नितीन देसाई यांनी आत्महत्या केल्यानंतर कर्ज वसुलीसाठी फायनान्स कंपनीनं मानसिक छळ केल्याचा आरोप झाला होता. कंपनीच्या व्याजाचा दर,व्याज वृद्धीचा दर, वसुलीची पद्धत या सर्व कार्यपद्धतीची विशेष पथक नेमून चौकशी करावी आणि दिवंगत नितीन चंद्रकांत देसाई यांना न्याय द्यावा, अशी मागणी भाजप आमदार अॅड. आशिष शेलार यांनी विधानसभा अधिवेशनात केली होती.

विधानपरिषदेत बोलताना गृहमंत्री देवेंद्र फडणवीस म्हणाले की, महाराष्ट्रातून दररोज ७० महिला गायब होत आहे, असा आपण समज करून घेत आहोत. महाराष्ट्रात महिला आणि मुली सुरक्षित नाही, हे खरं नाहीय. अनेकदा जेष्ठ महिला घर सोडून निघून जातात. काही महिलांची वैयक्तिक आणि अन्य कारणं असतात. त्यावेळी पोलीस त्यांचा शोध घेऊन त्यांना परत घरी आणतात, अशा घटनांमध्ये ७२ तासांच्या आत एफआयआर करावी लागते, असे सर्वोच्च न्यायालयाचे निर्देश आहे. तसं झालं नाही तर अपहरणाची केस समजून त्याची चौकशी करावी लागत असल्याचं फडणवीसांनी विधानपरिषदेत सांगितलं आहे. देशातील अन्य शहरांच्या तुलनेत महिलांना मुंबईत अधिक सुरक्षित वाटतं. असंख्य महिला नोकरीच्या किंवा अन्य कारणांच्या निमित्ताने रात्री-अपरात्री मुंबईत प्रवास करत असतात, असंही फडणवीस यांनी म्हटलं आहे.

मिळालेल्या माहितीनुसार, गेल्या सहा महिन्यांपासून पीडित मुलगी आरोपी सुशील कदम याच्याकडे नृत्य शिकण्यासाठी जात होती. तु दिसायला सुंदर आहेस, तुला चित्रपटांत काम मिळवून देतो, असं सांगत आरोपीने मुलीला प्रेमाच्या जाळ्यात ओढलं. त्यानंतर फर्स्ट लूक साठी आरोपीने अनेकदा मुलीला निर्जनस्थळी नेत तिच्यावर बलात्कार केला. याशिवाय या घटनेबाबत कुणाला सांगितल्यास जीवे मारण्याची धमकी दिली. त्यानंतर मुलगी डान्स शिकण्यासाठी बाहेर गेली असता बराच वेळ ती घरी परतली नाही. त्यामुळं मुलीच्या आईवडिलांनी आरोपी शिक्षकाला फोन करत मुलीला भेटण्याची मागणी केली. त्यानंतर आरोपी सासवड येथील लॉजवर असल्याचं समजताच पालकांनी थेट घटनास्थळी धाव घेत मुलीला ताब्यात घेतलं आहे.