मराठा आरक्षणासाठी आंदोलन करणारे मनोज जरांगे यांची मंत्री गिरीश महाजन व संदीपान भुमरे यांनी शनिवारी रुग्णालयात जाऊन भेट घेतली, यावेळी त्यांनी त्यांच्या प्रकृतीची विचारपूस केली. मराठा आरक्षणाबाबत राज्य सरकार गंभीर असून त्यावर काम सुरू आहे, जरांगेंनी २४ डिसेंबरचे अल्टिमेटम मागे घ्यावे, त्याचा आग्रह धरू नये असं आवाहन गिरीश महाजन यांनी केली. त्यावर जरांगे यांनी प्रतिक्रिया दिली असून कोणत्याही प्रकारचा वेळ वाढवून देणार नसल्याचे म्हटले आहे.
