भारतानं बांगलादेशवर ट्रेड स्ट्राईक केलाय. बांगलादेशातून तयार कपडे, अन्नपदार्थांची आयात भारतीय बंदरातून करण्यावर निर्बंध लादले आहेत. भारताविरोधात केलेली आगळीक बांगलादेशला महागात पडलीय. 

भारतानं पाकिस्तानला साथ देणाऱ्या तुर्कीए आणि अझारबैजानला चांगलाच धडा शिकवलाय. दरम्यान या दोन्ही देशानंतर आता भारतानं आपला मोर्चा बांगलादेशकडे वळवलाय. बांगलादेशच्या मुहम्मद युनूस यांनी भारताविरोधात केलेलं वक्तव्य त्यांना चांगलंच महागात पडलंय. कारण भारताकडून केलेल्या बंदीनतर बांगलादेशचा कापड उद्योग अडचणीत आलाय.

काय म्हणाले होते मुहम्मद युनूस?

भारताची ईशान्य भारतातील राज्य लँडलॉक्ड आहेत

त्यांना समुद्रापर्यंत जाण्यासाठी बांगलादेशच्या माध्यमातून जावं लागेल. 

चीन हा हिंद महासागरचा पालक आहे

युनूस यांनी चीनला शिपमेंट करण्याचं आमंत्रण देखील दिलं होतं. 

मुहम्मद युनूस यांनी केलेल्या या वक्तव्यानंतरच भारतानं बांगलादेश विरोधात पाऊल उचललंय. त्यामुळे बांगलादेशी वस्तुंची आयात आता काही बंदरावरूनच केली जाणार आहे. 

भारताचा बांगलादेशला दणका 

भारताकडून बांगलादेशवर ट्रेड स्ट्राईक

बांगलादेशमधून येणाऱ्या उत्पादनांना प्रत्येक बंदरांवर उतरवण्यास भारतानं बंदी घातली आहे

बांगलादेशातून तयार केलेले कपडे, अन्नपदार्थांची आयात भारतीय बंदरावरून करण्यास निर्बंध

प्लॅस्टिक, लाकडी फर्निचर आणि डाय यासारखी उत्पादनं आता मोजक्याच बंदरावर उतरवण्यात येणार

रेडीमेड गारमेंट्स आता केवळ मुंबईच्या न्हावा शेवा आणि  कोलकाता सी पोर्टच्या माध्यमातून भारतात येतील

परराष्ट्र व्यापार महासंचालनालयाकडून यासंदर्भातली अधिसूचना जारी

पाकिस्तानसारखा बांगलादेश देखील मागील काही वर्षांपासून भारताविरोधात कुरघोडी करताना दिसतोय. दरम्यान भारतानं दहशतवाद्यांवर केलेल्या एअर स्ट्राईकनंतर बांगलादेशनं पाकची बाजू घेतली होती. तसंच मुहम्मद युनूस यांनी चीनमध्ये जाऊन भारताविरोधात आगळीक केली. त्यामुळे पाकिस्तान आणि तुर्कीएसह बांगलादेशला देखील धडा शिकवणं गरजेचंच होतं.

Maharashtra Tourism : उन्हाळा असो, पावसाळा असो किंवा हिवाळा अथंग समुद्र किनारी जायला कोणाला नाही आवडतं. महाराष्ट्राला अनेक समुद्रकिनारे लाभले आहेत. भारतातही अनेक असे समुद्रकिनारे आहेत, जे पर्यटकांना आकर्षित करतात. दूरवर पसरलेला समुद्रकिनारा आणि त्याची शांतता कायम आपल्याला आकर्षित करतात. समुद्रात फेसाळणाऱ्या लाटा, सरकणारी वाळू आणि थंडगार वारा जेव्हा अंगाला स्पर्श करतो तेव्हा एक सुखद अनुभव हा प्रत्येकाला हवा हवासा वाटतो. खरं तर अनुभव शब्दात मांडताना येणार नाही. पण तुम्ही कधी असा समुद्र किनारा पाहिला आहे का, जो रात्रीच्या अंधारात चमकतो. तुम्हाला जाणून आश्चर्य वाटेल की, भारतात अशी 5 समुद्रकिनारे आहेत. त्यातील एक महाराष्ट्राला लाभला आहे. 

अद्भुत आणि आश्चर्यकारक असा समुद्र किनाऱ्यांमध्ये रात्रीच्या अंधारात चांदण्यांसारखे चमकणारे हे समुद्र किनारे भारतातील महाराष्ट्र, गोवा, पश्चिम बंगाल, केरळ, अंदमान- निकोबार या ठिकाणी आहेत. 

गोवा -पालोलेम बीच

गोवा नेहमीच पर्यटकांची पहिली पसंती राहिली असून इथल्या पालोलेम बीच अत्यंत वेगळा आणि अद्भुत आहे. रात्रीच्या वेळी लखलख चमकणारा हा समुद्रकिनारा एका अत्यंत सुंदर दृश्यासह मनाला वेगळाच आनंद देतो. त्यामुळे गोव्याला गेलात तर रात्रीच्या वेळी पालोलेम बीचचे निखळ सौंदर्य पहायला नक्की जा. 

पश्चिम बंगाल -मंदारमणी बीच

पश्चिम बंगालच्या पूर्व मिदनापूर जिल्ह्यातील मंदारमणी बीचसुद्धा रात्रीच्यावेळी ताऱ्याप्रमाणे चमकतो जे पाहण्यासाठी पर्यटक गर्दी करतात. 

केरळ – वर्कला समुद्रकिनारा

केरळमधील वर्कला बीच ज्याला ‘पापनाशम बीच’ असेही म्हटलं जातं. हा भारतातील केरळमधील तिरुवनंतपुरम जिल्ह्यातील वर्कला नगरपालिकेच्या वर्कला टाउनमध्ये आहे. हा समुद्रकिनारा देखील रात्रीच्या अंधारात चमचम करतो. 

अंदमान आणि निकोबार – राधानगरी बीच

अंदमान आणि निकोबार येथील हॅवलॉक बेटावर असणारा राधानगरी बीचसुद्धा रात्रीच्यावेळी चमकतो. मुख्य म्हणजे हा बीच रात्रीच्या काळोखात निळ्या आणि हिरव्या रंगाच्या रोषणाईने उजळल्यासारखा भासतो. 

महाराष्ट्र – मालवण समुद्र किनारा

महाराष्ट्रातील कोकणातील मालवण हे अत्यंत सुंदर आणि नयनरम्य असे ठिकाण आहे. जिथला समुद्रकिनारा पाहणे अत्यंत सुखद अनुभव देतो. खास करून मालवण समुद्र किनारा रात्रीच्या वेळी पाहणारा आयुष्यात ते दृश्य विसरू शकत नाही. कारण हा बीच रात्रीच्या अंधारात अगदी आकाशातील ताऱ्यांसारखा चमकतो. जे पाहणे फारच आल्हाददायी अनुभव मानला जातो. 

समुद्र किनाऱ्यांच्या चमकण्यामागील कारण तुम्हाला माहितीये का?

रात्रीच्या वेळी समुद्र किनारे चमकण्यामागे  एक वैज्ञानिक कारण आहे. ते म्हणजे ‘बायोल्युमिनेसेंट फायटोप्लँक्टन’. या समुद्रकिनारी तुम्ही बायोल्युमिनेसेन्सच्या विस्मयकारक घटनेचे साक्षीदार होऊ शकता. कारण या ठिकाणी बायोल्युमिनेसेंट फायटोप्लँक्टनची उपस्थिती असते. वर्षाच्या ठराविक काळात, बायोल्युमिनेसेंट फायटोप्लँक्टन लाटांच्या हालचालीवर प्रतिक्रिया देतात. ज्यामुळे हे समुद्रकिनारे रात्रीच्या वेळी चमकतात.

Wedding Funny Viral Video: लग्न हा नवरदेव आणि नवरी या दोघांच्या आयुष्यातला आनंदाचा क्षण असतो. हा क्षण साजरा करण्यासाठी आप्तेष्ट, नातेवाईक सर्व गोळा होतात. विधीप्रमाणे हा सोहळा पार पडतो. या सोहळ्यादरम्यान अनेक मजेशीर प्रसंग घडतात. लग्नाच्या विधींदरम्यान एक मजेदार आणि आश्चर्यकारक घटना समोर आली आहे. होणाऱ्या बायकोला नवरदेव वरमाला घालताना मस्करीच्या मूडमध्ये होता. पण वधूला राग अनावर झाला आणि भलतंच काहीतरी घडलं. नवरदेवाला अशी अद्दल घडली की पुढच्या 7 जन्मात हीच पत्नी मिळाली तरी तो असं कृत्य पुन्हा करण्याचं धाडस करणार नाही.  

लग्न समारंभातील एक व्हिडीओ सध्या सोशल मीडियात खूप व्हायरल होतोय. ज्यात नवरी नवऱ्याच्या पायांना स्पर्श करून आशीर्वाद घेण्याचा प्रयत्न करतेय. पण नवरदेव दरवेळी मागे हटतोय. मग रागाच्या भरात वधूने वराला लग्नसमारंभातच आपली ताकद दाखवून दिली. 

व्हायरल व्हिडिओची सगळीकडे चर्चा 

ही संपूर्ण घटना तिथे उपस्थित असलेल्या वऱ्हाड्यांसमोर घडली. लग्नात आलेल्या कोणीतरी हा प्रसंग आपल्या कॅमेऱ्यात कैद केला. हा व्हिडिओ सोशल मीडियावर मोठ्या प्रमाणात व्हायरल होतोय. @me_sunitaa नावाच्या एका एक्स अकाउंटवरून हा व्हिडीओ पोस्ट करण्यात आलाय. व्हिडिओमध्ये नवरीचा राग आणि वराची फजिती स्पष्टपणे दिसतेय. वधूने वराला मारताच तिथे उपस्थित असलेले लोकदेखील पाहतच राहीले.

वधूची प्रतिक्रिया

सर्व लोकांच्यासमोर लग्नाच्या स्टेजवर नवरीने नवऱ्याला खाली पाडलं. वराला पाडल्यानंतर वधूची प्रतिक्रिया पाहून सर्व पाहुणे स्तब्ध झाले. ती रागाने काहीतरी बोलली आणि मग स्टेजवरून खाली आली. पाहुण्यांच्या चेहऱ्यावर आश्चर्य स्पष्ट दिसत होते. काही लोक तोंड धरुन हसत होते. तर काही लोक असं करायची काय गरज होती म्हणत वराला त्याच्या कृत्याबद्दल शिव्या देत होते. सोशल मीडियावर हा व्हिडिओ पाहिल्यानंतर वराला धडा मिळाला, असे लोकं म्हणतायत. 

लग्नाचा व्हिडिओ व्हायरल 

जयमाला के समय ज्यादा होशियारी न करें,दुल्हन जो कर रही है करने दें, नहीं तो लेने के देने पड़ सकते हैं। pic.twitter.com/8KSFGTW3az

— Sunita Mishra (@me_sunitaa) May 16, 2025

हा व्हायरल व्हिडिओ आता सर्वत्र चर्चेचा विषय बनलाय. लग्नासारख्या खास प्रसंगी वर असा खोडसाळपणा कसा करू शकतो याचे लोकांना आश्चर्य वाटतंय. लग्न समारंभात घडलेल्या या घटनेने सोशल मीडियावर खळबळ उडालीय. या व्हिडिओवर यूजर्स मजेदार कमेंट्स करतायत. आणि वधूच्या धाडसाचे कौतुक करतायत.

Jyoti Malhotra Use Mobile Apps: हेरगिरीच्या आरोपाखाली हरियाणा पोलिसांनी युट्यूबर ज्योती मल्होत्राला अटक केली. भारताच्या लष्करी ऑपरेशन ऑपरेशन सिंदूरसह लष्कराशी संबंधित अनेक गोपनीय माहिती पाकिस्तानला पाठवल्याचा आरोप तिच्यावर आहे. ज्योती मल्होत्रा ​​2023 चा व्हिसा मिळविण्यासाठी एका एजंटची मदत घेऊन पाकिस्तानला गेली. या भेटीदरम्यान तिची भेट नवी दिल्लीतील पाकिस्तान उच्चायुक्तालयातील कर्मचारी एहसान-उर-रहीम उर्फ ​​दानिशशी झाली. 13 मे 2025 रोजी दानिशला पर्सना नॉन ग्राटा घोषित करण्यात आले आणि भारतातून हद्दपार करण्यात आले. रहीमच्या मदतीने ज्योती दोनदा पाकिस्तानला गेली आणि रहीमचा सहकारी अली एहवानशी तिची ओळख झाली. ज्योतीचा पाकिस्तानमधील राहण्याचा आणि प्रवासाचा खर्च त्यांनीच केला.

पाकिस्तानची सकारात्मक प्रतिमा निर्माण केल्याचा आरोप

दानिशने ज्योतीची ओळख अनेक पाकिस्तानी गुप्तचर अधिकाऱ्यांशी  म्हणजेच पाकिस्तान इंटेल ऑपरेटिव्ह-पीआयओ यांच्याशी करुन दिली होती. भारतीय ठिकाणांबद्दलची संवेदनशील माहिती पाकिस्तानला पुरवल्याचा आणि सोशल मीडियावर पाकिस्तानची सकारात्मक प्रतिमा निर्माण केल्याचा ज्योतीवर आरोप आहे. ज्योतीचे एका पाकिस्तानी गुप्तचर अधिकाऱ्याशी जवळचे संबंध होते आणि ती त्याच्यासोबत इंडोनेशियातील बाली येथेही गेली होती, असेही तपासात पुढे आले आहे. पहलगाममधील भयानक हत्याकांडानंतर जेव्हा भारताने ‘ऑपरेशन सिंदूर’ सुरू केले तेव्हा ज्योती तिच्या इंस्टाग्राम स्टोरीजवर ‘युद्धाला नकार द्या’ असे संदेश पोस्ट करत होती. एवढेच नव्हे तर आपल्या हालचालींवर संशय येऊ नये म्हणून तिने पाकिस्तानी गुप्तचर संस्था आणि दानिशशी बोलण्यासाठी स्नॅपचॅट आणि टेलिग्रामचा वापर केला.

रहीमला अनेक वेळा भेटल्याची कबुली

ज्योती पाकिस्तानात पोहोचली आणि अली एहवानने तिची ओळख पाकिस्तानी संरक्षण आणि गुप्तचर अधिकाऱ्यांशी करून दिली. तिथे शकीर आणि राणा शाहबाज यांना भेटल्याचे ज्योतीन कबूल केले आहे. संशय येऊ नये म्हणून तिने शाकीरचा मोबाईल नंबर जाट रंधावा या नावाने सेव्ह केला. यानंतर मी भारतात आले आणि सोशल मीडियाद्वारे वरील सर्वांशी संपर्कात होते, असे ज्योतीने सांगितले. त्या सर्वांनी माझ्याकडे देशद्रोह करणारी माहिती मागितली, जी मी दिल्याचे ज्योतीने सांगितले. तसेच आपण रहीमला अनेक वेळा भेटल्याचेही ती म्हणाली. या भेटीदरम्यान एहसान-उर-रहीम उर्फ ​​दानिशने ज्योतीचा मोबाईल नंबर घेतला आणि नंतर ते फोनवर बोलू लागले. मी दोनदा पाकिस्तानला गेली होती आणि एहसान-उर-रहीमच्या ओळखीच्या अली नावाच्या व्यक्तीने माझ्या पाकिस्तानातील प्रवासाची आणि राहण्याची व्यवस्था केल्याचे ज्योतीने पोलिसांना सांगितले. 

मोबाईल Apps च्या माध्यमातून संपर्कात

अलीने पाकिस्तानी गुप्तचर अधिकाऱ्यांसोबत माझी भेट घालून दिली. यानंतर तो शाकीर आणि राणा शाहबाज यांनाही भेटला. जेव्हा मी भारतात परतली तेव्हा व्हॉट्सअॅप, स्नॅपचॅट आणि टेलिग्रामद्वारे त्यांच्याशी संपर्कात राहिल्याचे ज्योतीने कबूल केले. या काळात ती पाकिस्तान उच्चायुक्तालयातील अधिकारी एहसान-उर-रहीम उर्फ ​​दानिश यांनाही अनेक वेळा भेटल्याचे तपासात समोर आले.

 भारतीय दंड संहितेअंतर्गत गुन्हा दाखल

हिसार पोलिस ठाण्यात दाखल केलेल्या एफआयआरमध्ये पोलिसांनी या प्रकरणाची सविस्तर माहिती दिली आहे. चौकशीदरम्यान ज्योती मल्होत्राने सांगितले की, ती 2023 मध्ये पाकिस्तानला भेट देण्यासाठी लागणारा व्हिसा मिळविण्यासाठी दिल्लीतील पाकिस्तान उच्चायुक्तालयात गेली होती. तिथे तिची भेट एहसान-उर-रहीम उर्फ ​​दानिश नावाच्या व्यक्तीशी झाली.आता ज्योतीजींविरुद्ध भारतीय दंड संहिता (IPC) च्या कलम 152 आणि अधिकृत गुपिते कायदा 1923 च्या कलम 3,4,5 अंतर्गत गुन्हा दाखल करण्यात आला आहे.