अल्जेरियन महिला बॉक्सर इमाने खलीफ हिने पॅरिस ऑलिम्पिक २०२४ मध्ये सुवर्णपदक जिंकले आहे. शुक्रवारी (९ ऑगस्ट) इमान खलिफ हिने महिलांच्या ६६ किलो वजनी गटात सुवर्णपदक जिंकले. अल्जेरियाची महिला बॉक्सर इमान खलिफ लिंग विवादामुळे खूप चर्चेत होती. इमान खलिफवर बायोलॉजिकल पुरूष असल्याचा आरोपही करण्यात आला होता. चीनच्या यांग लिऊविरुद्ध झालेल्या अंतिम सामन्यात इमानने सुवर्णपदक जिंकले.
