धमकीचा फोन आल्यानंतर मुंबई पोलीस पूर्ण अलर्ट मोडमध्ये आले. तात्काळ तपासाची सूत्रं हलवण्यात आली. एका पथकाला रतन टाटा यांच्या सुरक्षेती काळजी घेण्याच्या सूचना देण्यात आल्या. तर दुसऱ्या पथकाला धमकी देणाऱ्या व्यक्तीचा शोध घेण्याच्या सूचना देण्यात आल्या.
मुंबई : गेल्या अनेक दिवसांपासून मुंबई पोलिसांच्या कंट्रोल रुममध्ये धमक्यांचे फोन येण्याचे प्रकार सुरु आहे. मुंबईत घातपात करण्याची धमकी देण्यात आल्याचे प्रकार यापुर्वी समोर आले आहे. मात्र आता टाटा समुहाचे माजी अध्यक्ष रतन टाटा यांंच्या नावाने धमकी देण्यात आली आहे. रतन टाटा यांची सुरक्षा वाढवा अन्यथा ते देखील सायरस मिस्त्री (Cyrus Mistry) होतील, अशी धमकी देण्यात आली आहे. पोलिसांनी लगेच तपास सुरू करत आरोपीचा शोध घेतला आणि त्याला तात्काळ बेड्या ठोकल्या.
हे सुद्धा वाचा
मुंबई पोलिसांच्या कंट्रोल रूमचा फोन खणाणला
मुंबई पोलिसांच्या कंट्रोल रुममध्ये अज्ञात व्यक्तीनं फोन केला होता. हा फोन रतन टाटा यांच्याबाबत होता. फोन करणाऱ्या अज्ञात व्यक्तीने रतन टाटा यांच नाव घेऊन धमकी दिली. रतन टाटा यांची सुरक्षा वाढवा, अन्यथा ते सायरस मिस्त्री होतील, अशी धमकी त्या व्यक्तीनं दिली. फोन आल्यानंतर तात्काळ पोलीस यंत्रणा कामाला लागली. पोलिसांनी तात्काळ तपासाची सूत्रं वेगानं फिरवली आणि धमकी देणाऱ्या व्यक्तीला शोध घेतला. पोलिसांनी धमकी देणाऱ्या व्यक्तीला बेड्या ठोकल्या, त्याच्या चौकशीत सदर व्यक्ती मनोरुग्ण असल्याचं समोर आलं आहे.
