भाजप खासदार ब्रिजभूषण शरण सिंह यांच्यावर निशाणा साधत विनेश फोगट म्हणाल्या की, न्याय मिळाला नाही, पण काळजी करू नका, एक दिवस नक्कीच हिशोब होईल
भाजप खासदार आणि माजी कुस्ती संघटनेचे अध्यक्ष ब्रिजभूषण शरण सिंह यांच्या वक्तव्यावर कुस्तीपटूंनी पुन्हा एकदा मोठा हल्ला चढवला आहे. महिला कुस्तीपटूंच्या लैंगिक छळाच्या आरोपावर सिंह म्हणाले की, त्यांच्याकडे कोणताही पुरावा नाही. यावर त्यांचा विरोध करणाऱ्या कुस्तीपटू बजरंग पुनिया आणि विनेश फोगट यांनी चांगलाच समाचार घेतला आहे.
कुस्तीपटू बजरंग पुनियाने सोशल मीडियावर सांगितले की, “जो महिला कुस्तीपटूंचे शोषण करतो तो इतरांना आरसा दाखवतो. ब्रिजभूषण हे सत्ताधारी पक्षाचे खासदार झाले नसते तर त्यांची संपूर्ण कहाणी समोर आली असती. सत्तेच्या आश्रयाने कुस्ती ताब्यात घेऊन जे काही केले ते भारताच्या क्रीडा इतिहासात काळ्या अक्षरात लिहिले जाईल.
