Winter Solstice: आजची रात्र तब्बल सव्वा तेरा तासांची, दिवस वर्षातील सर्वात लहान

22 December shortest day: हिवाळ्यात रात्र मोठी आणि दिवस लहान असतो. २२ डिसेंबर हा वर्षांतील सर्वात लहान दिवस असतो. या दिवशी दिवस पावणे अकरा तासांचा आणि रात्र तब्बल सव्वा तेरा तासांची असते. पृथ्वीचा अक्ष तिच्या कक्षेच्या २३.५ अंशांनी कललेला असल्याने हे घडते.२२ डिसेंबरच्या दिवशी सूर्य अधिकाधिक दक्षिणेकडे असतो. यावेळी उत्तर गोलार्धात दिनमान सर्वात कमी अर्थात दिवस सर्वात लहान असतो. यानंतर पुढे सूर्य उत्तर बाजूस सरकत जातो, यालाच उत्तरायण म्हणतात. ही प्रक्रिया २१ जूनला पूर्ण होते, ज्याला वर्षातील सर्वात मोठा दिवस म्हणून ओखळले जाते.