राज्यात महिला व अल्पवयीन मुलींवर अत्याचाराच्या घटनांमध्ये वाढ झाल्याचे दिसून येत आहे. आता सांगली जिल्ह्यातील अल्पवयीन मुलीवर अत्याचाराची घटना समोर आली आहे. सांगली जिल्ह्यातील आटपाडी येथे अल्पवयीन मुलीवर जिमचालक तरुणाने लैंगिक अत्याचार केल्याचा प्रकार समोर आल्यानंतर नागरिक आक्रमक झाले आहेत. आरोपी व त्याला मदत करणाऱ्या महिलेला फाशीची शिक्षा सुनावण्यात यावी या मागणीसाठी नागरिकांनी आडपाडी पोलीस ठाण्यासमोर ठिय्या आंदोलन सुरू केले आहे.
