फलटण :-साखरवाडी येथे गेल्या अनेक दशकांपासून बुद्ध विहाराच्या जागेसाठी संघर्ष सुरू आहे. मात्र, स्थानिक प्रशासनाने जागा उपलब्ध करून देण्यास विलंब लावल्याने हा मुद्दा अधिक गंभीर झाला आहे. या पार्श्वभूमीवर, साखरवाडी येथील बौद्ध अनुयायांनी आपल्या मागणीसाठी आज, १० फेब्रुवारी २०२५, सकाळी ८ वाजता, साखरवाडी गावातून फलटण तहसील कार्यालयावर पायी लॉंगमार्च काढला आहे.
✊ संघटित लढ्याची हाक!
महामानव डॉ. बाबासाहेब आंबेडकर यांच्या विचारांवर श्रद्धा असलेल्या शेकडो अनुयायांनी या लॉंगमार्चमध्ये उत्स्फूर्त सहभाग घेतला आहे. “जय भीम!” आणि “बुद्ध विहार आमच्या हक्काचं!” अशा घोषणांनी संपूर्ण परिसर दणाणून गेला आहे. हा लॉंगमार्च बौद्ध अनुयायांच्या एकजुटीचे प्रतिक ठरत असून, बुद्ध विहाराच्या हक्काची भव्य जागा मिळवण्यासाठी लढा अधिक तीव्र करण्याचा निर्धार यातून व्यक्त करण्यात आला आहे.
समाज बांधवांना आवाहन
सर्व बहुजन समाज बांधव, कार्यकर्ते आणि विचारवंतांनी या ऐतिहासिक आंदोलनात सहभागी होऊन आपल्या हक्कांसाठी आवाज उठवावा, असे आवाहन आयोजकांनी केले आहे.
“जय भीम! एका मोठ्या परिवर्तनासाठी पाऊल उचलूया!”
