Vande Bharat News : देशातील सर्वात आधुनिक आणि वेगवान गाड्यांपैकी एक असलेली वंदे भारत एक्सप्रेस तिच्या आलीशान सेवेसाठी व आरामदाई प्रवासाठी ओळखली जाते. देशात १०० पेक्षा अधिक वंदे भारत एक्सप्रेस धावतात. मात्र, ही गाडी मार्ग चुकल्याची धक्कादायक घटना नुकतीच उघडकीस आली आहे. ही ट्रेन मुंबईच्या छत्रपती शिवाजी महाराज टर्मिनस (सीएसएमटी) येथून गोव्यातील मडगाव स्थानकावर जाणार होती. मात्र, ही गाडी मध्येच तिचा मार्ग चुकली व दुसऱ्या ट्रॅकवर विरुद्ध दिशेने धावू लागली.
