फलटण | साहस Times
सातारा जिल्हा परिषदेचे माजी अध्यक्ष श्रीमंत संजीवराजे नाईक निंबाळकर यांच्या निवासस्थानी आणि गोविंद मिल्क अँड मिल्क प्रॉडक्ट येथे आज सकाळी ६ वाजल्यापासून विविध तपास यंत्रणांनी धाड टाकल्याची प्राथमिक माहिती समोर आली आहे. या कारवाईमुळे कार्यकर्त्यांमध्ये खळबळ उडाली असून मोठ्या प्रमाणावर कार्यकर्त्यांनी त्यांच्या निवासस्थानी गर्दी केली होती.
या पार्श्वभूमीवर विधान परिषदेचे माजी सभापती तसेच विद्यमान आमदार श्रीमंत रामराजे नाईक निंबाळकर यांनी सूचक संदेश व्हॉट्सअ‍ॅप स्टेटसच्या माध्यमातून कार्यकर्त्यांना शांत राहण्याचे आवाहन केले आहे. त्यांनी म्हटले आहे, “गर्दी करू नका, खात्याला काम करू द्या; काळजी नसावी.”
सध्या तपास यंत्रणांची कारवाई सुरू असून अधिकृत माहितीची प्रतीक्षा आहे. स्थानिक प्रशासन आणि पोलिसांकडूनही परिस्थितीवर बारकाईने नजर ठेवली जात आहे.
