[ad_1]
Varanasi Gangrape: वाराणसीमध्ये 23 नराधमांच्या वासनेच्या शिकार झालेल्या, क्रूरतेचा बळी ठरलेल्या सामूहिक बलात्कार पीडितेच्या प्रकरणाचा तपास आता सेक्स रॅकेटकडे वळलाय. पोलिसांनी अटक केलेल्या 23 पैकी 12 मुलांचे मोबाईल फोन तपासण्यात आले. यातून अतिशय धक्कादायक माहिती समोर आली आहे. वाराणसी पोलिसांना आरोपींच्या मोबाईलमध्ये 2-4 नव्हे तर तब्बल 546 मुलींचे नग्न व्हिडिओ आणि फोटो आढळले. एवढेच नव्हे तर ज्या लोकांसोबत त्यांनी हा व्हिडिओ शेअर केलाय त्यांचे लोकेशन उत्तर प्रदेशसह 6 राज्यांमध्ये आढळलंय. दिल्ली, बिहार, महाराष्ट्र, पश्चिम बंगाल आणि तामिळनाडू या राज्यांत हे व्हिडीओ फिरवले गेले. सामूहिक बलात्काराचे धागेदोरे केवळ 23 आरोपींपुरते मर्यादित नाहीत तर ते 6 राज्यांशी जोडल्याचा अंदाज वर्तवण्यात येतोय.
सामूहिक बलात्काराचा मास्टरमाइंड
या गुन्ह्याचा सूत्रधार अनमोल गुप्ता असल्याचे सांगितले जात असून त्याला अटक करण्यात आलीय. तो एका कॉन्टिनेंटल कॅफेचा मालक आहे. अनमोल गुप्ताकडून जप्त केलेल्या दोन मोबाईल फोनमध्ये मुलींचे सर्वात आक्षेपार्ह फोटो आणि व्हिडिओ आढळले. हे फोटो आणि व्हिडिओ इंटरनेटवरून डाउनलोड केलेले नाहीत तर त्यांच्या कॉन्टिनेंटल कॅफेमध्ये बनवण्यात आल्याची माहिती समोर आली आहे. पोलिसांनी हे व्हिडीओ, फोटो फॉरेन्सिक तपासणीसाठी आग्रा फॉरेन्सिक सायन्स लॅबोरेटरीमध्ये पाठवले आहे. अनुपम गुप्ता हा नग्न फोटो आणि व्हिडिओ त्याच्या ग्राहकांना पाठवत असे. जुन्या ग्राहकांपासून नवीन ग्राहक तयार करण्याची साखळी प्तो चालवत असे. अनुपमच्या मोबाईल फोनमध्ये एक डेटाशीटदेखील सापडली. ज्याने या थ्योअरीला दुजोरा दिलाय.
अनमोलचे वडील चालवायचे सेक्स रॅकेट
माझे वडील शरद गुप्ता देखील सेक्स रॅकेट माफियाचा भाग आहेत. असे अनमोलने चौकशीदरम्यान पोलिसांना सांगितले. 2022 मध्ये अनमोलला त्याचे वडील शरद गुप्ता यांच्यासह सेक्स रॅकेट चालवल्याबद्दल अटक करण्यात आली होती.
सर्व आरोपी ड्रग्ज व्यसनी
पोलिसांनी आतापर्यंत अटक केलेले सर्व आरोपी ड्रग्ज व्यसनी आहेत. तसेच अटक केलेले सर्व आरोपी कॅफेशी संबंधित आहेत. आरोपींपैकी एक कोल्ड्रिंक्स एजन्सी चालवतो आणि दुसरा हर्धा येथील एका कंघीच्या दुकानात काम करतो. अटक केलेली 12 मुले ड्रग्ज व्यसनी आहेत. आणि त्यांच्या ड्रग्जच्या व्यसनामुळे त्यांना वारंवार तुरुंगातही जावे लागले आहे. पोलिस तपासात याबद्दलची माहिती समोर आलीय.
बेपत्ता झालेली मुलगी बेशुद्ध अवस्थेत आढळली
पीडित विद्यार्थिनीच्या वडिलांनी पोलिसांना महत्वाची माहिती दिली. 29 मार्च रोजी त्यांची मुलगी अचानक बेपत्ता झाली तेव्हा त्यांनी तिच्या सर्व मित्र आणि नातेवाईकांच्या ठिकाणी तिचा शोध घेतला. पण काही दिवसांनी 4 एप्रिल रोजी पोलिसांनी त्यांच्या मुलीला घरी आणले. तिची प्रकृती खूप वाईट होती. ती बेशुद्ध अवस्थेत आढळली होती. 48 तासांनंतर ती सामान्य झाली आणि 6 दिवसांनंतर ती खूप घाबरलेली दिसली. तपासादरम्यान पोलिसांना असे आढळून आले की, विद्यार्थिनीला ड्रग्ज देऊन नशेत ठेवण्यात आले होते आणि तिच्यावर 6 दिवस सतत बलात्कार करण्यात आला. मास्टरमाइंड अनमोल गुप्ताने त्याच्या कॉन्टिनेंटल कॅफेद्वारे 15 मुलांना त्याचे एजंट म्हणून नियुक्त केले होते जे मुलींशी मैत्री करायचे आणि त्यांना त्यांच्या तावडीत अडकवायचे. मग ते त्यांच्यावर बलात्कार करायचे आणि त्यांना ब्लॅकमेल करायचे, असेही पोलिसांना तपासादरम्यान आढळून आले.
[ad_2]
Source link
