राज्यसभा खासदार बनविण्याच्या नावाखाली दोन कोटी रुपयांची फसवणूक करणाऱ्या दोघांना अटक केली. एका व्यावसायिकाच्या तक्रारीवरून दिल्लीच्या किशनगड पोलिसांनी ही कारवाई केली.
नवी दिल्ली : राज्यसभा खासदार बनविण्याच्या नावाखाली दोन कोटी रुपयांची फसवणूक करणाऱ्या दोघांना अटक केली. एका व्यावसायिकाच्या तक्रारीवरून दिल्लीच्या किशनगड पोलिसांनी ही कारवाई केली. नवीन कुमार सिंग आणि नानक दास अशी आरोपींची नावे आहेत. आरोपींकडे अधिक चौकशी केली असता पोलिसांनी बनावट कागदपत्रे आणि मालमत्तेची कागदपत्रे जप्त केली आहेत.
नवीनने स्वतःला राष्ट्रपतींचा प्रोटोकॉल अधिकारी म्हणून सांगितल्याचे तपासात समोर आले आहे. नवीनवर दिल्ली आणि चंदीगडमध्ये फसवणूक आणि इतर गुन्हेही दाखल आहेत. राष्ट्रपतींचे प्रोटोकॉल अधिकारी असल्याची बतावणी केली. गुप्त माहितीच्या आधारे, पोलिसांनी नवीन कुमारला त्याच्या नोएडा येथील घरातून पकडले. लक्ष्मीनगर येथे राहणाऱ्या करणकडून त्याला राष्ट्रपती कार्यालयाची बनावट कागदपत्रे मिळाली होती. त्याबदल्यात त्याला 2 कोटी रुपये मिळाले. या फसवणुकीच्या पैशातून करणने बिहारमध्ये मालमत्ता खरेदी केली होती.
