Kasba Assembly Election Result Ravindra Dhangekar Loss : राज्यात विधानसभेच्या निवडणुकीत महायुतीला जनतेने स्पष्ट कौल दिला आहे. या निवडणुकीत महाविकास आघाडीच्या नेत्यांचं पानिपत झालं. काँग्रेसचे अनेक मोठे नेते देखील पराभूत झाले आहेत. पुण्यातील २१ मतदार संघात महायुतीचे १८ उमेदवार निवडून आले आहेत. या निवडणुकीत पुण्यातील कसबा पेठ मतदार संघात आमदार रवींद्र धंगेकर विरुद्ध भाजपचे हेमंत रासने असा सामना रंगला. यात हेमंत रासने यांनी रवींद्र धंगेकर यांचा मोठ्या मताधिक्याने पराभव करत पोटनिवडणुकीत झालेल्या पराभवाचा वचपा काढला आहे.
