India Against Piracy: माजी राज्यसभा खासदार डॉ. सुभाष चंद्रा यांनी पायरसी देश आणि समाजासाठी धोकादायक असल्याचे म्हटले आहे.  ‘दहशतवादी नेटवर्क केवळ विचारसरणीवर टिकत नाहीत, ते पैशावर टिकतात आणि पायरेटेड कंटेंट हा त्यांच्या सर्वात शांत स्त्रोतांपैकी एक आहे. पायरसीमुळे देशाचे मोठे नुकसान होत आहे, असे माजी राज्यसभा खासदार डॉ. चंद्रा यांनी त्यांच्या एक्स अकाउंटवरून एका पोस्टमध्ये आपले मत व्यक्त केले आहे. मीडिया रिपोर्ट्सनुसार, पायरसीचा काळा बाजार हजारो कोटी रुपयांचा आहे.

देशाचे हजारो कोटींचे नुकसान झाले आहे.

अलिकडच्याच एका मीडिया रिपोर्टनुसार, देशात २२,४०० कोटी रुपयांचा चित्रपट लीक घोटाळा उघडकीस आला आहे.  रेड २, सिकंदर आणि जाट सारखे प्रमुख हिंदी चित्रपट त्यांच्या थिएटर रिलीजच्या एक दिवस आधी ऑनलाइन लीक झाल्याची धक्कादायक बाब उघडकीस आली आहे.  तथापि, अशा प्रकारे चित्रपट लीक होणे यात चित्रपट क्षेत्रातील आतील व्यक्तींचाच  सहभाग असल्याचे अंगुली निर्देश करत आहे. पायरसीतून मिळवलेले पैसे दहशतवाद पसरवण्यासाठी वापरले जाऊ शकतात.

मीडिया पार्टनर्स एशियाच्या विश्लेषणानुसार, जागतिक स्तरावर, भारत ९०.३ दशलक्षाहून अधिक युजर्ससह ऑनलाइन व्हिडिओ पायरसी मार्केटमध्ये अव्वल स्थानावर आहे, त्यानंतर इंडोनेशिया (४७.५ दशलक्ष) आणि फिलीपिन्स (३१.१ दशलक्ष) यांचा क्रमांक लागतो.

‘दहशतवादामागे पैसा आणि पायरसी’

पायरसी केवळ मनोरंजन उद्योगाचेच नाही तर संपूर्ण देशाचे नुकसान करते. इकॉनॉमिक टाईम्सच्या वृत्तानुसार, मे २०२५ मध्ये त्यांच्या नियोजित सिनेमा प्रीमियरच्या एक दिवस आधी अनेक चित्रपट लीक झाले होते.

त्याच वेळी, EY-IAMAI अँटी-पायरसी स्टडी २०२४ म्हणजेच द रॉब रिपोर्टनुसार, गेल्या अनेक वर्षांपासून एक मोठा घोटाळा सुरू आहे. रिलीजनंतरच्या नेहमीच्या पायरसीपेक्षा वेगळे असलेले हे सुरुवातीचे लीक भारतीय चित्रपट उद्योगात गंभीर चिंता निर्माण करत आहे.

भारतीय चित्रपटसृष्टीचे मोठे नुकसान 

EY-IAMAI आणि ET च्या खुलाशानुसार, २०२३ मध्ये भारतीय मीडिया उद्योगाला पायरसीमुळे मोठे नुकसान सहन करावे लागण्याची शक्यता आहे. खेदाची बाब म्हणजे सरकार आणि पोलिसांनी या संदर्भात उचलेली सर्व पाऊले अपुरी पडत आहेत.

Air India Express Flash Sale : तुम्ही विमान प्रवास करायचा आहे, मग तुमच्यासाठी आनंदाची बातमी आहे. एअर इंडिया एक्सप्रेसने मर्यादित कालावधीसाठी ‘फ्लॅश सेल’ची घोषणा केली आहे. या बंपर ऑफर अंतर्गत, देशांतर्गत विमान प्रवासाचे भाडे फक्त 1250 रुपयांपासून सुरू होणार आहे. याचा अर्थ. म्हणजेच, देशभरातील एका शहरापासून दुसऱ्या शहरात जाण्यासाठी विमान प्रवासाचे भाडे फक्त 1250 रुपयांपासून सुरू होते. त्याच वेळी, परदेशात जाण्यासाठी बुकिंग देखील 6131 रुपयांपासून सुरू होत आहे. दोन्ही प्रकारचे बुकिंग तुम्हाला 25 मे 2025 पर्यंत करायचे आहे. त्यामुळे विमान प्रवास करण्याचे स्वप्न पूर्ण करण्याची संधी गमवू नका. (Air India EXPRESS bumper offer Book a flight ticket for Rs 1250 Fares so low that you can even travel abroad)

वेबसाइटने जारी केलेल्या प्रेस रिलीजनुसार, देशांतर्गत मार्गांवर एक्स्प्रेस लाइट हवाई प्रवासाचे भाडे रु. पासून सुरू होते. 1250 या श्रेणीमध्ये चेक-इन बॅगशिवाय फ्लाइट तिकिटाचा पर्याय आहे. तर एक्सप्रेस व्हॅल्यूचे भाडे 1375 रुपयांपासून सुरू होते. एअर इंडिया एक्स्प्रेस वेबसाइट, मोबाईल अॅप आणि इतर प्रमुख बुकिंग प्लॅटफॉर्मद्वारे तिकीट बुकिंग करता येते.

त्याच वेळी, फ्लॅश सेल अंतर्गत, आंतरराष्ट्रीय मार्गांवर एक्स्प्रेस लाइटचे भाडे 6131 रुपयांपासून सुरू होते. त्याचप्रमाणे, एक्स्प्रेस व्हॅल्यू आणि एक्स्प्रेस फ्लेक्ससाठी ऑफर अनुक्रमे 6288 रुपये आणि 7,038 रुपयांपासून आहे. परदेशी उड्डाणांसाठीच्या या ऑफर फक्त 6, 12 आणि 20 ऑगस्ट 2025 च्या तिकिटांसाठी वैध आहेत. 

कंपनीने असेही म्हटलं आहे की airindiaexpress.com या वेबसाइटद्वारे केलेल्या एक्सप्रेस लाइट बुकिंगवर ते कोणतेही सुविधा शुल्क आकारत नाही. एक्स्प्रेस लाईट बुकिंग अंतर्गत, कोणत्याही अतिरिक्त शुल्काशिवाय 3 किलो वजनाची अतिरिक्त केबिन बॅग प्री-बुक करण्याचा पर्याय आहे. त्याच वेळी, देशांतर्गत उड्डाणांमध्ये 15 किलोच्या बॅगेसाठी 1000 रुपये आणि आंतरराष्ट्रीय उड्डाणांमध्ये 20 किलोच्या बॅगेसाठी 1300 रुपये अतिरिक्त द्यावे लागतील.

या लोकांसाठी खास ऑफर 

याशिवाय, एअर इंडिया एक्स्प्रेस वेबसाइटवर निष्ठावंत सदस्यांसाठी उत्तम ऑफर दिल्या जात आहेत. लॉग इन केलेल्या सदस्यांना 10 किलो अतिरिक्त चेक-इन बॅग आणि 3 किलो अतिरिक्त कॅरी-ऑन बॅगवर 25% सूट मिळेल. कंपनी विद्यार्थी, ज्येष्ठ नागरिक, डॉक्टर, परिचारिका, लष्करी कर्मचारी आणि त्यांच्या कुटुंबातील सदस्यांना विशेष सवलती आणि फायदे देखील देत आहे.

Asaduddin Owaisi: ऑपरेशन सिंदुरनंतर पाकिस्तान पुरता घाबरून गेला. या काळात देशातील नागरिक आणि एकमेकांवर सातत्याने टीका करणारे नेतेही देशासाठी एकत्र झाले.या नेत्यांपैकी एक नाव म्हणजे MIMचे नेते असदुद्दीन ओवेसी.ओवैसी यांनी देशाच्या संकटाच्या काळात देशाची बाजू जोरकसपणे मांडली.पण आता हेच औवेसी पाकच्या टार्गेटवर आल्याचं समोर येतंय.

 पाकमधले नेते, मौलवींची आता भाषाच बदलली

पहलगाम दहशतवादी हल्ल्यानंतर भारताने अचूक आखणी करत ऑपरेशन सिंदूर राबवलं. आणि दहशतवाद्यांना पोसणारा पाकचा खरा चेहरा पुन्हा समोर आणला. या सगळ्यात मुस्लीम चेहरा असलेले MIMचे नेते असदुद्दीन ओवेसी यांनी भारताची बाजू, लष्करी शौर्याचं कौतुक करत भारताच्या एकात्मतेचं दर्शन घडवलं.पण आपल्या देशाबाबतच्या असद्दुदिन ओवेसी यांच्या प्रेमामुळे पाकच्या पोटात दुखू लागलं. अनेकदा ओवेसी यांचे गोडवे गाणा-या पाकमधले नेते, मौलवी यांची आता भाषाच बदलली. औवेसी आता त्यांच्या रडारवर आले असून त्यांच्यावर पाकमधून सडकून टीका होतीये.

देशातील विविध मुद्द्यांवर ओवैसींचे सरकारशी अनेकदा आपण मतभेद पाहिलेत. मात्र पहलगाम हल्ल्यानंतर ओवेसी देशाच्या पाठीशी ठामपणे उभे राहिले. हीच गोष्ट पाकिस्तानींना आता काट्यासारखी टोचत आहे.

ओवैसींवर विष ओकायला सुरुवात

ओवैसी हे देशातील त्या काही मुस्लिम नेत्यांपैकी एक आहेत ज्यांनी पाकिस्तानला वेळोवेळी उघडं पाडलंय. मात्र तरीही पाकिस्तानी यातून धडा घेत नाहीत आणि यावेळी ते इतके पुढे गेले की त्यांनी असदुद्दीन ओवैसींवर विष ओकायला सुरुवात केली.

शिष्टमंडळ तयार

ऑपरेशन सिंदूरनंतर भारताने पाकची आंतरराष्ट्रीय पातळीवर कोंडी करण्यासाठी शिष्ठमंडळ तयार केलंय. यात एमआयएमचे नेते असद्दुदिन ओवेसी यांचाही सहभाग आहे. सध्या पाकमध्ये ओवेसींना टार्गेट केलं जात असलं तरी.भारत आणि ओवेसीही अशा पाकच्या धमक्यांना भिक घालणार नाही हे नक्की.