आगामी लोकसभा निवडणूक (Loksabha Election) भाजप 40 मित्रपक्षांच्या सहकाऱ्यांनी लढण्यासाठी सज्ज होत आहे. चंद्राबाबू नायडू यांच्या टीडीपीचाही यात समावेश राहणार आहे. पंजाबमध्ये शिरोमणी अकाली दल, तेलंगणामध्ये बीआरएस यांच्यासोबत भाजपची चर्चा सुरू आहे. हे दोन्ही पक्ष एनडीएमध्ये समाविष्ट होऊ शकतात.
नवी दिल्ली : आगामी लोकसभा निवडणूक (Loksabha Election) भाजप 40 मित्रपक्षांच्या सहकाऱ्यांनी लढण्यासाठी सज्ज होत आहे. चंद्राबाबू नायडू यांच्या टीडीपीचाही यात समावेश राहणार आहे. पंजाबमध्ये शिरोमणी अकाली दल, तेलंगणामध्ये बीआरएस यांच्यासोबत भाजपची चर्चा सुरू आहे. हे दोन्ही पक्ष एनडीएमध्ये समाविष्ट होऊ शकतात.
मागील 26 वर्षांत पहिल्यांदाच भाजप एवढ्या मोठ्या प्रमाणात मित्र पक्षांना सोबत घेत आहे. आतापर्यंत 20-22 पक्ष सोबत घेत होते. जुलै 2023 मध्ये दिल्ली येथील अशोका हॉटेलमध्ये पंतप्रधान नरेंद्र मोदी यांच्या नेतृत्वात एनडीएची बैठक झाली होती. त्या 38 पक्षांना बोलाविण्यात आले होते. या पक्षांतील अनेक पक्षांना राजकीय जनाधार नव्हता. त्यानंतर ‘इंडिया’ आघाडीची स्थापना झाली व सात महिन्यात भाजपने एनडीएचे स्वरूप पूर्णपणे बदलवले. आता एनडीएमध्ये जनता दल यूनाइटेड, जनता दल सेक्युलर आणि आरएलडीसारखे मोठे पक्ष सहभागी झाले आहेत.
