या प्रकरणी मल्याळम चित्रपट निर्माते साकीर मदाथिल यांनी पत्रकार परिषद घेतली. यात त्यांनी रजनीकांत यांच्या चित्रपटाची निर्मिती करणारी कंपनी सन पिक्चर्सशी संपर्क साधल्याचेही उघड केले. मात्र, रजनीकांत यांच्या चित्रपटाच्या शीर्षकात काहीही बदल होणार नाहीत, असे मेकर्सनी स्पष्ट केले आहे. केरळच नव्हे तर, भारताच्या कुठल्याही राज्यात या चित्रपटाचे शीर्षक बदलणार नसल्याचे, सन पिक्चर्सनी म्हटले आहे.

मुंबईतील गोरेगाव परिसरात ५०० एकर वनजमिनीवर पसरलेल्या फिल्मसिटीमध्ये तसे वन्य प्राण्यांचे दर्शन घडणे ही काही नवीन गोष्ट नाही. या आधी देखील अनेकवेळा बिबट्याने रात्री उशिरा सेटवर शिरून कुत्रे आणि मांजरींवर हल्ला केला आहे. काही दिवसांपूर्वी ‘नीरजा’ या मालिकेच्या गोरेगाव फिल्मसिटीमध्ये असलेल्या सेटवर अचानक बिबट्याची एन्ट्री झाली होती. याचा व्हिडीओ देखील सोशल मीडियावर व्हायरल झाला होता.

नव्याने दिमाखात सुरु झालेलं हे नाट्य संकुल रसिक आणि नाट्य कलावंतांच्या दृष्टीने आनंदाची बाब आहे, असे सांगतानाच, रंगभूमीच्या हितासाठी जे शक्य आहे ते सगळे प्रयत्न करणार असल्याचे आश्वासन मराठी नाट्य परिषदेचे अध्यक्ष प्रशांत दामले यांनी दिलं आहे.

सुनील शेट्टी याने नकळत शेतकऱ्यांच्या भावना दुखावल्याबद्दल त्यांची माफी मागितली आहे. अभिनेत्याने यावर स्पष्टीकरण देताना म्हटले की, त्याच्या बोलण्याचा लोकांनी गैरसमज करून घेतला आहे. आपण नेहमीच शेतकऱ्यांना साथ देत आलो आहोत आणि त्यांच्याबद्दल नकारात्मक विचार करण्याची कल्पनाही करू शकत नाही. सुनील शेट्टी म्हणाला की, त्याने नेहमीच शेतकऱ्यांच्या समर्थनार्थ काम केले असून, स्वदेशी उत्पादनांना प्रोत्साहन मिळावे, जेणेकरून शेतकऱ्यांना त्याचा पुरेपूर लाभ मिळेल, अशी त्याची इच्छा आहे.

वेदांत आणि अमुल्या या जोडीची भांडणं आणि त्यातून त्यांच्यात फुललेले प्रेम अशी या मालिकेची संकल्पना आहे. मात्र, या मालिकेला आता फारसा टीआरपी मिळत नसल्याचे समोर आले आहे. तर, टीआरपी नाही म्हणजे प्रेक्षकांनी या मालिकेकडे पाठ फिरवली असा निष्कर्ष काढला जातो. असंच काहीसं आता या मालिकेसोबत घडलं आहे. टेलिव्हिजन अपडेट्स देणाऱ्या एका सूत्राच्या माहितीनुसार, ही मालिका लवकरच बंद होणार असल्याचे म्हटले जात आहे. मात्र, अद्याप यावर मालिकेतील कलाकारांकडून किंवा वाहिनीकडून कोणतीही अधिकृत प्रतिक्रिया देण्यात आलेली नाही.