उंब्रज : पुढारी वृत्तसेवा : खालकरवाडी (ता. कराड) गावच्या हद्दीत देवळपेडा शिवारात विद्युत खांबावर वायर ओढताना विजेचा धक्का लागून एकाचा मृत्यू झाला. तर अन्य तीन जण जखमी झाले. शनिवारी ही घटना घडली. ऋषिकेश प्रकाश कांबळे (वय २६) (रा. केसे पाडळी, ता. कराड) असे मृत्यू झालेल्या युवकाचे नाव आहे. तर संजय रामचंद्र वीर (वय ५१), अमित महादेव कारंडे (वय ३०, दोघे रा. केसे पाडळी, ता. कराड), तन्मय रविंद्र अडकळ (वय २४, रा. अढूळ ता. पाटण) अशी जखमींची नावे आहेत.

याबाबत उंब्रज पोलिसांकडून मिळालेली माहिती अशी की, खालकरवाडीच्या डोंगरात देवळपेडा शिवारात विद्युत खांबावर वायर ओढण्याचे काम सुरू होते. यावेळी अचानक ऋषिकेश कांबळे याला जोराचा शॉक लागला. यामध्ये तो गंभीररित्या भाजून जखमी झाला. यावेळी त्या ठिकाणी काम करणाऱ्या अन्य कर्मचा-यांनी गंभीर जखमी कांबळे तसेच अन्य तीन जखमींना उपचारासाठी रुग्णालयात दाखल केले. यावेळी ऋषिकेश कांबळे याला डॉक्टरांनी मृत घोषित केले. या घटनेची नोंद उंब्रज पोलीस ठाण्यात झाली आहे. अधिक तपास पोलीस नाईक व्ही. डी. डांगरे करत आहेत.

हेही वाचा 

कराड; पुढारी वृत्तसेवा : ‘गुरुजींना अटक करण्याची भाषा करता तुम्हाला जगायचे आहे का’? अशा धमकीचा ई-मेल माजी मुख्यमंत्री व आमदार पृथ्वीराज चव्हाण (Prithviraj Chavan)  यांना आला आहे. त्यामुळे खळबळ उडाली असून कराड येथील त्यांच्या निवासस्थानी पोलीस बंदोबस्त वाढविण्यात आला आहे. नांदेडहून ईमेल आला असल्याचे सांगितले जात असून याबाबत खात्री करून गुन्हा दाखल करण्याची प्रक्रिया सुरू आहे. दरम्यान ज्याने हा मेल केला आहे. त्याला ताब्यात घेण्यासाठी पोलिसांचे एक पथक रवाना झाले असल्याची माहिती पोलीस उपाधीक्षक अमोल ठाकूर यांनी दिली.

विधानसभेच्या अधिवेशनामध्ये माजी मुख्यमंत्री आमदार पृथ्वीराज चव्हाण (Prithviraj Chavan)   यांनी भिडे गुरुजींना अटक करा, असे मागणी केली होती. भिडे गुरुजी यांनी राष्ट्रपिता महात्मा गांधी यांच्याविषयी अनुद्गार काढले होते. त्यामुळे त्यांना अटक करावी, अशी मागणी केल्यानंतर विधानसभेत एकच गोंधळ उडाला होता. त्यानंतर शनिवारी रात्री साडेबारा वाजण्याच्या सुमारास पृथ्वीराज चव्हाण यांना मेल करून गुरुजींना अटक करा, म्हणून बोलतो काय जिवंत राहायचे आहे का? अशी धमकी देण्यात आली आहे.

रविवारी सकाळी कार्यालय सुरू झाल्यानंतर ईमेल तपासणी करत असताना धमकीचा मेल आला असल्याचे त्यांच्या कार्यालयातील कर्मचाऱ्यांना समजले. त्यांनी याबाबतची माहिती आमदार पृथ्वीराज चव्हाण यांना दिल्यानंतर त्यांनी ही बाब पोलिसांना सांगितली. त्यानुसार पोलीस माहिती घेत असून त्यांच्या कराड येथील पाटण कॉलनीतील निवासस्थानी पोलीस बंदोबस्त वाढविण्यात आला आहे. तसेच ई-मेल कोणाच्या मेलवरून आला आहे? ती व्यक्ती कोण आहे? मेल पाठवण्याचा उद्देश काय आहे? कुठून पाठवला आहे? पाठवणारी व्यक्ती ने डुप्लिकेट अकाउंटचा तर वापर केला नाही ना? याची माहिती पोलीस घेत असून संबंधित व्यक्तीला ताब्यात घेण्यासाठी पोलीस पथक रवाना झाले असल्याचे डीवायएसपी अमोल ठाकूर यांनी सांगितले.

दरम्यान, याबाबत पोलीस निरीक्षक प्रदीप सूर्यवंशी यांच्याशी संपर्क साधला असता वरिष्ठांशी चर्चा करून गुन्हा दाखल करण्याची प्रक्रिया सुरू असल्याचे त्यांनी सांगितले. याबाबत माजी मुख्यमंत्री आमदार पृथ्वीराज चव्हाण यांच्याशी संपर्क साधण्याचा प्रयत्न केला असता त्यांच्या कार्यालयातून मेल आल्याच्या घटनेला दुजोरा मिळाला. याबाबत पोलीस प्रशासन त्यांचे काम करत आहे.

हेही वाचा 

वाशिम: संभाजी भिडे यांच्याविरोधात निदर्शने; कार्यकर्त्यांना अटक

देशाला हुकुमशाहीपासून वाचवणे जनतेच्या हातात : पृथ्वीराज चव्हाण

पुण्यात संभाजी भिडेंविरोधात राष्ट्रवादीचे आंदोलन

सातारा ; पुढारी वृत्‍तसेवा साताऱ्यात खिंडवाडी येथे कृषी उत्पन्न बाजार समितीच्या नवीन जागेवर जनावरांचा आठवडी बाजार भरवण्यात आला आहे. याचे उद्घाटन भाजप आमदार शिवेंद्रराजे भोसले यांनी केले. यावेळी आमदार शिवेंद्रराजे भोसले यांनी खासदार उदयनराजे भोसले यांच्यावर टीका केली.

स्वतः काही करायचं नाही आणि दुसऱ्याने केलं  की अडवायचं, काम होऊन द्यायचं नाही. हायकोर्ट आणि सुप्रीम कोर्ट पेक्षा तुम्ही मोठे आहात का? देशात लोकशाही आहे. असल्या गोष्टींना कोण भीक घालत नाही. भिडे गुरुजी यांनी केलेले विधान चुकीचे आहे. कोणत्याही महापुरुषांबद्दल विधान करणे चुकीचं आहे. सर्वांनी महापुरुषांबद्दल बोलताना स्वतःला आवरलं पाहिजे असे सांगत भिडे गुरुजींनी केलेल्या विधानावर त्‍यांनी नाराजी व्यक्त केली.

हेही वाचा :