धक्कादायक! गुटखा खात ठाण्यातील हिरानंदानी इस्टेटमध्ये २२ व्या मजल्यावरुन उडी मारून महिलेने संपवलं जीवन

Thane Crime news : संपूर्ण राज्यात दिवाळी उत्साहात साजरी होत असतांना ठाण्यात एक धक्कादायक घटना उघडकीस आली आहे. येथील हिरानंदानी इस्टेटमधील पेनिकल या इमारतीच्या २२ व्या मजल्यावरुन उडी मारून एका महिलेने तिचे जीवन संपवलं आहे. ही महिला या इमारतीत एका रुग्णाला मसाज देण्यासाठी आली होती. घरची परिस्थिती बेताची असल्याने आणि पती व मुलगा दुर्धर आजाराने ग्रस्त असल्याने या महिलेने हे टोकाचे पाऊल उचलले असल्याचा प्राथमिक अंदाज पोलिसांनी वर्तवला आहे.