Mini Kashmir of India: काश्मीर हे असे ठिकाण आहे ज्याच्या सौंदर्याची तुलना स्वित्झर्लंडशी केली जाते. पण पहलगाममधील दहशतवादी हल्ल्यानंतर लोक आता तिथे जाण्यास कचरत आहेत. जर तुम्हीही या कारणास्तव सध्या काश्मीरला जात नसाल तर पश्चात्ताप करू नका. कारण तुमच्याकडे ‘मिनी काश्मीर’चा पर्याय आहे. हो, उत्तराखंडमध्ये एक असे ठिकाण आहे जे सौंदर्याच्या बाबतीत काश्मीरशी स्पर्धा करते. म्हणूनच त्याला ‘मिनी काश्मीर’ असं देखील म्हणतात. मे ते जून हा काळ येथे भेट देण्यासाठी खूप चांगला मानला जातो. ऑफिसमध्ये सुट्टी टाकून तुम्ही मिनी काश्मीरमध्ये जाऊ शकता आणि तिथल्या नैसर्गिक सौंदर्याचा आनंद घेऊ शकता.

हे कोणते ठिकाण आहे माहित आहे का?

आपण मुनस्यारीबद्दल बोलत आहोत, हे उत्तराखंडमधील पिथोरागड जिल्ह्यात असलेले एक अतिशय सुंदर गाव आहे. त्याला ‘मिनी काश्मीर’ म्हणतात. ते तुमच्यासाठी एक परिपूर्ण ठिकाण असू शकते. सुमारे २२०० मीटर उंचीवर असलेले हे हिल स्टेशन पंचचुली पर्वतरांगा आणि नंदा देवी पर्वताच्या सुंदर दृश्यांसाठी प्रसिद्ध आहे. येथे तुम्ही बर्फाच्छादित हिमालयीन पर्वतरांगांचा आनंद घेऊ शकता.

नक्की काय पाहाल?

मुनस्यारी येथे आजूबाजूला पाहण्यासारखे खूप काही आहे. तुम्ही येथे आल्यावर पंचचुली (मुन्सियारीवरून दिसणारी पाच बर्फाळ शिखरे), नंदा देवी मंदिर, माहेश्वरी कुंड, बेतुलीधर, खलिया टॉप, बिर्थी फॉल्स, असकोट अभयारण्य इत्यादी विविध ठिकाणे एक्सप्लोर करू शकता. यासोबतच येथे ट्रेकिंग आणि साहसी खेळदेखील बरेच आहेत. येथे मिलम ग्लेशियर ट्रेक, खालिया टॉप ट्रेक आणि नामिक ग्लेशियर ट्रेकसारखे रोमांचक ट्रेक आहेत. मे-जूनमध्ये बर्फ वितळू लागतो ज्यामुळे ट्रेकिंगचे मार्ग मोकळे होतात.

मे-जून महिने भेट देण्यासाठी सर्वोत्तम काळ का?

या गावात तुम्ही वर्षभर अद्भुत हवामानाचा आनंद घेऊ शकता आणि पंचचुली (पाच शिखरे), नंदा देवी आणि नंदा कोट यांचे नेत्रदीपक दृश्य पाहू शकता. पण मे-जून हा हंगाम येथे भेट देण्यासाठी सर्वात परिपूर्ण मानला जातो. याचे कारण म्हणजे मे-जून महिन्यात मुनस्यारीचे हवामान खूप आल्हाददायक असते. यावेळी येथील तापमान 10°C ते 25°C दरम्यान असते. ही वेळ भेट देण्यासाठी आणि ट्रेकिंगसाठी योग्य आहे.

बंगळुरुस्थित तंत्रज्ञान कंपनीच्या संस्थापकाने आपलं कंपनीचं ऑफिस पुण्याचा हलवण्याचा निर्णय घेतला आहे. फक्त सहा महिन्यातच कंपनीने बंगळुरुमधील कार्यालय बंद करण्याचं ठरवलं आहे. भाषेवरुन सुरु असलेला मूर्खपणा यासाठी कारणीभूत असल्याचं संस्थापकाने पोस्टमध्ये सांगितलं आहे. त्यांची पोस्ट सोशल मीडियावर चर्चेचा विषय ठरत आहे. 

“जर भाषेचा हा मूर्खपणा असाच सुरु राहिला तर मला माझे गैर-कन्नड भाषिक कर्मचारी पुढील ‘बळी’ ठरावेत अशी इच्छा नाही,” असं उद्योजक कौशिक मुखर्जी यांनी एक्सवर लिहिलं आहे. माझअया कर्मचाऱ्यांनी उपस्थित केलेल्या चिंतेमुळे हा निर्णय घेण्यात आला असून, आपण त्यांच्याशी [दृष्टिकोनाशी] सहमत आहेत”, असंही त्यांनी स्पष्ट केलं आहे. 

Today I took a decision to wind up our Bangalore office in the next 6 months and move it to Pune. If this language nonsense is to continue, I do not want my non Kannada speaking staff to be the next “victim”.
This idea was mooted by the staff themselves.
I agreed to their POV. https://t.co/M9abD2OYOD

— Kaushik Mukherjee  (@kush07) May 22, 2025

बंगळुरुच्या चांदापुरा भागातील एसबीआय शाखेत घडलेल्या एका प्रकारानंतर हा निर्णय घेण्यात आला आहे. बँकेतील एका मॅनेजरने एका ग्राहकाशी कन्नडमध्ये बोलण्यास नकार दिला आणि म्हटलं, “हा भारत आहे, मी कन्नड नाही तर हिंदी बोलेन”. हा व्हिडीओ सोशल मीडियावर व्हायरल झाला. यानंतर कन्नड कार्यकर्त्यांकडून आणि राजकीय नेत्यांकडूनही त्यावर तीव्र टीका झाली.

बंगळुरुमधील खासदार तेजस्वी सूर्या यांनी हा व्हिडीओ शेअऱ करत हे वागणं स्विकारलं जाऊ शकत नाही असं मह्टलं होतं. या पोस्टला उत्तर देताना कौशिक मुखर्जी यांनी ऑफिस पुण्याला नेत असल्याचं जाहीर केलं आहे. 

“जर तुम्ही कर्नाटकात ग्राहक सेवेचं काम करत असाल, विशेषतः बँकिंगसारख्या क्षेत्रात, तर ग्राहकांना त्यांच्या भाषेत संवाद साधणे महत्वाचे आहे,” असं सूर्या यांनी म्हटलं. कर्नाटकातील बँका आणि इतर सार्वजनिक संस्थांनी स्थानिक भाषा बोलणारे कर्मचारी नियुक्त करावेत अशी त्यांची दीर्घकाळची मागणी त्यांनी यानिमित्ताने पुन्हा एकदा मांडली. 

कर्नाटकचे मुख्यमंत्री सिद्धरामय्या यांनीही एसबीआयमधील घटनेवर टीका केली होती. तसंच  मॅनजेरचं वर्तन निषेधार्ह असल्याचे म्हटलं. त्यांनी केंद्रीय अर्थ मंत्रालयाला देशभरातील बँकिंग कर्मचाऱ्यांसाठी सांस्कृतिक आणि भाषा संवेदनशीलता प्रशिक्षण लागू करण्याची विनंती केली. दरम्यान या घटेननंतर मॅनेजरची बदली करण्यात आली आहे. बँक आणि मॅनेजीर दोघांनीही माफी मागितली आहे.