Mumbai Fire : मुंबईतील गोरेगाव येथील ३१ मजली इमारतीला आग, दोन जणांची प्रकृती चिंतानजक

Mumbai Fire News Today: सणासुदीच्या काळात मुंबईत गेल्या दोन दिवसांपासून एकापाठून एक आगीच्या घटना समोर येत आहेत. शुक्रवारी संध्याकाळी सायन, अंधेरी आणि गिरगाव येथील इमारतीला आग लागली. या घटनेला एक दिवस उलटला नाही तोच, गोरेगाव येथील बहुमजली इमारतीला आग आज दुपारी (०२ ऑक्टोबर २०२४) आग लागली. या आगीची माहिती मिळताच अग्निशमन दलाच्या गाड्या घटनास्थळी दाखल झाल्या. आगीवर नियंत्रण मिळवण्याचे काम सुरू आहे. परंतु, श्वास घेण्यास त्रास होत असल्याने दोन जणांना जवळच्या रुग्णालयात दाखल करण्यात आले असून त्यांची प्रकृती चिंताजनक असल्याचे सांगितले जात आहे. या घटनेने परिसरात एकच खळबळ माजली आहे.