Maharashtra Weather update : राज्यात आज रविवारपासून पावसाची शक्यता आहे. रविवारी (२ जून) विजांच्या कडकडाटासह तुरळक ठिकाणी पाऊस पडण्याची शक्यता हवामान विभागाने वर्तवली आहे. कोकण, मध्य महाराष्ट्र, मराठवाडा आणि विदर्भाला ५ जूनपर्यंत यलो अलर्ट देण्यात आला आहे. तर विदर्भात चंद्रपूर, नागपूर, वर्धा जिल्ह्यात उष्णतेची लाट येण्याची शक्यता हवामान विभागाने वर्तवली आहे. उर्वरित जिल्ह्यात तुरळक ठिकाणी मेगगर्जना व विजांचा कडकडाट व ताशी ४० ते ५० किमी वेगाच्या वादळी वाऱ्यासह पावसाची शक्यता वर्तवण्यात आली आहे. पाच जूनपर्यंत विदर्भात बहुतांश जिल्ह्यात तुरळक ठिकाणी पाऊस पडण्याची शक्यता वर्तवण्यात आली आहे.
