पुणे विभागातील ५,८६३ सदनिकांची लॉटरी प्रक्रिया पुढे ढकलली –
पुणे गृहनिर्माण व क्षेत्रविकास मंडळातर्फे पुणे, पिंपरी चिंचवड, कोल्हापूर, सोलापूर, सांगली येथील विविध गृहनिर्माण योजनेंतर्गत उभारलेल्या ५८६३ सदनिकांच्या विक्रीकरिता उद्या (२४ नोव्हेंबर) रोजी संगणकीय सोडत होणार होती. मात्र प्रशासकीय कारणास्तव ही सोडत प्रक्रिया पुढे ढकलण्यात आली आहे. सोडतीचा नवीन दिनांक संबंधित अर्जदारांना मोबाईलवर एसएमएसद्वारे कळविण्यात येणार असल्याचे म्हडाकडून स्पष्ट करण्यात आले आहे.
