Nitish Kumar : सकाळी राजीनामा आणि सायंकाळी पुन्हा शपथविधी, उद्या नवव्यांदा बिहारचे मुख्यमंत्री बनणार नितीश कुमार?

मिळालेल्या माहितीनुसार नितीश कुमार रविवारी सकाळपर्यंत राजीनामा देऊ शकतात. त्यापूर्वी ते विधीमंडळ पक्षाची बैठक बोलावू शकतात.भाजपच्या पाठिंब्यावर नवीन सरकारच्या शपथविधी होणार आहेत. त्यामुळे रविवार असूनही सचिवालयाचे कामकाज सुरू ठेवण्याचे आदेश देण्यात आले आहेत. दरम्यान, बिहार भाजप कार्यकारिणीच्या बैठकीनंतर जेडीयूला पाठिंबा देण्याची औपचारिक घोषणा केली नाही.भाजपच्या सूत्रांनी सांगितले की, वरिष्ठ नेत्यांनी आदेश दिले आहेत की, नितीश कुमार यांनी राजीनामा देईपर्यंत त्यांना पाठिंब्याची घोषणा करू नये.