बीड – बीडमध्ये मराठा आरक्षण आंदोलनास हिंसक वळण लागले असून आमदार प्रदीप सोळुंके यांच्या बंगल्याला आग लावल्यानंतर आता आंदोलकांनी बीडच्या माजलगाव नगर परिषदेच्या इमारतीला आग लावली आहे. आरक्षणाची मागणी करत आलेल्या जमावाने माजलगाव नगर परिषदेमध्ये घुसत जाळपोळ सुरू केली. त्यामुळे नगरपरिषदेच्या इमारतीमध्ये मोठी आग लागल्याचे दिसत आहे. बीड जिल्ह्यात आरक्षणाचा मुद्दा तापला असून, आंदोलन आक्रमक होताना दिसत आहे.
