Groom Missing From Marraige | संध्याकाळी लग्नाची वरात निघणार होती, कपडे खरेदीसाठी निघालेला वर घरी परतलाच नाही; ऐन लग्नाच्या दिवशी तरुण बेपत्ता! | Navarashtra (नवराष्ट्र)

ऐन लग्नाच्या दिवशी नवरदेव घरातून बेपत्ता झाल्याची बाब उघडकीस आल्यानंतर वधू पक्षाकडील लोकांनीही लग्नाला नकार दिला.

ऐन लग्नाच्या दिवशी नवरदेव बेपत्ता झाल्याची घटना उत्तराखंडमधून उघडकीस आली आहे. लग्नाच्या दिवशी कपडे खरेदी करण्यासाठी निघालेला तरुण संध्याकाळपर्यंत घरी न आल्याने त्याच्या कुटुंबियांनी त्याच्या बेपत्ता (Groom Missing From Marraige) होण्याची तक्रार पोलिसात दिली. कुटुंबीय आणि नातेवाईक तरुणाच्या शोध घेत असून, वधू पक्षाला याची माहिती मिळताच त्यांनी संताप व्यक्त करत लग्न करण्यास नकार दिला.

नेमका प्रकार काय

विजयनगर येथे राहणाऱ्या तरुणाचे एका मुलीसोबत लग्न जुळलं होतं. शनिवारी दुपारी 12 वाजता त्याच्या लग्नाची वरात निघणार होती. दोन्ही कुटुंबात लग्नाची तयारी जोरात सुरू होती. शनिवारी सकाळी बाजारातून शेरवानी घेण्यासाठी तरुणाने आईकडून 15 हजार रुपये घेतले.