अनंत चतुर्थीदिवशी मुंबईत गणपती विसर्जनासाठी (Mumbai Ganesh Visarjan) महापालिका व पोलीस प्रशासन सज्ज झाले आहे. मुंबईत २०४ कृत्रिम तलाव तयार करण्यात आले आहेत. याशिवाय बीएमसीने शहरभरात १२,००० हून अधिक कर्मचारी तैनात केले आहेत. याशिवाय सुरक्षेसाठी १० हजारांहून अधिक सीसीटीव्ही कॅमेरे आणि ड्रोनच्या मदतीने प्रत्येक घडामोडीवर नजर असेल. त्याचबरोबर २४ हजारहून अधिक पोलीस अधिकारी व कर्मचारी बंदोबस्तासाठी तैनात असतील. त्यामध्ये एसआरपीएफचे १० हजार जवानांचा समावेश आहे.
