थोरात (वय 42), सागर भोसले, विजय माने (वय 45), श्रीमंत पवार (वय 50), रुद्र भोसले, अशी जखमींची नावे आहेत. या अपघाताची नोंद करण्याची प्रक्रिया सुरू असल्याची माहिती दहिवडी चे स पो नी अक्षय सोनवणे यांनी दिली.

सकाळच्या वेळी भरधाव वेगाने चाललेली बोलेरो गाडी अचानक लोधवडे फाटा येथे आली असताना चालकाचा ताबा सुटल्याने गाडी तीन वेळा पलटी झाली. या अपघातात सात जण गंभीर जखमी झाले असून अपघातातील जखमींना सातारा येते उपचारासाठी हलवलेले आहे.

हेही वाचा :