Maharashtra Assembly Election 2024: एकीकडे महायुतीतील घटक पक्ष भापजने महाराष्ट्र विधानसभा निवडणुकीसाठी ९९ उमेदवारांची आपली पहिली यादी जाहीर केली आहे. तर, दुसरीकडे महाविकास आघाडीत विदर्भातील जागांवरून वाद चालू आहे. उद्धव ठाकरेंच्या शिवसेना विदर्भातून १२ जागा लढवण्यास ठाम आहेत. तर, या भागात आमची ताकद जास्त असल्याचा दावा करत आम्हीच अधिक जागांवरून निवडणूक लढवणार, अशी काँग्रेसची भूमिका आहे. यावर तोडगा काढण्यासाठी अनेक बैठका पार पडल्या. मात्र, अजूनही त्यावर तोडगा निघाला नाही. याच पार्श्वभूमीवर काँग्रेस उद्या आपल्या ५४ उमेदवारांची नावे जाहीर करणार असल्याची माहिती समोर येत आहे. या यादीत अनेक बड्या नेत्यांचे नाव असल्याचे बोलले जात आहे.
