Latur Man Dies By Suicide: राज्यात मराठा आरक्षण आणि ओबीसी आरक्षणावरून राज्यात चांगलीच ठिणगी पडली आहे. मंत्री छगन भुजबळ आणि मनोज जरांगे पाटील हे एकमेकांविरोधात आरोपांच्या फैरी झाडत आहेत. यातच लातूरमध्ये धनगर आरक्षणासाठी एका तरुणाने आत्महत्या केल्याची माहिती समोर आली. सरकारकडून आश्वासन मिळूनही एसटी आरक्षण दिले जात नसल्याने संबंधित तरुणाने रेल्वे समोर उडी घेत आत्महत्या केली, असे सांगितले जात आहे. मृतदेहाजवळ पोलिसांना सुसाईड नोट सापडली, ज्यात त्याने आत्महत्येचे कारण लिहिले आहे.
