भारतीय चित्रपटसृष्टीसाठी १५ ऑगस्ट हा दिवस दरवर्षी खास ठरतो. या दिवशी प्रदर्शित होणारे चित्रपट बॉक्स ऑफिसवर तुफान कमाई करतात. यावेळी दाक्षिणात्य सुपरस्टार अभिनेता रजनीकांतचा ‘जेलर’ हा चित्रपट स्वातंत्र्यदिनापूर्वीच प्रदर्शित झाला आहे. मात्र, १५ ऑगस्टला या चित्रपटाला प्रेक्षकांचा तुफान प्रतिसाद मिळाला.

रिकीने स्वातंत्र्य दिनाच्या पूर्वसंध्येला जगातील भारतीयांसाठी ६० सेकंदाचा व्हिडीओ भेट म्हणून दिला आहे. त्याने हा व्हिडीओ लंडनमधील अतिशय प्रसिद्ध अॅबे रोड स्टुडीओमध्ये जगातील सर्वात मोठ्या सिम्फनी ऑर्केस्ट्राद्वारे रेकॉर्ड केला आहे. हा व्हिडीओ शेअर करत रिकीने, “काही दिवसांपूर्वी, मी लंडनच्या प्रसिद्ध अॅबे रोड स्टुडिओमध्ये भारताचे राष्ट्रगीत सादर करण्यासाठी १०० जणांचा ब्रिटिश ऑर्केस्ट्रा, द रॉयल फिलहारमोनिक ऑर्केस्ट्रा आयोजित केला होता. भारताचे राष्ट्रगीत रेकॉर्ड करणारा हा सर्वात मोठा ऑर्केस्ट्रा होता. शेवटच्या ‘जय हे…’ ने माझ्या अंगावर अक्षरश: शहारे आले होते. भारतीय संगीतकार असल्याचा आनंद होतो. या स्वातंत्र्यदिनी मी हे ऐतिहासिक रेकॉर्डिंग तुम्हा सर्वांसोबत शेअर करत आहे. आदराने वापरा, शेअर करा आणि पहा. ते आता तुमचे आहे. जय हिंद. स्वातंत्र्यदिनाच्या शुभेच्छा” या आशयाचे कॅप्शन दिले आहे.

एका यूजरने शिल्पाला ‘चप्पल काढून ध्वज फडकवला असता तर बरे झाले असते. का काढली नाही चप्पल’ असा प्रश्न विचारला. त्यावर शिल्पाने, ‘झेंडा फडकवतानाचे सर्व नियम मला माहित आहेत, माझ्या देशाचा आणि ध्वजाचा आदर माझ्या मनातून येतो, प्रश्न मांडण्यासाठी नाही. मी अभिमानास्पद भारतीय आहे. आजची पोस्ट त्या भावना शेअर करण्यासाठी होती. सर्व ट्रोलर्ससाठी ज्यांना मी सहसा दुर्लक्ष करते, मी या दिवशी दुर्लक्ष करू शकत नाही. त्यामुळे तुमचे तथ्य बरोबर करा’ असे म्हटले आहे.

प्रसिद्ध अभिनेता, लेखक आणि दिग्दर्शक म्हणून महेश मांजरेकर ओळखले जातात. त्यांनी अभिनय आणि उत्तम दिगदर्शनाच्या जोरावर मराठीसह बॉलिवूडमध्येही स्वत:ची अशी वेगळी ओळख निर्माण केली आहे. पण तुम्हाला माहिती आहे का महेश मांजरेकर यांना अभिनेता व्हायचे नव्हते. त्यांना एका वेगळ्या क्षेत्रात करिअर करायचे होते. आज १६ ऑगस्ट रोजी त्यांच्या वाढदिवस आहे. त्यानिमित्ताने जाणून घेऊया त्यांच्याविषयी काही खास गोष्टी…