मोटारसायकलच्या २०२४ च्या व्हर्जनमध्ये एलईडी डेटाइम रनिंग लॅम्प्ससह एलईडी हेडलॅम्प देण्यात येणार आहे. पल्सर एनएस २०० आणि पल्सर एनएस १६० मध्ये सुरुवातीपासूनच हॅलोजन हेडलॅम्प देण्यात आला होता. बजाज ऑटोने केलेला दुसरा बदल म्हणजे नवीन डिजिटल इंस्ट्रूमेंट क्लस्टर ज्याने प्रथम पल्सर एन १६० आणि पल्सर एन १५० वर पदार्पण केले. नवीन डिजिटल इंस्ट्रुमेंट क्लस्टरब्लॅक-आऊट इंस्ट्रूमेंट क्लस्टरसह येईल, जे डाव्या स्विच गिअरवरील बटणाद्वारे नियंत्रित केले जाऊ शकते. नवीन क्लस्टरमध्ये गिअर पोझिशन इंडिकेटर, मोबाइल नोटिफिकेशन अलर्ट, तात्कालिक इंधन इकोनॉमी, अंतर, सरासरी इंधन इकोनॉमीआणि वेळ अशी माहिती दर्शविली जाते. याशिवाय नेहमीचे ट्रिप मीटर, ओडोमीटर, स्पीडोमीटर आणि फ्यूल गेज असणार आहे.
