Chhagan Bhujbal Death Threat : छगन भुजबळ यांना जिवे मारण्याची धमकी, आरोपीला महाडमधून अटक

छगन भुजबळ यांची सुपारी मिळाली असून त्यांना ठार मारण्याची धमकी आरोपीने दिली होती. या पूर्वी देखील छगन भुजबळ यांच्यावर शाईफेक करण्यात आली होती. त्यानंतर आता त्यांना जिवे मारण्याची धमकी मिळाली आहे. दरम्यान पोलिसांनी या घटनेची गंभीर दखल घेत तपास सुरू केला होता. आरोपीच्या फोनचा माग काढत त्याला महाड मधून पुणे पोलिसांनी अटक केली आहे. दरम्यान, आरोपी प्रशांत पाटील हा दारू प्यायला होता. दारूच्या नशेत त्याने ही धमकी दिल्याचे तपासात उघड झाले आहे. त्याला अटक केली असून पुढील कारवाईसाठी त्याला पुण्यात आणले जाणार आहे, अशी माहिती मिळत आहे.