असे सुरू होते रॅकेट
कुरकुंभ औद्योगिक वसाहतीत तब्बल २० गुंठयात ही कंपनी चालवली जात होती. ही कंपनी २००६मध्ये सुरू करण्यात आली होती. सुयमरे ४० कामगार या कंपनीत कामाला होते. या कंपनीत आधी पेंटमध्ये टाकण्यात येणारे गंजविरोधी केमिकल तयार करण्यात येत होते. यानंतर मेलेरिया आजाराबाबत तयार करण्यात येणाऱ्या औषधांचे काही पदार्थ या ठिकाणी तयार केले जात होते. तसेच काही दिवसांपासूंन एमडी ड्रग्स तयार केले जात होते. हे एमडी ड्रग्स तयार केल्यावर त्याचे ५०० ग्रॅमचे पॅकेट तयार करून कुरिअर बॉय मार्फत हे ड्रग्स विश्रांतवाडी येथील गोदामात पाठवले जात होते. यानंतर, येथून हे ड्रग्स, पुणे, मुंबई, दिल्ली या सारख्या देशभरातील मेट्रो शहरात विक्रीसाठी पाठवले जात होते.
