प्रभाग क्रमांक १० मध्ये नवीन एलईडी व मर्क्युरी दिव्यांची बसवणी; नागरिकांकडून समाधान व्यक्त
अकलूज प्रतिनिधी : अकलूज नगर परिषदेच्या नगराध्यक्षा रेश्माताई अडगळे तसेच उपनगराध्यक्ष शिवतेजसिंह मोहिते-पाटील यांच्या मार्गदर्शनाखाली प्रभाग क्रमांक १० मधील कर्तव्यदक्ष नगरसेविका मनिषाताई मोहन तिकोटे यांच्या नेतृत्वाखाली परिसरातील नागरिकांच्या सोयीसाठी महत्त्वपूर्ण पाऊल उचलण्यात आले आहे.
प्रभाग क्रमांक १० मध्ये जुन्या व निकामी झालेल्या पथदिव्यांऐवजी नवीन मर्क्युरी व एलईडी दिवे बसविण्याचे काम हाती घेण्यात आले. या कामामुळे परिसरातील रस्त्यांवर अधिक प्रकाश पडणार असून नागरिकांना रात्रीच्या वेळी सुरक्षित व सुलभ प्रवास करता येणार आहे. तसेच अंधारामुळे उद्भवणाऱ्या अडचणी व अपघातांचे प्रमाण कमी होण्यास मदत होणार आहे.
यावेळी नागरिकांनी नगराध्यक्षा रेश्माताई अडगळे, उपनगराध्यक्ष शिवतेजसिंह मोहिते-पाटील आणि नगरसेविका मनिषाताई मोहन तिकोटे यांचे आभार मानत प्रभागातील विकासकामांबाबत समाधान व्यक्त केले. भविष्यातही नागरिकांच्या मूलभूत सुविधा अधिक सक्षम करण्यासाठी अशाच विकासकामांना प्राधान्य दिले जाणार असल्याचे सांगण्यात आले.
